Хомус күнэ
Хомус күнэ (нууч. День хомуса) — Саха Өрүспүүбүлүкэтин сыл аайы бэлиэтэнэр күнэ. Бырааһынньык саха төрүт муусука иснтруменыгар хомуска анаммыт.
Ил Дархан Егор Борисов 2011 сыллаахха бэс ыйын 27 күнүгэр таһаарбыт ыйааҕынан Саха Өрүспүүбүлүкэтигэр Хомус күнэ сэтинньи ый 30 күнүгэр бэлиэтэнэр.
Устуоруйата
1990 сыл бэс ыйын 30 күнүгэр Хомус түмэлэ арыллыбыта. 2011 сыл бэс ыйын 27 күнүгэр СӨ бэрэсидьиэнэ Егор Борисов ыйааҕынан Хомус күнэ сэтинньи ый 30 күнүгэр, түмэл арыллыбыт күнүгэр бэлиэтэнэр.
Суолтата
Хомус — саха дьонун саамай киэҥник тарҕаммыт муусука инструмена.
Саха фольклоругар, ол иһигэр остуоруйаларга уонна олоҥхоҕо, булт иччилэрэ хомус муусукатыгар ураты сыһыаннаахтарын туһунан өйдөбүл бааллар. Итэҕэлинэн, булт кэмигэр киэһэ остуоруйа кэпсиир уонна инструменнарга оонньуур үгэс баара. Бу булка ситиһиини биэрэр ньыма быһыытынан көрүллэрэ. Тыа иччилэрэ эбэтэр кинилэр кыргыттара муусуканы истэн, булчуттарга көмөлөһүөхтэрин, бэйэлэрин сүөһүлэрин — кыыллары-көтөрдөрү «ыытан» биэриэхтэрин сөп диэн итэҕэйэллэрэ.
Саха хомуһа киһи бэйэ-бэйэтин кытта билсэригэр, ол иһигэр таптал тылларын этиигэ, киэҥник туттуллара. Бу инструмент ордук дьахталларга тарҕаммыта, кинилэр хомус ырыатын ураты жанрын үөскэппиттэрэ. Хомус киһи ис туругун, олоххо буолбут түбэлтэлэри уонна тус санааларын тиэрдэр ньымата этэ[1].