Руслан Тараховскай
Руслан Игоревич Тараховскай (1980 сыл ахсынньы 22 күнэ, Дьокуускай) — тыйаатыр уонна киинэ артыыһа уонна режиссёра, П. А. Ойуунускай аатынан академическай Саха тыйаатырын сүрүн режиссёра.
Олоҕун олуктара
1980 сыллаахха ахсынньы 22 күнүгэр Дьокуускай куоракка төрөөбүт.
1998—2002 сс. Арассыыйа Судаарыстыбаннай академическай Кыра тыйаатырын иһинэн М. С. Щепкин аатынан Үрдүкү Москубатааҕы тыйаатыр училищетын саха устуудьуйатын бэһис хомуурун иһинэн «драма тыйаатырын уонна киинэ артыыһа» идэҕэ үөрэммит.
2002 сылтан П. А. Ойунскай аатынан Саха Академическай тыйаатырын артыыһа буолбут.
2006 сыллаахха Арктикатааҕы судаарыстыбаннай култуура уонна искусство үнүстүүтүн бүтэрбитэ, режиссер идэтин ылбыта. Ити сылтан Саха тыйаатырыгар режиссер быһыытынан үлэтин саҕалаабыта.
2010 сылтан Саха тыйаатырын сүрүн режиссера.
Айар үлэтэ
Тыйаатырга
Артыыс быһыытынан
- Наарыһынай – Амма Аччыгыйа «Сааскы кэм»,
- Ромео – У.Шекспир «Биирдэ куоракка»,
- Тайчаар – Н.Лугинов «Чыҥыс Хаан ыйааҕынан»,
- Уот Уһутаакы – П.Ойуунускай «Туналҕаннаах ньуурдаах Туйаарыма Куо» олоҥхо,
- Павел – В.Харысхал, «Көмүөл»,
- Афанасьев учуутал – В.Харысхал «Бастыҥ хатыыта»,
- Глумов – А.Островскай «Сатабыллаах саһыл саҕалаах»,
- Гаврил – И.Гоголев «Хара кыталык»,
- Благоев – В.Харысхал «Кэт Марсден. Үтүө санаа аанньала»,
- режиссер - В.Харысхал «Тэпсиллибэт үтүө аат»,
- Троцкай - Н.Лугинов «Максим» уо.д.а.
Режиссёр быһыытынан
- И. Гоголев «Кэрэ көмүскэлигэр»;
- В. Харысхал «Бастыҥ хатыыта»;
- К. Хиггинс «Ол сырдык саҕахха көрсүөхпүт»;
- В. Короленко «Макаар түүлэ»;
- А. Кулаковскай «Ойуун түүлэ»;
- И. Избеков «Сыгый Кырынаастыыр»;
- В. Харысхал «Учуутал»;
- Д. Наумов «Бүгүн эбэтэр хаһан да…»;
- П. Ламутскай «Сир иччитэ»;
- В. Никифоров «Манчаары»;
- Н. Якутскай «Төлкө»;
- Д. Таас «Кыһыл көмүс хоруоп»;
- П. Ойуунускай «Кээрэкээн»;
- У. Шекспир «Фальстаф»;
- А. Кулаковскай «Өй, сүрэх мөккүөрэ»;
- Д. Наумов «Сандаарар сарыал саллааттара» уо.д.а.
Олоҥхо тыйаатырыгар туруоруулара
- А. Кулаковскай «Өрүс бэлэхтэрэ»;
- П. Охлопков «Бэрт киһи Бэриэт Бэргэн».
Киинэҕэ
Артыыс быһыытынан
- Павел – «Лыах», режиссер В. Семенов («Окно в Европу» бирииһэ, «Бастыҥ эр киһи» бириэмийэтэ),
- Эрхан – «Кытыл», режиссер Р. Тараховскай.
Режиссёр быһыытынан
- «Кытыл», «Саллаат сүрэҕэ»;
- «Завещание» (Г. Башарин туһунан);
- «Сестра милосердия» (Кэт Марсден туһунан).
Өрөспүүбүлүкэ таһымнаах киэҥ хабааннаах тыйаатырдыҥы туруоруулара
- «Азия оҕолоро» Бүтүн аан дойдутааҕы спортивнай оонньуулар, 2016 с.
- Үөһээ Дьааҥыга - Олоҥхо ыһыаҕа, 2017 с.
- Манчаары оонньуулара, 2018 с.
- «Триумф Ойунского» Өрөспүүбүлүкэҕэ Былатыан Ойуунускай төрөөбүтэ 125 сылын өрөгөйдөөх бэлиэтээһинэ;
- Алдаҥҥа – Олоҥхо ыһыаҕа, 2019 с.
- «Свет над Арктикой» Өрөспүүбүлүкэтээҕи бырааһыннык;
- «Пою мою республику, Якутию мою» Өрөспүүбүлүкэ күнүгэр аналлаах тэрээһин.
Наҕараадалара уонна ытык ааттара
- Саха Өрөспүүбүлүкэтин ускуустубатын үтүөлээх үлэһитэ