Нуучча тылынанАнал бырайыактар
Тылы уларыт
УРУБИИКИ ТУҺУНАН

Балакшин Георгий Русланович

Балакшин Георгий Русланович (1980 сыл кулун тутар 6 күнэ, Антоновка[d], Саха АССР) — боксер, чэпчэки ыйааһыҥҥа боксёр-любитель, Эуропа 2002, 2004 уонна 2006 сс. чөмпүйүөнэ, элбэхтэ Арассыыйа чөмпүйүөнэ (2000—2003, 2006, 2007 сс.), Арассыыйа 2004 уонна 2008 Олимпиадаҕа хомуллубут хамаандаларын чилиэнэ. 2008 сыллааҕы Олимпия оонньууларын боруонса призёра. Арассыыйа спордун үтүөлээх маастара (2002). Ил Дархан сүбэһитэ (2021 сыл саҕаланыытыттан балаҕан ыйын 15 күнүгэр диэри). Саха Өрөспүүбүлүкэтин Ил Түмэнин Ыччат дьыалатыгар, физическэй култуураҕа уонна успуорка Уларыйбат кэмитиэтин бэрэссэдээтэлэ (2023).

Олоҕун олуктара

1980 сыл кулун тутар 6 Ньурба улууһун Антоновкатыттан төрүттээх.

Иккис кылаастан ыла Ньурбатааҕы оҕо спортивнай оскуолатыгар СР үтүөлээх тренерэ А. И. Пахомов салалтатынан боксанан утумнаах дьарыгын саҕалаабыта[1].

1996 — «Азия оҕолоро» оонньуу чемпиона, 1997 — уолаттарга Эуропа чемпиона, Аан дойду күрэхтэһиитин иккис призера, 1999 — Россия-АХШ хамаандаларын табаарыстыы көрсүһүүтүн кыайыылааҕа. 2000, 2001, 2002, 2003, 2006, 2007 — Россия чемпиона. 2001 — Аан дойду чемпионатын боруонса, Үтүө Дьулуур оонньууларын үрүҥ көмүс призера. «Кыһыл көмүс ринг» турнир кыайыылааҕа, нефтяниктарга Аан дойду Кубогын хаһаайына. 2002, 2004, 2006 — Европа чемпиона, 1999 сылтан Россия сүүмэрдэммит хамаандатын кыттааччыта. 2008 с. Пекиҥҥэ (Кытай) буолбут XXIX Олимпия оонньууларыгар боруонса мэтээли ылары ситиспитэ. Киирсэр ыйааһына 51 киилэ. Омуктар икки ардыларынааҕы кылаастаах спорт маастара. Спорт үтүөлээх маастара.

В 2006 ХИФУ Физическай култуура уонна успуорт институтун бүтэрбитэ.

2008 сыл кулун тутар 2 — 2013 сыл муус устар 19 — Ил Түмэн дьокутаата[2].

2010 бэс ыйыгар Арассыыйа Федерация Сэбиэтигэр Саха сириттэн бэрэстэбиитэл.

2013 сыл кулун тутар 21 күнүттэн 2016 сылга диэри Саха сирин спордун миниистирин бастакы солбуйааччыта[3].

2016 сылтан 2018 сыллаахха диэри Саха сирин спордун миниистирэ этэ[4].

2018 сылтан 2020 сылга диэри — СӨ «Республиканская специализированная ДЮСШ», СӨ «Бокска олимпия эрэллиэрин спортивнай оскуолата» ГБУ РС(Я) бокска олимпийскай резерв оскуолатыгар буоксаҕа тренер[4].

2021 сыл саҕаланыытыттан балаҕан ыйын 15 күнүгэр диэри Ил Дархан сүбэһитэ[4].

2023 сыл балаҕан ыйын 26 күнүттэн Егор Балакшин Саха Өрөспүүбүлүкэтин Ил Түмэнин Ыччат дьыалатыгар, физическэй култуураҕа уонна успуорка Уларыйбат кэмитиэтин бэрэссэдээтэлэ[4].

Спорт карьерата

2001 сыл аан дойду боксугар чемпионата

  • финал 1/8: Алжиир боксёрун Мебарек Солтанины очконан (23:15) кыайыы
  • финал 1/4: Румыния боксёрун Богдан Добрескуну очконан (30:23) кыайыы
  • финал 1/2: Украина боксёругар Владимир Сидоренкоҕа очконан (16:25) кыайтарыы

2002 сыл Европа боксугар чемпионата

  • финал 1/8: Германия боксёрун Рустамходжо Рахимовы очконан (21:8) кыайыы
  • финал 1/4: Азербайдьаан боксёрун Руфаг Мамедовы иккис рауҥҥа чахчы баһыйа туран кыайыы
  • финал 1/2: Молдова боксёрун Игорь Самойленкону үһүс рауҥҥа чахчы баһыйа туран кыайыы
  • финал: Болгария боксёрун Александр Владимировы очконан (28:18) кыайыы

2004 сыл Олимпия оонньуулара

  • финал 1/32: Алжир боксёрун Мебарек Солтанины очконан (26:15) кыайыы
  • финал 1/16: Казахстаан боксёрун Миржан Рахимжановы очконан (29:20) кыайыы
  • финал 1/8: Куба боксёругар Юриоркис Гамбоаҕа очконан (18:26) кыайтарыы

2004 сыл Европа боксугар чемпионата

  • финал 1/16: Армения боксёрун Вачаган Авагяны очконан (16:8) кыайыы
  • финал 1/8: Белорусия боксёрун Бато-Мунко Ванкеевы кэлбэтэҕин иһин кыайыы
  • финал 1/4: Франция боксёрун Жером Тому очконан (37:17) кыайыы
  • финал 1/2: Германия боксёрун Рустамходжа Рахимовы очконан (26:15) кыайыы
  • финал: Грузия боксёрун Николос Изорияны очконан (39:21) кыайыы

2006 сыл Европа боксугар чемпионата

  • финал 1/8: Чехия боксёрун Франтишек Фаберы очконан (27:3) кыайыы
  • финал 1/4: Молдова боксёрун Игорь Самойленкону очконан (34:16) кыайыы
  • финал 1/2: Белорусия боксёрун Бато-Мунко Ванкеевы очконан (28:9) кыайыы
  • финал: Азербайдьаан боксёрун Самир Мамедовы очконан (43:30) кыайыы

2007 сыл Аан дойду боксугар чемпионата

  • финал 1/32: Франция боксёрун Жером Томаны очконан (25:11) кыайыы
  • финал 1/16: Кыргыстаан боксёрун Нурлан Айдарбек Улу эчэйбитин иһин кыайыы
  • финал 1/8: Индия боксёрун Джитендер Кумары очконан (14:9) кыайыы
  • финал 1/4: Америка боксёругар Рауши Уорреҥҥа очконан (13:23) кыайтарыы

2008 сыл Олимпия оонньуулара

  • финал 1/8: Казахстаан боксёрун Мират Сарсембаевы очконан (12:4) кыайыы
  • финал 1/4: Индия боксёрун Джитендер Кумары очконан (15:11) кыайыы
  • финал 1/2: Куба боксёругар Андри Лаффит Эрнандеска очконан (8:9) кыайтарыы

Наҕараадалара уонна ытык ааттара

  • Арассыыйа спордун үтүөлээх маастара;
  • Саха сирин култууратын уонна спордун үтүөлээх үлэһитэ (2002);
  • «Гражданская доблесть» бэлиэ (2003);
  • «Дойду иннигэр үтүөтүн иһин» I истиэпэннээх уордьан (2009)[5];
  • Ньурба улууһун ытык олохтооҕо (1998)[6];
  • Ньурба улууһун Октябрьскай нэһилиэгин ытык олохтооҕо[7];
  • «Хотугу сулус» уордьан (2008)[8].

Тус олоҕо

Урукку кэргэнэ — Мария Балакшина (Ефимова), үөрэҕинэн юрист. Ыалга уол оҕо төрөөбүтэ — Дмитрий.

2023 сыл сэтинньи 11 күнүгэр Георгий Балакшин Катрин Алексееваны кэргэн ылбыта[9]. Ыал икки оҕолоох: Даниэль — бастакы кэргэниттэн Катрин уола, уонна Алекс — дьиэ кэргэн уопсай уола[10].

Быһаарыылар

  1. ↑ Артур Пахомов: Боксёром сразу не становятся. Информационное агентство YakutiaMedia (7 От ыйын 2016). Сигэнии күнэ: 23 Балаҕан ыйын 2025. Архивировано 13 Атырдьах ыйын 2017 года.
  2. ↑ Депутатский корпус Государственного Собрания (Ил Тумэн) IV созыва. Ил Түмэн. Сигэнии күнэ: 23 Балаҕан ыйын 2025.
  3. ↑ Заместители: Балакшин Георгий Русланович. Министерство спорта Республики Саха (Якутия). Сигэнии күнэ: 23 Балаҕан ыйын 2025.
  4. ↑ 1 2 3 4 Балакшин Георгий Русланович. https://er.ru. Сигэнии күнэ: 23 Балаҕан ыйын 2025.
  5. ↑ Победители и призёры XXIX Олимпиады 2008 года в Пекине, награждённые государственными наградами. Сигэнии күнэ: 23 Балаҕан ыйын 2025. Архивировано 12 Кулун тутар 2014 года.
  6. ↑ Почётные граждане, известные люди района. Официальный информационный портал Республики Саха (Якутия). Сигэнии күнэ: 23 Балаҕан ыйын 2025.
  7. ↑ Почётные граждане Октябрьского наслега. Официальный информационный портал Октябрьского наслега. Сигэнии күнэ: 23 Балаҕан ыйын 2025.
  8. ↑ Кавалеры Ордена Республики Саха (Якутия) «Полярная звезда» — список награждённых. Официальный информационный портал Республики Саха (Якутия). Сигэнии күнэ: 23 Балаҕан ыйын 2025.
  9. ↑ Известный якутский спортсмен сыграл свадьбу. https://sakhaday.ru. SakhaDay. Сигэнии күнэ: 23 Балаҕан ыйын 2025.
  10. ↑ Жена якутского депутата Катрин Балакшина выходит из зоны комфорта: «Исполняю мечты своего внутреннего ребенка». https://sakhaday.ru. SakhaDay. Сигэнии күнэ: 23 Балаҕан ыйын 2025.

Ылыллыбыт сирэ

  • Диодорова-Лаврентьева С. В. Саха халандаара, 2009. — Дь.: «Бичик», 2008

Сигэлэр

Категориялар