Нуучча тылынанАнал бырайыактар
Тылы уларыт
УРУБИИКИ ТУҺУНАН

Балабкина Ольга Валерьевна

Ольга Валерьевна Балабкина (төр. 1969 сыл от ыйын 4 күнэ, Аллараа Кураанах, Саха АССР) — Арассыыйа судаарыстыбаннай диэйэтэлэ. 2018 сыл алтынньы ыйыттан Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы.

Саха Өрөспүүбүлүкэтин норуодунай дьокутаата, IV ыҥырыы (2008—2013). 2013 сыл алтынньытыттан 2018 сыл бэс ыйыгар диэри Саха Өрөспүүбүлүкэтин Ил Түмэн бэрэссэдээтэлин солбуйааччы[1].

Олоҕун олуктара

Ольга Балабкина 1969 сыллаахха от ыйын 4 күнүгэр Саха АССР Алдан оройуонун Аллараа Кураанах бөһүөлэгэр төрөөбүтэ[2].

1993 сыллаахха Дьокуускайдааҕы судаарыстыбаннай университеты «юриспруденция» идэтинэн бүтэрбитэ.

Үлэтэ

1986 сыл балаҕан ыйыттан 1988 сыл атырдьах ыйыгар диэри Алдан куорат оройуоннааҕы суутун дьыаланы салайааччыта, сэкирэтээрэ.

1991 сыл ыам ыйыттан 1997 сыл кулун тутарыгар диэри Саха АССР Юстициятын министиэристибэтин специалиһа, бастыҥ специалиһа, кылаабынай специалиһа[1].

1997—1998 сылларга Ольга Балабкина Саха Өрөспүүбүлүкэтин бэрэсидьиэнин дьаһалтатын структураларыгар старшай референтынан үлэлээбитэ, территориялары уонна олохтоох салайыныыны кытта үлэҕэ управлениеҕа, ону таһынан ис бэлиитикэ боппуруостарыгар управлениеҕа дуоһунастарыгар үлэлээбитэ. 1998 сыллаахха өрөспүүбүлүкэ бырабыыталыстыбатын аппараатыгар юридическай управление старшай референтын быһыытынан үлэтин салҕаабыта.

1998 сыл бэс ыйыттан 2002 сыл муус устарыгар диэри Саха Өрөспүүбүлүкэтин ыччат дьыалаларыгар миниистирин солбуйааччытын дуоһунаһыгар үлэлээбитэ. 2002 сыл муус устарыттан 2005 сыл муус устарыгар диэри өрөспүүбүлүкэ бэрэсидьиэнин уонна бырабыыталыстыбатын дьаһалтатыгар үлэлээбитэ, онно судаарыстыбаннай-правовой боппуруостарга департамент салаатын салайааччытыттан саҕалаан федеральнай уорганнары кытта бииргэ үлэлээһиҥҥэ салайааччы солбуйааччытыгар диэри үүммүтэ.

2005 сыл ыам ыйыттан 2008 сыл кулун тутарыгар диэри Сургутнефтегаз ААУо (нууч.) (сах. структураларыгар Саха Өрөспүүбүлүкэтин уонна Илин Сибиир территорияларыгар I категориялаах юрисконсультанынан үлэлээбитэ, Дьокуускайга үлэтин ыыппыта.

2008 сыл кулун тутарыгар Ольга Балабкина Саха Өрөспүүбүлүкэтин IV ыҥырыылаах норуодунай дьокутаатынан талыллыбыта; бу кэмҥэ Ил Түмэн судаарыстыбаннай тутууга уонна сокуону оҥорууга сис кэмитиэтин салайбыта. 2013—2018 сылларга Ил Түмэн бэрэссэдээтэлин солбуйааччытын дуоһунаһыгар, оттон 2018—2023 сылларга Саха Өрөспүүбүлүкэтин бырабыыталыстыбатын бэрэссэдээтэлин солбуйааччытынан үлэлээбитэ.

Саха Өрөспүүбүлүкэтин баһылыгын 2023 сыл алтынньы 4 күнүнээҕи ыйааҕынан Саха Өрөспүүбүлүкэтин бырабыыталыстыбатын бэрэссэдээтэлин солбуйааччытынан анаммыта. Кини боломуочуйатыгар өрөспүүбүлүкэ толорор былааһын хас да уорганын үлэтин тэрийии уонна хонтуруоллааһын киирэр, ол иһигэр Ыччат дьыалаларыгар уонна социальнай коммуникацияларга министиэристибэ, Арктиканы сайыннарыыга уонна Хотугу норуоттар дьыалаларыгар министиэристибэ, Экология, айылҕаны туһаныы уонна ойуур хаһаайыстыбатын министиэристибэтэ, Юстиция судаарыстыбаннай кэмитиэтэ уонна өрөспүүбүлүкэ бырабыыталыстыбатын иһинэн ЗАГС управлениета. Ону таһынан Ольга Балабкина экология эйгэтигэр национальнай бырайыактары олоххо киллэриини салайар[2][3].

Айар үлэтэ

2023 сыллаахха рак ыарыылаах пациеннар тустарынан «Все лучшее впереди» диэн кинигэ тахсыбыта, хос ааптарынан Ольга Балабкина буолбута[4]. Ону таһынан «Кимҥиний эн, Балабкина?» (нууч. Кто же ты, Балабкина?) (2024) кинигэ ааптара[5].

Наҕараадалара уонна ытык ааттара

Ольга Балабкина үлэтин иһин судаарыстыбаннай наҕараадаларынан уонна ытык ааттарынан бэлиэтэммитэ[2]:

  • Арассыыйа Федерациятын Юстициятын министиэристибэтин Бочуоттаах грамотата;
  • Арассыыйа Федерациятын Федеральнай Мунньаҕын Судаарыстыбаннай Думатын бэрэссэдээтэлин Махтала;
  • Саха Өрөспүүбүлүкэтин Бэрэсидьиэнин Грамотата;
  • «Саха Өрөспүүбүлүкэтин үтүөлээх юриһа» ытык аат;
  • «Гражданскай килбиэн» ураты бэлиэ;
  • «Саха Өрөспүүбүлүкэтин судаарыстыбаннай гражданскай сулууспатын туйгуна» бочуоттаах бэлиэ;
  • Нуучча православнай таҥаратын дьиэтин «Патриарх махтала» мэтээлэ (2021)[6];
  • «Аҕа дойду иннигэр өҥөлөрүн иһин» II истиэпэннээх уордьана (2026)[7].

Быһаарыылар

  1. ↑ 1 2 Балабкина Ольга Валерьевна. https://er.ru/. Биир ньыгыл Арассыыйа. Сигэнии күнэ: 29 Тохсунньу 2026.
  2. ↑ 1 2 3 Балабкина Ольга Валерьевна - заместитель Председателя Правительства Республики Саха (Якутия). https://prav.sakha.gov.ru. Правительство Республики Саха (Якутия). Сигэнии күнэ: 29 Тохсунньу 2026.
  3. ↑ Депутаты Ил Тумэна согласовали Ольгу Балабкину на должность вице-премьера Якутии. https://ysia.ru. ЯСИА (4 Алтынньы 2023). Сигэнии күнэ: 29 Тохсунньу 2026.
  4. ↑ В Якутске презентовали книгу историй онкобольных и их близких. https://ysia.ru. ЯСИА (5 Балаҕан ыйын 2023). Сигэнии күнэ: 29 Тохсунньу 2026.
  5. ↑ С Юбилеем, Ольга Валерьевна! https://www.sakhaparliament.ru/. Саха Парламент (4 От ыйын 2024). Сигэнии күнэ: 29 Тохсунньу 2026.
  6. ↑ 37 медиков Якутии, Ольгу Балабкину и Елену Борисову наградил патриарх Кирилл медалями «Патриаршая благодарность» (25 Бэс ыйын 2021). Сигэнии күнэ: 29 Тохсунньу 2026.
  7. ↑ Ольга Балабкина получила медаль ордена «За заслуги перед Отечеством», AiF. Сигэнии күнэ: 26 Атырдьах ыйын 2026.

Эбии бу тиэмэҕэ

Категориялар