Нуучча тылынанАнал бырайыактар
Тылы уларыт
УРУБИИКИ ТУҺУНАН

Сивцев Иван Николаевич

В Рувики есть статьи о других людях с фамилией Сивцев.

Ива́н Никола́евич Си́вцев (нууч. Сивцев, Иван Николаевич; 1958 сыл кулун тутар 8 күнэ, Бэйдиҥэ, Саха АССР — 2024 сыл алтынньы 11 күнэ) — көҥүл тустууга Сэбиэскэй уонна Арассыыйа спортсмена, тренер; СССР спордун маастара, Саха Өрөспүүбүлүкэтин уонна Арассыыйа үтүөлээх тренерэ. Саха Өрөспүүбүлүкэтин XX үйэтээҕи спорт лауреата, Горнай уонна Уус Алдан улуустарын Бочуоттаах олохтооҕо[1].

Олоҕо

1958 сыллаахха кулун тутар 8 күнүгэр Саха АССР Уус Алдан оройуонугар Өлтөх нэһилиэгэр Бэйдиҥэ сэлиэнньэтигэр 10 оҕолоох дьиэ кэргэҥҥэ күн сирин көрбүтэ[2].

Аҕыс кылааһы бүтэрэн баран Чурапчытааҕы спортивнай оскуола-интернакка үөрэнэ барар, онно Саха АССР, РСФСР уонна СССР үтүөлээх тренеригэр Д. П. Коркиҥҥа дьарыктанар. 1981 сыллаахха Фрунзе куоракка (билигин Бишкек) Киргизскэйдээҕи Судаарыстыбаннай институт физическэй култуураҕа салаатын үөрэнэн бүтэрэр.

1983—1984 сылларга Сивцев Бороҕоннооҕу оҕо спортивнай оскуолатыгар тренеринэн үлэлиир. 1984 сыллаахха Олимпийскай инники эрэллэри бэлэмниир училищеҕа үрдүкү тренеринэн ананар. 1997 сыллаахха Саха Өрөспүүбүлүкэтин сүүмэрдэммит хамаандатын үрдүкү тренерэ. 2002—2004 сылларга 55 киилэҕэ диэри ыйааһыҥҥа Арассыыйа сүүмэрдэммит хамаандатын эппиэттээх тренерэ. 2002—2009 сылларга — Саха Өрөспүүбүлүкэтин көҥүл тустууга сүүмэрдэммит хамаандатын кылаабынай тренерэ.[1]

Тренер быһыытынан үлэлиир сылларыгар И. Н. Сивцев 50 тахса спорт маастардарын, 6 норуоттар икки ардыларынааҕы кылаастаах спорт маастардарын бэлэмнээн таһаарбыта. Кини бастыҥ иитиллээччилэрэ[1] — Степан Сивцев (РСФСР чемпионатын икки төгүллээх үрүҥ көмүс призёра), Егор Охлопков (норуоттар икки ардыларынааҕы кылаастаах спорт маастара), Иван Пантилов (норуоттар икки ардыларынааҕы кылаастаах спорт маастара), Александр Контоев (аан дойду чемпионатын кыайыылааҕа), Прокопий Петров (Арассыыйа чөмпүйүөнэ), Антон Иванов (Арассыыйа чемпионатын призёра), маны сэргэ Азия чемпионаттарын призёрдара — Семён Семёнов, Айаал Лазарев, Михаил Захаров (Аан дойду чемпионатын кыттыылааҕа) уонна да атын тустууктар.

Кэнники сылларга Дьокуускайга спорт үрдүкү маастарыстыбатын оскуолатыгар көҥүл тустууга тренер уонна уһуйааччы быһыытынан үлэлээбитэ[3][4].

Уһун ыарахан ыарыыттан 2024 сыллаахха алтынньы 11 күнүгэр олохтон туораабыта. Арассыыйа үтүөлээх тренерин кытта бырастыылаһыы 2024 сыл алтынньы 15 күнүгэр Олимпийскай Инники эрэллэри бэлэмниир училищеҕа ыытыллыбыта[5].

Быһаарыылар

  1. ↑ 1 2 3 Сивцев Иван Николаевич. Сигэнии күнэ: 11 Сэтинньи 2025. Архивировано из оригинала 22 Балаҕан ыйын 2017 года.
  2. ↑ Иван Сивцев: «Легионер должен быть на голову выше». Сигэнии күнэ: 11 Сэтинньи 2025. Архивировано 22 Балаҕан ыйын 2017 года.
  3. ↑ Школа высшего спортивного мастерства - Вольная борьба. Сигэнии күнэ: 22 Балаҕан ыйын 2017. Архивировано 22 Балаҕан ыйын 2017 года.
  4. ↑ Тренеру Ивану Сивцеву присвоили звание «Заслуженный работник физической культуры и спорта России». Сигэнии күнэ: 11 Сэтинньи 2025. Архивировано 22 Балаҕан ыйын 2017 года.
  5. ↑ Умер заслуженный тренер России и Якутии по борьбе Иван Сивцев, AiF. Сигэнии күнэ: 11 Сэтинньи 2025.

Сигэлэр

Категориялар