Петров Дмитрий Дмитриевич

1921 сыллаахха сэтинньи 8 күнүгэр Саха уобалаһын Уус-Алдан улууһун Баатаҕай нэһилиэгэр төрөөбүтэ.

1940—1947 сс. — учуутал, үөрэх чааһын сэбиэдиссэйэ, оскуола дириэктэрэ.

1946 с. — Дьокуускайдааҕы судаарыстыбаннай педагогика институтун бүтэрбитэ.

1948—1952 сс. — ССРС Билимин Академиятын Дьокуускайдааҕы базатыгар аспирантураҕа үөрэммитэ.

1952—1953 сс. — тыл, литература уонна история Институтугар препаратор, лабараан.

1953—1958 сс. — билим алын үлэһитэ.

1958 с. — устуоруйа билимин хандьыдаатыгар «Колхозное крестьянство Якутии в годы Великой Отечественной войны Советского Союза (1941—1945 гг.)» тиэмэҕэ диссертациятын көмүскээбитэ.

1958—1964 сс. — учуонай-сэкирэтээр.

1964—1969 сс. — билим үрдүкү үлэһитэ.

1969—1972 сс. — билим алын үлэһитэ.

1972 сылтан — билим үрдүкү үлэһитэ.

1994 сыллаахха тохсунньу 4 күнүгэр өлбүтэ^[1] .

Д. Д. Петров — Саха сирин Аҕа дойду Улуу сэриитин кэминээҕи устуоруйатын үөрэппит биир биллиилээх чинчийээччи. Кини көҕүлээһининэн Ильмень күөлгэ өлбүт буойуннар кэриэстэригэр күөл кытылыгар бааматынньык, оттон Кашира куорат таһынан өйдөбүнньүк туруоруллубуттара.

Д. Д. Петров Аҕа дойду Улуу сэриитин кыттыылаахтара, саха буойуннара Н. А. Кондаков, Н. С. Степанов, А. А. Миронов килбиэннээхтик сэриилэспит суолларын чинчийэн, кинилэргэ Сэбиэскэй Сойуус Дьоруойун аатын иҥэриллиитигэр сүҥкэннээх үлэни оҥорбута^[1].

• «Очерки по истории Якутии советского периода» (Якутск, 1957).
• «История Якутской АССР» (М., 1963, гл. VIII, т. 3).
• «Якутия в годы Великой Отечественной войны» в 2 частях; часть I «Якутяне в боях с немецко-фашистскими захватчиками» (Якутск, 1979).

Хомуурунньуктар

• «Вклад народов Якутии в дело победы (1941—1945 гг.)». В 2 т. — Т. I: «Якутяне на фронтах Великой Отечественной войны Советского Союза» (Якутск, 1968, переизд. в 1995 г.); — Т. 2: «Трудовой подвиг трудящихся Якутии» (Якутск, 1985); — Т. 3: «Всенародная помощь фронту» (Якутск, 1983).
• «Фронтовая печать о воинах из Якутии» (Якутск, 1982).
• «Вспоминают ветераны» (Якутск, 1985).
• «Письма солдат» (Якутск, 1970, 1987).

• Саха АССӨ култууратын үтүөлээх үлэһитэ (1990);
• ССРС Билимин Академиятын Сибиирдээҕи салаатын үтүөлээх бэтэрээнэ;
• Уус-Алдан улууһун Ытык олохтооҕо.