Нуучча тылынанАнал бырайыактар
Тылы уларыт
УРУБИИКИ ТУҺУНАН

Дмитриев Роман Михайлович

Роман Михайлович Дмитриев (1949 сыл кулун тутар 7 күнэ, Бэстээх нэһилиэгэ, Саха АССР — 2010 сыл олунньу 11 күнэ, Москва) — көҥүл тустууга Олимпиада чөмпүйүөнэ.

Олоҕун олуктара

1949 сыл кулун тутар 7 күнүгэр Эдьигээн улууһун Бэстээх нэһилиэгэр төрөөбүт.

Көҥүл тустуунан 1963 сыллаахха саҕалаан дьарыктаммыта. 1967 сыллаахха спорт маастарын, 1969 сыллаахха норуоттар ыккардыларынааҕы кылаастаах спорт маастарын нуорматын толорбут. Тренердэрэ — И. П. Габышев, Д. П. Коркин, С. А. Преображенскай[1].

Роман Дмитриев — Олимпиада чөмпүйүөнэ (1972), Олимпийскай оонньуулар үрүҥ көмүс призера (1976), Аан дойду чемпиона (1973), Аан дойду чемпионатын үрүҥ көмүс призера (1969), Европа чемпиона 1969 с, боруонса призера 1981 с. буолуталаабьгга. Кини 11 төгүл ССРС чемпионатыгар кыттыбыта. 1969, 1971, 1973, 1976, 1980 сс. ССРС чемпиона, 1975, 1978, 1979 сс. ССРС чемпионатын үрүҥ көмүс призера, 1977 с. III призер. 1971 с. уонна 1979 с. ССРС норуоттарын Спартакиадатын чемпиона, 1975 с. үрүҥ көмүс призер. Аан дойду турнирдарын сэттэ төгүллээх кыайыылааҕа (1969—1971, 1975, 1976, 1978, 1979, 1981 сс)[2].

2010 сыл олунньу 11 күнүгэр Москваҕа өлбүтэ[3][4] .

Наҕараадалара уонна ытык ааттара

  • Олимпийскай оонньуулар чемпионнара (1972, Мюнхен);
  • ССРС спордун үтүөлээх маастара;
  • Саха АССР үтүөлээх тренерэ;
  • ССРС үтүөлээх тренерэ;
  • Российскай Федерация үтүөлээх тренерэ;
  • Д. П. Коркин аатынан Государственнай бириэмийэ лауреата;
  • Дьокуускай куорат Ытык олохтооҕо (1969);
  • «Хотугу сулус» уордьан (2006);
  • Бүлүү улууһун Ытык олохтооҕо[2].

Аатын үйэтитии

  • 2011 сылтан Дьокуускайга Роман Дмитриев кэриэһигэр юниордар ортолоругар Бүтүн Арассыыйатааҕы турнир ыытыллар;
  • Эдьигээҥҥэ 2012 сыл атырдьах ыйын 30 күнүгэр Р. Дмитриевка бюст туруоруллубут[5];
  • 2013 сылтан Роман Дмитриев кэриэһигэр юниордар икки ардыларыгар Аан Дойдутааҕы турнир ыытыллар[6][7];.
  • 2013 сыллаахха Роман Дмитриев аатынан «Якутия» авиакомпания Sukhoi Superjet 100 (RA-89012) самолеттарыттан биирдэстэрэ ааттаммыт[8];
  • 2018 сыллаахха алтынньы 19 күнүгэр Роман Дмитриев аата Холбоһуктаах тустуу эйгэтин (UWW) Албан Аатын Саалатыгар киллэриллибит[7];
  • 2018 сыллаахха Дьокуускайга олимпийскай чемпион Роман Дмитриев кэриэһигэр көҥүл тустууга VI Норуоттар икки ардыларынааҕы турнир ыытылла турдаҕына олимпийскай чемпион Р. М. Дмитриев аатынан набережнай аһыллыбыт[9];
  • 2024 сыллаахха Эдьигээн улууһугар Эдьигээн бөһүөлэгэр Роман Дмитриев аатынан элбэх функциялаах спортивнай саала аһыллыбыт[10];
  • 2024 сыллаахха режиссер Михаил Лукачевскай «Триумф» диэн көҥүл тустууга тренер Дмитрий Коркин уонна кини иитиллээччилэрэ-олимпиецтар тустарынан киинэтэ тахсыбыта. Роман Дмитриев оруолун Семен Лукин оонньообут[11].
  • 2025 сыл ыам ыйын 31 күнүгэр Дмитриев Роман туһунан Никита Аржаков режиссердаах киинэ сорох эпизодтара уһуллубуттара[12].

Быһаарыылар

  1. ↑ Спорт Якутии: Гавриил Дмитриев — низвергатель традиций и правил. Сигэнии күнэ: 28 Тохсунньу 2026. Архивировано 4 Алтынньы 2018 года.
  2. ↑ 1 2 Роман Михайлович Дмитриев (рус.). Память Якутска (27 Тохсунньу 2026).
  3. ↑ Дмитриев Роман Михайлович. Российский университет спорта «ГЦОЛИФК». Сигэнии күнэ: 28 Тохсунньу 2026.
  4. ↑ Якутский музей приглашает посетить выставку «Великий Боотур, покоривший Олимп», посвященную Роману Дмитриеву. Сигэнии күнэ: 28 Тохсунньу 2026. Архивировано 26 Балаҕан ыйын 2017 года.
  5. ↑ В честь 74-летия Романа Дмитриева (рус.). Сигэнии күнэ: 28 Тохсунньу 2026.
  6. ↑ Роман Дмитриев турнирыгар саха спортсменнара 9 мэтээлгэ тигистилэр. https://sakha-sire.ru. Sakha-sire.ru (10 Кулун тутар 2025). Сигэнии күнэ: 28 Тохсунньу 2026.
  7. ↑ 1 2 Якутянин включен в Зал славы Объединенного мира борьбы. Сигэнии күнэ: 28 Тохсунньу 2026.
  8. ↑ Авиалайнеру компании "Якутия" присвоят имя борца Романа Дмитриева. РИА Новости (22 Олунньу 2013). Сигэнии күнэ: 28 Тохсунньу 2026.
  9. ↑ В Якутске торжественно откроется Набережная имени Романа Дмитриева! Спорт Якутии (22 Олунньу 2013). Сигэнии күнэ: 28 Тохсунньу 2026.
  10. ↑ Спортзал имени Романа Дмитриева открыли в Жиганске. Якутия 24 (22 Олунньу 2013). Сигэнии күнэ: 28 Тохсунньу 2026.
  11. ↑ Триумф (2024). Кинопоиск. Сигэнии күнэ: 28 Тохсунньу 2026.
  12. ↑ Дьокуускайга Олимпийскай чөмпүйүөн Роман Дмитриев туһунан киинэ уһуллар. Саха Сирэ. Сигэнии күнэ: 28 Тохсунньу 2026.

Категориялар