Нуучча тылынанАнал бырайыактар
Тылы уларыт
УРУБИИКИ ТУҺУНАН

Сиэн Кынат

Анатолий Гаврилович Старостин — Сиэн Кынат (1946 сыл от ыйын 3 күнэ, Түүлээх нэһилиэгэ, Саха АССР) — саха сэбиэскэй уонна арассыыйатааҕы бэйиэтэ, Саха Өрөспүүбүлүкэтин култууратын үтүөлээх үлэһитэ (2006), ССРС Суруйааччыларын сойууһун чилиэнэ (1984).

Олоҕун олуктара

1946 сыллаахха от ыйын 3 күнүгэр Уус-Алдан улууһун Түүлээх нэһилиэгин Кылаайы сэлиэнньэтигэр төрөөбүтэ.

1968 сыллаахха Дьокуускайдааҕы уус-уран училище живопись-педагогика салаатын бүтэрбитэ. 1973 сыллаахха А. М. Горькай аатынан литературнай институту бүтэрбитэ. Сэбиэскэй Аармыйа кэккэтигэр сулууспалаабыта.

Уус-Алдан улууһун хаһыатыгар худуоһунньук-оформителынан, эппиэттиир сэкирэтээринэн, П. А. Ойуунускай аатынан Литература түмэлигэр научнай үлэһитинэн, дириэктэринэн, «Саха Сирэ» хаһыат эрэдээксийэтигэр эппиэттиир сэкирэтээр солбуйааччытынан үлэлээбитэ[1].

Айар үлэтэ

Бастакы хоһоонноро 1961 сыллаахха бэчээттэммиттэрэ. «Аал уоппар итэҕэлим» диэн хоһооннорун бастакы хомуурунньуга 1973 сыллаахха тахсыбыта. Сиэн Кынат көҥүл хоһоонунан, верлибрынан суруйар, айымньылара чаҕылхай ойуулуур-дьүһүннүүр ньымаларынан саха поэзиятын байыталлар. Бэйиэт айар үлэтин сүнньэ — төрөөбүт дойдуга, норуот үгэстэригэр таптал, үтүөҕэ, кэрэҕэ тардыһыы[1].

Айымньылара өрөспүүбүлүкэ уонна киин сурунаалларга нууччалыы, ону таһынан атын омук тылларынан бэчээттэммиттэрэ. Кини хоһоонноругар олоҕуран биллэр сэбиэскэй композитор В. Веселов «Река моя Лена» диэн биэс пастораллаах вокальнай циклы айбыта. Полтаваҕа буолбут эдэр суруйааччылар X Бүтүн Сойуустааҕы бэстибээллэригэр кыттыыны ылбыта[2].

Наҕараадалара уонна ытык ааттара

  • Саха Өрөспүүбүлүкэтин култууратын үтүөлээх үлэһитэ (2006)[3];
  • I «ЛиФФТ» Бүтүн Арассыыйатааҕы литературнай бэстибээлин лауреата, үрүҥ көмүс мэтээлинэн наҕараадаламмыта (Алушта, 2016)[2].

Библиографията

  • Аал уоппар итэҕэлим: Хоһооннор. — Дьокуускай: Кинигэ кыһата, 1973. — 96 с.
  • Ытык аналым: Хоһооннор. — Дьокуускай, 1979.
  • Благословление: Стихи. — Дьокуускай: Кинигэ кыһата, 1982. — 31 с.
  • Река моя Лена: Пять пасторалей. — Л.: Музыка, 1983.
  • Северная мозаика: Стихи. — М.: Современник, 1985. — 158 с.
  • Алгыстаах айаным: Хоһооннор, поэмалар. — Дьокуускай: Кинигэ кыһата, 1991. — 61 с.
  • Охсуллубут от: Сомоҕо хоһооннор. — Дьокуускай: «Бичик», 1996. — 176 с.
  • Таптал — олох таҥарата (2002)
  • Таптал умсулҕана: санаайыктар, суруктар, хоһооннор. — Дьокуускай: Бичик, 2015. — 224 с.

Быһаарыылар

  1. ↑ 1 2 Старостин Анатолий Гаврилович (рус.). Литературная газета. Сигэнии күнэ: 30 От ыйын 2026.
  2. ↑ 1 2 3 июля исполнилось 80 лет со дня рождения поэта и заслуженного работника культуры Республики Саха (Якутия) Анатолия Гавриловича Старостина – Сиэн Кыната (рус.). Вестник Томмота. Сигэнии күнэ: 30 От ыйын 2026.
  3. ↑ Анатолий Гаврильевич Старостин - Сиэн Кынат (рус.). Усть-Алданская МЦБС. Сигэнии күнэ: 30 От ыйын 2026.

Категориялар