Саввин Василий Васильевич
Василий Васильевич Саввин (1938 ыам ыйын 12, Чэриктэй, Саха АССР — 2005 атырдьах ыйын 2) — саха сэбиэскэй, арассыыйатааҕы бэйиэтэ, 1997 сыллаахтан Саха Өрөспүүбүлүкэтин Суруйааччыларын сойууһун чилиэнэ.
Олоҕун олуктара
1938 сыллаахха ыам ыйын 12 күнүгэр Уус-Алдан улууһугар Чэриктэй нэһилиэгэр холкуостаах дьиэ кэргэҥҥэ төрөөбүтэ.
1956 сыллаахха Дүпсүн орто сокуолатын үөрэнэн бүтэрбит.
Оскуола кэнниттэн производствоҕа үлэлээбитэ.
1962 с. Саха государственнай университетыгар саха тылын салаатыгар үөрэнэ киирбитэ.
1969—1979 сылларга Уус-Алдан улууһун хаһыатыгар салаа сэбиэдиссэйинэн, эппиэттиир сэкэрэтээринэн үлэлээбитэ.
2005 сыл атырдьах ыйын 2 күнүгэр өлбүтэ[1].
Айар үлэтэ
Лирик-бэйиэт. Бастакы хоһоонноро 1969 сылтан «Эдэр коммунист» хаһыакка, «Хотугу сулус» сурунаалга бэчээттэнэн тахсыбыттара.
Саха Өрөспүүүбүлүкэтин Суруйааччыларын сойууһун чилиэнэ (1997)[1].
Библиографията
• Мин кистэлэҥим: хоһооннор. — Дьокуускай: Кинигэ изд-вота, 1972. — 44 с. • Үруччэ сүүрүгэ: хоһооннор. — Дьокуускай: Бичик, 1993. — 96 с. • Ыра — ырыам ымыыта: хоһооннор. — Дьокуускай: Бичик, 1996. — 286 с. • Иэйиим сырдык сыдьаайа: хоһооннор. — Дьокуускай: Бичик, 2008. — 128 с.
Аатын үйэтитии
Атаһа скульптор уонна суруйааччы Василий Бочкарев поэт олоҕун уонна айар үлэтин туһунан «Киhи – бүппэт ырыа» диэн кинигэни бэчээттэппитэ. Бу кинигэҕэ Баһылай Саабын туһунан ахтыылар, киниэхэ анаммыт хоһооннор киирбиттэрэ. Ааптардар истэригэр – бэйиэттэр, суруйааччылар, литератураны ырытааччылар, суруналыыстар, артыыстар, худуоһунньуктар: Сэмэн Данилов, Сэмэн Руфов, Борис Попов, Анатолий Старостин — Сиэн Кынат, Зоя Багынанова, Борис Павлов уонна да атыттар. Маны таһынан кинигэҕэ Баһылай Бочкарев тус архыыбыттан хаартыскалар бэчээттэммиттэр[2].
Кини туһунан
- Бочкарев В. Ырыаһыт дьоло уонна соро: Ахтыы сэһэн // Илин. — 1997. — № 2.
Наҕараадалара уонна ытык ааттара
- Дүпсүн нэһилиэгин Ытык олохтооҕо[1].