Нуучча тылынанАнал бырайыактар
Тылы уларыт
УРУБИИКИ ТУҺУНАН

Михаил Захаров

Михаил Захаров (1986 сыл бэс ыйын 20 күнэ, Уус-Алдан улууһа, Саха АССР) — арассыыйа уонна кыргыыс көҥүл тустууга, Кыргыстаан сүүмэрдэммит хамаандатын чилиэнэ, аан дойду чөмпүйэнээтин кыттыылааҕа. Көҥүл тустууга Арассыыйа, хапсаҕайга Саха сирин спордун маастара. 2025 сыллаахха карьератын сөргүтэн бэтэрээннэргэ кыттар. Монголияҕа бэтэрээннэр ортолоругар аан дойдутааҕы турнир кыайыылааҕа[1].

Карьерата

Юниордарга

2005 сыллаахха Арассыыйа эдэрдэргэ чөмпүйэнээтигэр иккис буолбута. 2005 сыл атырдьах ыйыгар Польша Вроцлаватыгар Европа эдэрдэргэ чөмпүйэнээтин боруонса призера буолбута[2].

Устудьуоннарга

Устудьуоннар (нууч.) (сах. ортолоругар Арассыыйа чөмпүйүөнэ уонна Аан дойду чөмпүйэнээтин үрүҥ көмүс призера буолбута[1].

Кыргызстаан сүүмэрдэммит хамаандатын иһин кыттыылара

2009 сыллаахха Бишкек куоракка Кожомкул кэриэһигэр көҥүл тустууга аан дойдутааҕы турнирга кыайыыны ситиспитэ[3]. Ол сыл Бакуга «Голден Гран-при» аан дойдутааҕы турнирга кыттан бэһис миэстэни ылбыта. Ирааҥҥа[4] уонна Испанияҕа турнирдарга кыайбыта[1].

2009 сыл алтынньытыгар Дьокуускайга Дмитрий Коркин мемориалыгар иккис буолбута[5]. 2010 сыл алтынньытыгар Дьокуускайга Дмитрий Коркин мемориалын үрүҥ көмүс призера буолбута[6]. 2010 сыл атырдьах ыйыгар Варшаваҕа Циолковскай мемориалын үрүҥ көмүс мэтээлин ылбыта[7].

2010 сыллаахха Кыргыстаан сүүмэрдэммит хамаандатын састаабыгар Москваҕа аан дойду чөмпүйэнээтигэр кыттыбыта. Лондоннааҕы Олимпиада оонньууларыгар киирсэргэ былааннаммыта да, ыараханнык эчэйэн профессиональнай карьератын түмүктээбитэ[8].

Спортка төннүүтэ

2025 сыл ахсынньытыгар Михаил Захаров карьератын сөргүтэн Бишкеккэ бэтэрээннэр ортолоругар Кыргыстаан хас да төгүллээх чөмпүйүөнүн Улан Собуров кэриэһигэр аан дойдутааҕы турнирга (62 киилэҕэ диэри категория, «А» дивизион 35-40 саастаах) кыттыбыта. Кини үс хапсыһыыга: эрдэтээҥи раундка икки кыргыстаан тустууктарын 10:0 ахсаанынан кыайбыта, оттон финалга Казахстан бэрэстэбиитэлэ Хаджимурат Закировы 12: 8 ахсаанынан кыайбыта уонна кыһыл көмүс мэтээли ылбыта[8][9].

2026 сыл тохсунньутугар 62 кг («а» дивизион) бырааттыы Колошколар бириистэригэр бэтэрээннэр ортолоругар Беларусь аһаҕас чөмпүйэнээтин Кыайыылааҕа, Казахстан (7:0) уонна Беларусь (5:0) бэрэстэбиитэллэрин кыайбыта[10].

2026 сыл кулун тутарыгар Монголияҕа бэтэрээннэр ортолоругар аан дойдутааҕы турнир кыайыылааҕа буолбута. 62 кг ыйааһыҥҥа олохтоох спортсменнары кытта үс хапсыһыыга 10:0, 4:0 уонна 10:0 ахсаанынан кыайыылары ситиспитэ[1].

Спортсмен ону тэҥэ 2026 сыллаахха от ыйыгар буолуохтаах бэтэрээннэр ортолоругар Арассыыйа чөмпүйэнээтигэр кыттара былааннанар[11].

Спортивнай ситиһиилэрэ

  • Эдэрдэргэ норуоттар ардыларынааҕы турнир (Иран, 2005) 1[4];
  • 2005 эдэрдэргэ тустууга Арассыыйа чөмпүйэнээтэ — 2;
  • 2005 эдэрдэргэ тустууга Европа чөмпүйэнээтэ — 3;
  • Устудьуоннар ортолоругар тустууга Арассыыйа чөмпүйэнээтэ — 1;
  • 2008 студеннар ортолоругар тустууга аан дойду чөмпүйэнээтэ — 2;
  • Тустууга аан дойду чөмпүйэнээтэ 2010 — 29-с миэстэ;
  • Кожомкул кэриэһигэр норуоттар ардыларынааҕы турнир (Бишкек, 2009) — 1;
  • Улан Собуров кэриэһигэр аан дойдутааҕы турнир (Бишкек, 2025, бэтэрээннэр) — 1;
  • Бэтэрээннэр ортолоругар Беларусь аһаҕас чөмпүйэнээтэ (2026) — 1;
  • Бэтэрээннэр ортолоругар аан дойдутааҕы турнир (Монголия, 2026) — 1[1].

Быһаарыылар

  1. ↑ 1 2 3 4 5 Якутский борец стал победителем турнира среди ветеранов в Монголии. ЯСИА (27 Кулун тутар 2026). Сигэнии күнэ: 23 От ыйын 2026.
  2. ↑ Михаил Захаров — призер чемпионата Европы. 1sn.ru. Сигэнии күнэ: 23 От ыйын 2026. Архивировано 18 Тохсунньу 2022 года.
  3. ↑ Домой с золотом Кожомкула. Sports.kz (2 Бэс ыйын 2009). Сигэнии күнэ: 23 От ыйын 2026.
  4. ↑ 1 2 Михаил Захаров победил на международном турнире по вольной борьбе, который прошел в Иране (рус.). СахаНьюс. Сигэнии күнэ: 23 От ыйын 2026.
  5. ↑ Петр Сивцев, Иннокентий Иннокентьев, Сослан Кысоев и Сослан Гаглоев — победители первого дня Мемориала Дмитрия Коркина. Федерация спортивной борьбы России. Сигэнии күнэ: 23 От ыйын 2026. Архивировано 22 Ахсынньы 2011 года.
  6. ↑ Россияне победили в четырех весовых категориях на Мемориале Коркина по вольной борьбе в Якутске. Федерация спортивной борьбы России. Сигэнии күнэ: 23 От ыйын 2026. Архивировано 17 Ахсынньы 2011 года.
  7. ↑ Опан Сат и Абдусалам Гадисов — победители мемориала Циолковского; Хаджимурад Гацалов — бронзовый призер. Федерация спортивной борьбы России. Сигэнии күнэ: 23 От ыйын 2026. Архивировано 22 Ахсынньы 2010 года.
  8. ↑ 1 2 Вольная борьба: Якутский ветеран выиграл турнир в Кыргызстане. SakhaPress.Ru (8 Ахсынньы 2025). Сигэнии күнэ: 23 От ыйын 2026.
  9. ↑ Возвращение. Якутский борец Михаил Захаров завоевал золото международного турнира. ЯСИА (8 Ахсынньы 2025). Сигэнии күнэ: 23 От ыйын 2026.
  10. ↑ Борцы-ветераны из Якутии стали победителями открытого чемпионата Беларуси. ЯСИА (24 Тохсунньу 2026). Сигэнии күнэ: 23 От ыйын 2026.
  11. ↑ Именитые борцы Якутии выступят на чемпионате России среди ветеранов (рус.). ЯСИА. Сигэнии күнэ: 23 От ыйын 2026.

Сигэлэр

Эбии бу тиэмэҕэ

Категориялар