Элгээйи (Сунтаар улууһа)

Элгээйи нэһилиэгин социально-экономическай пааспарын 2016 сыл тохсунньу ый 1 күнүнээҕи көрдөрүүтүнэн 1948 киһи олорор.

Элгээйи нэһилиэгэ 1771 сыллаахха төрүттэммитэ. Икки үйэ тухары нэһилиэк араас экономическай уонна социальнай уларыйыылары тулуйан, сайдыы суолун тутуһан билигин даҕаны Республика уонна Улуус сүдү суолталаах улахан нэһилиэгэ буолар.

Нэһилиэкпитигэр 30-ча араас көрүҥнээх, киһи олоҕун араас эйгэтин хааччыйар тэрилтэлэр бааллар. Олортон улахан суолталаах уонна элбэх нэһилиэнньэни хабар тэрилтэлэрбит: П. Х. Староватов аатынан орто оскуола, С. С. Яковлев аатынан Элгээйитээҕи участковай балыыһа, үс детсадтар: Чуораанчык, Елочка, Кэнчээри, Оҕо искусствотын оскуолата, «Оһуор» култуура киинэ, Олох-дьаһах коммунальнай хаһаайыстыбатын филиала уо.д.а.

Нэһилиэкпитигэр эрэ буолбакка, улууска уонна Республикаҕа, ааһа баран Республика тас өттүгэр да киэҥник биллибит Айылҕабыт түмэлэ баар. Ону таһынан «Туойдаах Алаас» историко-краеведческай, С. А. Зверев аатынан фольклор түмэллэрэ бааллар.

2024 сыл тохсунньутугар сэлиэнньэҕэ быраас амбулаторията арыллыбыта^[2].

• Журавлев Семен Максимович — Бодойбо оройуонугар подхозу тэрийээччилэртэн биирдэстэрэ;
• Староватов Петр Хрисанфович — кыраайы үөрэтээччи, учуутал, Үлэ Дьоруойа, Саха Сиригэр алмаас хостонуон сөбүн аан бастаан туруорсубут киһи;
• Аввакумов Еремей Кузьмич — РСФСР норуотун үөрэҕириитин туйгуна, Саха Өрөспүүбүлүкэтин култууратын үтүөлээх үлэһитэ, Сунтаар оройуонун, Элгээйи нэһилиэгин ытык олохтооҕо;
• Андреев Борис Николаевич — кыраайы үөрэтээччи, РСФСР оскуолатын үтүөлээх учуутала. Элгээйигэ Айылҕа түмэлин олохтообут;
• Куприянова Татьяна Семеновна — Норуот үөрэҕириитин туйгуна, «Дети Саха-Азия» стипендиата, Сунтаар улууһун, Элгээйи нэһилиэгин ытык олохтооҕо;
• Кривошапкина Юлиана Виссарионовна (Дьүрүйээнэ) — хомусчут, Саха Өрөспүүбүлүкэтин култуура туйгуна.

• Сунтаар улууһа
• Элгээйи нэһилиэгэ (Сунтаар улууһа)