Нуучча тылынанАнал бырайыактар
Тылы уларыт
УРУБИИКИ ТУҺУНАН

Керемясов Валерий Петрович

Керемясов Валерий Петрович (1960 сыл сэтинньи 16 күнэ, Тулагы[d] — 2016 сыл от ыйын 11 күнэ, Боровляны[d], Минскай уобалас[d]) — Арассыыйа тренерэ. Арассыыйа физическай култууратын уонна спортун үтүөлээх үлэһитэ, Саха Өрөспүүбүлүкэтин үтүөлээх тренерэ, РСФСР көҥүл тустуу чөмпүйүөнэ. ССРС (көҥүл тустуу) уонна Саха АССР (хапсаҕай) спорт маастара.

Биография

Валерий Керемясов 1960 сыллаахха Тулагы бөһүөлэгэр төрөөбүтэ[1].

1977 сыллаахха Чурапчы спорт оскуолатын бүтэрбитэ. Үөрэнэ сылдьан Саха АССР, РСФСР үтүөлээх тренера Дмитрий Петрович Коркин салалтатын анныгар көҥүл тустуунан дьарыктаммыта. Ол сылга спорт маастарын нормативын туттарбыта. 1982 сыллаахха СГУ биолого-географическай факультетын бүтэрбитэ. Кини тренера үтүөлээх спорт маастара Александр Иванов этэ[2].

1986 сыллаахха Казахстааҥҥа Сэбиэскэй Сойуус Дьоруойа Нуркен Абдиров аатынан Бары сойуустааҕы турнир чөмпүйүөнэ. 1984 уонна 1986 сыллааҕы ССРС чөмпүйэнээтигэр бэһис миэстэни ылбыта. А. Медведь аан дойдутааҕы турнирыгар (1987), Монголияҕа (1985) үрүҥ көмүһү ылбыта, Биэнгирийэ турнирыгар боруонса мэдэлииһэ (1985). Саха АССР Миниистирдэр Сэбиэтин чөмпүйүөнэ (1983, 1987). Сибиир уонна Уһук Илин чөмпүйүөнэ (1987). РСФРС чөмпүйүөнэ (1988). XVI Манчаары Спартакиадатын хапсаҕайга чөмпүйүөн (1999, Ытык-Күөл)[2].

1993 сылтан 1996 сылга — көҥүл тустууга СӨ старшай тренера. Арассыыйа үтүө спорт маастарын Петр Юшманов, аан дойдутааҕы спорт маастарын Владимир Торговкин, Герман Контоев аан дойдутааҕы спорт маастарын уонна атыттар учууталлар[2].

1996 сылтан Үрдүкү спорт дьоҕур оскуолатын тренер-преподавателэ. 1999 сыллаахха Дьокуускай куорат спортивнай тустуу Федерациятын старшай тренера[2]. Владислав Андреев тус тренерэ. Аан дойду кубогын кыайыылааҕар диэри үүннэрбитэ.

2016 сыллаахха олунньу 11 күнүгэр ДТП-га өлбүтэ. Алдьархай Беларуска Минск — Витебск трассатыгар, Боровляны бөһүөлэк аттытыгар буолбута[3].

Наҕараадалара

  • РСФСР чөмпүйүөнэ (1988)[1];
  • А. Медведь аатынан дойдулар ыккардыларынааҕы турнирдарын үрүҥ көмүс кыайыылааҕа (1985, Монголия) (1985, Венгрия) (1987);
  • Сибиир уонна Уһук Илин чөмпүйүөнэ (1987).
  • Арассыыйа физическай култууратын уонна спортун үтүөлээх үлэһитэ;
  • Саха Өрөспүүбүлүкэтин үтүөлээх тренерэ;
  • XVI Манчаары Спартакиадатын хапсаҕайга чөмпүйүөн (1999);
  • ССРС (көҥүл тустуу) спорт маастара;
  • Саха АССР (хапсаҕай) спорт маастара;
  • Тулагы сэлиэнньэтин ытык олохтооҕо;
  • Бахсы ытык олохтооҕо.

Аатын үйэтитии

2017 сыллаахха бэс ый 19 күнүгэр Дьокуускай куорат думатын РЯГД-36-8 ыйааҕынан Сэргэлээх шоссе 7 км ДСК «Ландыш» уулуссаларыттан биирдэстэрэ Керемясов Валерий аатынан ааттаммыта.

Быһаарыылар

  1. ↑ 1 2 Трагически погиб заслуженный тренер Якутии Валерий Керемясов. https://sportyakutia.ru (12 Олунньу 2016). Сигэнии күнэ: 30 Балаҕан ыйын 2025.
  2. ↑ 1 2 3 4 Имена на улицах Якутска: (биобиблиографический справочник). — Якутск: ЦГБ, 2022. — Vol. 4. — P. 172—173.
  3. ↑ Российский тренер по вольной борьбе погиб в ДТП под Минском. https://lenta.ru. Сигэнии күнэ: 30 Балаҕан ыйын 2025.

Категориялар