Нуучча тылынанАнал бырайыактар
Тылы уларыт
УРУБИИКИ ТУҺУНАН

Потапов Николай Анатольевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Потапов.

Николай Анатольевич Потапов (төр. 1986 сыл ыам ыйын 14 күнэ, Дьокуускай) — Арассыыйа бырааһа, видео-оонньуулары оҥорооччу. Анал байыаннай дьайыы кыттыылааҕа. 2025 сыл сэтинньи 17 күнүттэн Саха Өрөспүүбүлүкэтин инновацияҕа, сыыппара сайдыытыгар уонна инфокоммуникационнай технологияларга миниистирин солбуйааччыта.

Биография

Николай Потапов 1986 сыл ыам ыйын 14 күнүгэр Дьокуускайга төрөөбүтэ. 2003 сылтан 2011 сылга диэри М. К. Аммосов аатынан Хотугулуу-Илиҥҥи федеральнай университет Мэдэссиинэ институтугар «Эмтиир дьыала» кафедратыгар үөрэммитэ. Үөрэх кэмигэр аармыйаҕа сулууспалаабыта, сержант сыбаанньатынан саппааска уурайбыта.

Үрдүк үөрэҕи бүтэрэн баран, «Травматологическай пуун» 5 №-дээх Куораттааҕы балыыһаҕа медбратынан, онтон «Түргэн мэдиссиинэ көмө ыстаансыйата» көһө сылдьар линейнэй биригээдэтин санитарынан үлэлээбитэ.

2011 сылтан 2016 сылга диэри «ФОКС» диэн «Устудьуоннары уонна ыччаты социальнай өйөөһүн» ХЭУо генеральнай дириэктэрэ, тэрийээччитэ.

2016 сылтан «Кыра инновационнай тэрилтэ автономнай технологиялар» ХЭУо генеральнай дириэктэрэ.

2013 сыл балаҕан ыйын 8 күнүгэр «Биир ньыгыл Арассыыйа» баартыйатыттан Дьокуускай куорат Дууматын дьокутаатынан талыллыбыта, дьокутаат үлэтин 2017 сыл кулун тутар 1 күнүттэн саҕалаабыта[1].

М. К. Аммосов аатынан Хотугулуу-Илиҥҥи федеральнай университет Арктическай инновационнай киинин дириэктэринэн, Арктическай судаарыстыбаннай агротехнологическай университет сыыппара сайдыытын проректорынан үлэлээбитэ[2].

2019 сылга Николай Потапов «Якутия» технопарка хомуллубут промышленнай ыраастааччы-робот Vedroid оҥоруутунан дьарыктаммыта[3]. Ол сыл Потапов ыраастааччы-робот 100 устуукатын Казахстааҥҥа аҕалар туһунан бастакы бөдөҥ контрагы түһэрсибитэ[4].

Дьокуускайга ExpoSkills диэн программирование оскуолатын тэрийбитэ[5].

2022 сыл балаҕан ыйыгар бэйэтин баҕатынан АБДь-ҕа барбыта[6]. Икки төгүллээх Арассыыйа Дьоруойа генерал-майор М. Е. Гудков аатынан, Жуков уонна Суворов уордьаннарын Курскай 155-с туспа гвардейскай байҕал пехотатын биригээдэтигэр сулууспалаабыта. Сулууспа кэмигэр хас да ыарахан бааһырыыны ылбыта, ол кэнниттэн уһуннук реабилитацияны ааспыта[7].

2023 сыл бэс ыйыгар көрдөрбүт хорсун быһыытын иһин Эр санаа уордьанынан наҕараадаламмыта[8]. Наҕарааданы туттарыы Потапов байыаннай госпитальга сытар сиригэр, Владивостокка ааспыта[9]. Саха сирин Ил Дархана Айсен Николаев, Николай Потапов наҕараадаламмытын туһунан санаатын этэн, бэйэтин телеграм-ханаалыгар суруйбута:

Николай Чуумпу далай флот байыаннай-муора пехотатын биригээдэтин састаабыгар мэдэссиинэ взводун хамандыырын быһыытынан сулууспалаабыта. Өстөөҕү кытта кыргыһыыга, снаряд бытархайыттан бааһырбытын да иһин, бэйэтин харыстаммакка бааһырбыт саллааттары быыһаабыта. Мин Николайы бэйэм билэр киһибин — кини дьиҥнээх патриот. Кини курдук дьон көмөлөрүнэн биһиги улуу дойдубут саҥа устуоруйата суруллар, дойдубут кэлэр кэскилэ оҥоһуллар. Саха сирэ киэн туттар![9]

Демобилизацияланан баран, Николай Потапов Дьокуускайга төннүбүтэ, онно ИТ-сфераҕа (нууч.) (сах. салгыы сайдыбыта. Кини ExpoSkills программирование оскуолатын үлэтин сөргүппүтэ, бу оскуола Саха сирин уонна Донецкай Норуодунай Өрөспүүбүлүкэ оҕолорун ситим-сирдэри оҥорууга уонна көмпүүтэр оонньууларын айыыга үөрэтэр[10]. 2025 сылга Потапов көмпүүтэр оонньууларын оҥорор CRYOLITE GAMES студияны тэрийбитэ[5].

2025 сыл балаҕан ыйыттан Потапов П. И. Дудкин аатынан Дьокуускайдааҕы сибээс уонна информационнай технологиялар колледжыгар үөрэтэр[11].

2025 сыл сэтинньи 17 күнүгэр Саха сирин Ил Дарханын ыйааҕынан Николай Потапов Саха Өрөспүүбүлүкэтин инновацияҕа, сыыппара сайдыытыгар уонна инфокоммуникационнай технологияларга миниистирин солбуйааччытынан анаммыта[12].

Култуураҕа

Николай Потапов Анал байыаннай дьайыы дьоруойдарын туһунан «Алдан» диэн саха режиссера Дмитрий Кольцов устубут патриотическай драматын сүрүн дьоруойун прототиба. Сюжетнай идея ааптардарынан уонна генеральнай продюсерларынан Данил Куликов уонна Иван Охлобыстин буолбуттара[13].

Дьиэ кэргэн

Кэргэнэ — Ирина, провизор. Икки оҕолоохтор: уол уонна кыыс[6].

Наҕараадалар

  • Эр санаа уордьана (2023).

Быһаарыылар

  1. ↑ Потапов Николай Анатольевич (рус.). Якутская городская Дума. Сигэнии күнэ: 18 Сэтинньи 2025.
  2. ↑ Ветеран СВО Николай Потапов стал заместителем министра инноваций, цифрового развития и инфокоммуникационных технологий Якутии(биллибэт). ГТРК «Саха». Сигэнии күнэ: 18 Сэтинньи 2025.
  3. ↑ Якутии, Стартапы Как ветеран СВО помогает перезапустить геймдев Якутии: история Николая Потапова — Стартапы Якутии на vc.ru. vc.ru. Сигэнии күнэ: 18 Сэтинньи 2025.
  4. ↑ Мобилизованный основатель Vedroid: все в порядке, земляков достаточно. Sakhaday.ru. Сигэнии күнэ: 18 Сэтинньи 2025.
  5. ↑ 1 2 Айан Субботин. Участник СВО Николай Потапов разработал компьютерную игру в Якутии (рус.). yakutia.kp.ru (27 Кулун тутар 2025). Сигэнии күнэ: 18 Сэтинньи 2025.
  6. ↑ 1 2 Участник СВО из Якутии Николай Потапов награжден "орденом Мужества". EXO-YKT.RU. Сигэнии күнэ: 18 Сэтинньи 2025.
  7. ↑ Кто же он, Николай Потапов, ставший прототипом главного героя драмы "Алдан"? Сигэнии күнэ: 18 Сэтинньи 2025.
  8. ↑ Участник СВО Николай Потапов: я делал свою работу. Технопарк "Якутия" (25 Атырдьах ыйын 2023). Сигэнии күнэ: 18 Сэтинньи 2025.
  9. ↑ 1 2 Член «Единой России», участник специальной военной операции Николай Потапов награжден орденом Мужества. Единая Россия. Сигэнии күнэ: 18 Сэтинньи 2025.
  10. ↑ Участник СВО из Якутии стал разработчиком компьютерной игры — ЯСИА. ЯСИА (26 Кулун тутар 2025). Сигэнии күнэ: 18 Сэтинньи 2025.
  11. ↑ В Якутии участника СВО назначили замминистра инноваций. TACC. Сигэнии күнэ: 18 Сэтинньи 2025.
  12. ↑ Официальный информационный портал Республики Саха (Якутия) (рус.). Официальный информационный портал Республики Саха (Якутия). Сигэнии күнэ: 18 Сэтинньи 2025.
  13. ↑ Кто же он, Николай Потапов, ставший прототипом главного героя драмы "Алдан"? Сигэнии күнэ: 18 Сэтинньи 2025.

Категориялар