Нуучча тылынанАнал бырайыактар
Тылы уларыт
УРУБИИКИ ТУҺУНАН

Черноградская Наталья Дмитриевна

Черноградская Наталья Дмитриевна (аҕатынан араспаанньата Захарова; 1991 сыл тохсунньу 21 күнэ, Үөһээ Бүлүү, Саха ССР) — Арассыыйа спортсмена, мадьыны, мас тардыһыыга Аан дойду үс төгүллээх, Европа уонна Азия хас да төгүллээх, Арассыыйа алта төгүллээх кыайыылааҕа[1]. Арассыыйа успуордун аан дойдутааҕы кылаастаах маастара, мас тардыһыытыгар, пауэрлифтиҥҥэ, становой тардыыга Арассыыйа спордун маастара[2][3].

Олоҕун олуктара

1991 сыллаахха тохсунньу 21 күнүгэр Саха АССР Үөһээ Бүлүү улууһун Үөһээ Бүлүү нэһилиэгэр төрдүс оҕонон төрөөбүт.

Оҕо сааһа Үөһээ Бүлүү улууһун Өргүөт нэһилиэгэр ааспыт. Ийэлээх аҕата успуорка кыра эрдэҕиттэн сыһыарбыттар.

М. К. Аммосов аатынан Хотугулуу-Илиҥҥи федеральнай университет (ХИФУ) педагогикаҕа институтун «педагог-психолог» идэтинэн, ону тэҥэ юриспруденция факультетын бүтэрбит.

2013 сылтан 2014 сылга диэри СӨ Дьокуускай куораттааҕы суутун холуобунай канцеляриятыгар специалиһынан үлэлээбит.

2017—2019 сс. Дьокуускай 1 №-дээх оҕо-ыччат успуордун оскуолатыгар тренердээбит.

2019—2020 сс. юрист көмөлөһөөччүтүнэн, 2020—2021 сс. доруобуйаларыгар хааччахтаах оҕолорго аналлаах Өрөспүүбүлүкэтээҕи кииҥҥэ педагог-психологынан үлэлээбит.

Фитнес-кулуупка, Баһылай Манчаары аатынан «Модун» успуорт төрүт көрүҥнэрин Киинигэр тренеринэн үлэлиир[4].

Спорт

Ыараханы көтөҕүү уонна хары баттаһыы

Устудьуоннуур сылларыгар (2008-2013) күүс спордун көрүҥнэринэн ситиһиилээхтик дьарыктаммыт.

Хары баттаһыы (армрестлинг)

  • Студеннар ортолоругар Россия чемпионатын боруонса призера (хаҥас илии, Казань, 2011);
  • Саха Өрөспүүбүлүкэтин үс төгүллээх чөмпүйүөнэ (2010, 2011, 2012).

Пауэрлифтинг

Ыйааһыны көтөҕүүгэ «безэкипировочное силовое троеборье» көрүҥҥэ кыттар эбит.

Мас тардыһыыта

Мас тардыһыытынан 2016 сылтан дьарыктанан саҕалаабыт[1]. Хары баттааһыыга уонна ыараханы көтөҕүүгэ улахан уопуттаах уонна ситиһиилэрдээх буолан, саҥа көрүҥҥэ чэпчэкитик көспүт. Ону тэҥэ, мас тардыһыынан ситиһиилээхтик дьарыктана сылдьар доҕотторун Марина Федоренко уонна Виталий Данилов холобурдара быһаарынарыгар көмөлөспүттэр[3].

Бастакы тренеринэн Алексей Валерьевич Агапов буолбут.

2017 сылтан бу көрүҥҥэ Арассыыйа уонна Аан дойду күүстээх спортсменнарын ахсааннарыгар бигэтик киирэр.

Аан дойду чемпионаттарыгар ситиһиилэрэ

  • 2017 сыл (Алматы, Казахстан): Аан дойду Кубогын үрүҥ көмүс призера;
  • 2018 сыл (Дьокуускай): Мас тардыһыыга Аан дойду III чемпионатын финалыгар Азербайджан бэрэстэбиитэлин кыайан, бастакытын Аан дойду чөмпүйүөнэ буолбут[5];
  • 2022 сыл (Дьокуускай): Мас тардыһыыга Аан дойду IV чемпионатын боруонса призера буолбут[6];
  • 2023 сыл (Хива, Узбекистан): Мас тардыһыыга Аан дойду V чемпионатыгар Кыргызстан мадьынытын Эльза Абдукадырованы кытта киирсибит[7];
  • 2024 сыл (Бишкек, Кыргызстан): Мас тардыһыыга Аан дойду VI чемпионатыгар эмиэ Эльза Абдукадырованы кытта көрсөн, 2:1 кыайбыт[8] .

Европа уонна Азия чемпионаттарыгар ситиһиилэрэ

  • Европа чемпионаттара: Европа икки төгүллээх кыайыылааҕа (Баку, 2019; Стамбул, 2021);
  • Азия чемпионаттара: Азия икки төгүллээх кыайыылааҕа (Алмалык, Узбекистан, 2019; Хива, Узбекистан, 2020)[2].

Россия чемпионаттарыгар ситиһиилэрэ

  • Арассыыйа Чөмпүйүөнэ: 2018 (Нальчик), 2019 (Чебоксары), 2021 (Калуга);
  • Бүтүн Арассыыйатааҕы Р. М. Дмитриев аатынан турнир кыайыылааҕа (Москва, 2018);
  • Россия чемпионатын үрүҥ көмүс призера: 2017 (Долгопрудный);
  • Россия чемпионатын боруонса призера: 2017 сыл[2].

Саха сиригэр ситиһиилэрэ

  • «Манчаары Оонньуулара» спартакиада икки төгүллээх кыайыылааҕа (2017, 2021);
  • Саха Өрөспүүбүлүкэтин алта төгүллээх чемпиона (2017—2021, 2026)[2].

Наҕараадалара уонна ытык ааттара

  • Россия успуордун аан дойдутааҕы кылаастаах маастара;
  • Мас тардыһыыга Россия спордун маастара;
  • Пауэрлифтиҥҥэ Россия спордун маастара;
  • Становой тардыыга Россия спордун маастара[3];
  • Үөһээ Бүлүү улууһун Өргүөт нэһилиэгин Ытык киһитэ (2017);
  • Саха Өрөспүүбүлүкэтин «Спорт төрүт көрүҥнэригэр Бастыҥ спортсменка» номинация лауреата (2018, 2021);
  • Үөһээ Бүлүү улууһун «Уон бастыҥ спортсмен» номинациятын хас да төгүллээх лауреата (2012, 2013, 2017—2021)[4].

Тус олоҕо

Захаровтар дьиэ кэргэннэрин төрдүс оҕото. Икки эдьиийдээх, биир убайдаах.

Быһа холоон, 2014 сыллаахха огдообо хаалбыт[3].

Уол оҕолоох[1].

Быһаарыылар

  1. ↑ 1 2 3 Наталья Черноградская завоевала шестое золото Чемпионата России: «Мас-рестлинг подходит для всех» (рус.). yakutsk-news.net (18 Муус устар 2024). Сигэнии күнэ: 23 Олунньу 2026.
  2. ↑ 1 2 3 4 Черноградская Наталья (рус.). mas-wrestling.ru. Сигэнии күнэ: 23 Олунньу 2026.
  3. ↑ 1 2 3 4 5 Легендарные покорительницы помоста. Женское лицо якутского мас-рестлинга (часть 2) (рус.). Сигэнии күнэ: 7 Кулун тутар 2026.
  4. ↑ 1 2 Черноградская Наталья Дмитриевна — мас-рестлинг, пауэрлифтинг. (рус.). sakha-korotov.ru (1 Кулун тутар 2001). Сигэнии күнэ: 24 Олунньу 2026.
  5. ↑ «Любая соперница могла преподнести сюрприз». Наталья Черноградская новая чемпионка мира (рус.). mas-wrestling.com (24 Сэтинньи 2018). Сигэнии күнэ: 23 Олунньу 2026.
  6. ↑ Россияне выиграли общий зачет чемпионата мира по мас-рестлингу, завоевав 11 золотых наград (рус.). Сигэнии күнэ: 7 Кулун тутар 2026.
  7. ↑ Якутянка Наталья Черноградская стала двухкратной чемпионкой мира по мас-рестлингу (рус.). ysia.ru (10 Балаҕан ыйын 2023). Сигэнии күнэ: 23 Олунньу 2026.
  8. ↑ Якутянка Наталья Черноградская стала трёхкратной чемпионкой мира (рус.). infotimes.ru (2 Ахсынньы 2024). Сигэнии күнэ: 23 Олунньу 2026.

Категориялар