Гвинея-Биссау

Гвинея-Биссау Өрөспүүбүлүкэтэ (República da Guiné-Bissau) диэн Арҕаа Африка дойдута. Кирбиилэhэр Сенегаллыын хоту уонна Гвинеялыын соҕуруу уонна илин. Атлантик океан кытылыгар турар. Иэнэ 37,000 км², олохтоохторун ахсаана 1,600,000. Киин куората Биссау.

Португалия полицията 1959 сыл атырдьах ыйын 3 күнүгэр хамнастарын үрдэттэрээри забастовкалаабыт куруусчуттары ытыалаабытын түмүгэр 25 киһи өлбүт. Бу кэнниттэн Гвинея-Бисауга төрүт олохтоохтор колонизатордары утары сэбилэниилээх утарсыыны оҥорбуттара, тиһэҕэр дойду Португалияттан босхоломмута. Бу күнү билигин судаарыстыба Пиджигитигэ дьону кыргыы күнэ диэн ааттаан бэлиэтиир.