Нуучча тылынанАнал бырайыактар
Тылы уларыт
УРУБИИКИ ТУҺУНАН

Саввин Дмитрий Александрович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Саввин.

Саввин Дмитрий Александрович (1995 сыл балаҕан ыйын 21 күнэ, Байаҕантай (Томпо), Саха сирэ) — Арассыыйа спортсмена, мадьыны, мас тардыһыыга Арассыыйа спордун үтүөлээх маастара. Аан дойду үс төгүллээх чөмпүйүөнэ, Аан дойду Кубогын икки төгүллээх кыайыылааҕа, Арассыыйа уонна Саха сирин хас да төгүллээх чөмпүйүөнэ[1].

Олоҕун олуктара

1995 сыллаахха балаҕан ыйын 21 күнүгэр Томпо улууһун Кириэс-Халдьаайы нэһилиэгэр төрөөбүт[2].

Оҕо сылдьан убайын Александр холобурунан көҥүл тустуунан дьарыктанан саҕалаабыт.

2008 сылтан бастакы тренеригэр Александр Егорович Харитоновка эрчиллибит. Оскуолаҕа үөрэнэр сылларыгар Өрөспүүбүлүкэ күрэхтэһиитигэр түөрт төгүл кыттыбыт да, бириистээх миэстэни ылбатах[3].

2014—2018 сылларга Дьокуускайга М. К. Аммосов аатынан Хотугулуу-Илиҥҥи федеральнай университет физическэй култуура уонна спорт институтугар үөрэммит[2].

2018—2019 сылларга Горнай улууһун Кэптин орто оскуолатыгар физкультура учууталынан үлэлээбит.

2019 сылтан билиҥҥэ диэри Баһылай Манчаары аатынан спорт төрүт көрүҥнэрин Өрөспүүбүлүкэтээҕи киинигэр тренеринэн үлэлиир[2].

Спорт

2014 сыллаахха, бастакы кууруска үөрэнэ сылдьан, 63 кг ыйааһыҥҥа улахан дьон ортолоругар Саха сирин чемпионатын финалыгар тиийбит, ол эрэн Андрей Пугачевка хотторон үрүҥ көмүс мэтээли ылбыт.

2015 сыллаахха Арассыыйа чөмпүйэнээтигэр путевка ылбыт, ол эрээри финал чиэппэриттэн көппүт[3].

Аан дойдуга ситиһиилэрэ

2015 сыллаахха Аан дойду Кубогар Арассыыйа сүүмэрдэммит хамаандатын састаабыгар аан бастаан киирбит. Үс түһүмэх түмүгүнэн (Кыргыстаан, Армения, Москва) Аан дойду Кубогын хаһаайынын аатын ылбыт[3].

2017 сыллаахха Саха сирин чөмпүйэнээтин кыайбыт, финалга ол сыллааҕы Аан дойду чөмпүйүөнүн Игорь Дьяконовы кыайбыт. Онтон Арассыыйа чөмпүйэнээтин кыайбыт. Үс түһүмэххэ барытыгар кыайан (Казахстаан, Польша, Москва), Аан дойду Кубогын иккистээн кыайбыт[3].

2018—2019 сыллардаахха түмүктэрэ намтаан, сыл аҥарыгар спортан тэйэ сылдьыбыт, ол гынан баран 2021 сылга форматын төннөрбүт уонна иккистээн Саха сирин уонна Арассыыйа чөмпүйүөнэ буолбут[3].

Аан дойду чөмпүйүөнэ

2022 сыллаахха Дьокуускайга Аан дойду IV чөмпүйэнээтигэр бастакытын кыттыбыт уонна 65 кг ыйааһыҥҥа кыайыылаах буолбут. Финалга Кыргыстаан бэрэстэбиитэлин 2:1 ахсаанынан кыайбыт[4].

2023 сыллаахха Хиваҕа (нууч.) (сах. (Узбекистан) Аан дойду V чөмпүйэнээтигэр титулун бигэргэппит, Аан дойду икки төгүллээх чөмпүйүөнэ буолбут[5].

2024 сыллаахха Бишкеккэ (Кыргыстаан) буолбут VI Аан дойду чөмпүйэнээтигэр Узбекистаан (2:1), Кыргыстаан (2:1) уонна Казахстаан (2:0) мадьыныларын кыайан, үһүс төгүлүн 65 кг ыйааһыҥҥа Аан дойду чөмпүйүөнэ буолбут[6].

Наҕараадалара уонна ытык ааттара

  • Мас тардыһыыга Арассыыйа спордун үтүөлээх маастара (2025)[1][5];
  • Мас тардыһыыга Арассыыйа спордун маастара[2];
  • Мас тардыһыыга Саха Өрөспүүбүлүкэтин спордун маастара[2].

Быһаарыылар

  1. ↑ 1 2 Якутянину вручили знак заслуженного мастера спорта России по мас-рестлингу (рус.). ЯСИА (19 Ахсынньы 2025). Сигэнии күнэ: 1 Кулун тутар 2026.
  2. ↑ 1 2 3 4 5 Саввин Дмитрий Александрович - мас-рестлинг (рус.). sakha-korotov.ru. Сигэнии күнэ: 2 Кулун тутар 2026.
  3. ↑ 1 2 3 4 5 «Восемь лет гнался за чемпионатом мира». Мас-рестлер Дмитрий Саввин о пути к мировой вершине (рус.). ЯСИА (9 Ахсынньы 2022). Сигэнии күнэ: 1 Кулун тутар 2026.
  4. ↑ Якутянин принес первую золотую медаль России на Чемпионате мира по мас-рестлингу! (рус.). BezFormata (24 Бэс ыйын 2022). Сигэнии күнэ: 1 Кулун тутар 2026.
  5. ↑ 1 2 Якутскому мас-рестлеру присвоено звание заслуженного мастера спорта России (рус.). Sportyakutia.ru (6 Балаҕан ыйын 2025). Сигэнии күнэ: 1 Кулун тутар 2026.
  6. ↑ Мас-рестлер из Якутии Дмитрий Саввин в третий раз завоевал звание чемпиона мира (рус.). ЯСИА (2 Ахсынньы 2024). Сигэнии күнэ: 1 Кулун тутар 2026.

Категориялар