Илларионов Афанасий Петрович
Илларионов Афанасий Петрович (1942, Эдьигээн улууһа, Саха АССР — 1997) — судаарыстыбаннай диэйэтэл, юрист, бэйиэт, тылбаасчыт. СӨ Ил Түмэн судаарыстыбаннай мунньаҕын бэрэстэбиитэллэрин палататын бастакы бэрэссэдээтэлэ (1993—1997).
Олоҕун олуктара
Афанасий Илларионов Эдьигээн улууһун Наатара нэһилиэгэр 1942 сыллаахха алтынньы 18 күнүгэр хоту көспүт Чурапчыларга төрөөбүтэ. Чурапчы улууһугар Хайахсыт, онтон Дириҥ оскуолаларыгар үөрэммитэ.
1962—1967 сс. Чурапчыга бухгалтер, дизелист, кулууп сэбиэдиссэйэ, учуутал, оройуон хаһыатын корректора.
1967—1971 сс. Свердловскайдааҕы юридическай институт устудьуона.
1971—1972 сс. Дьокуускай куоракка нотариус.
1972—1975 сс. Орджоникидзе оройуонун норуот судьуйата.
1975—1986 сс. Норуот судьуйата (Нерюнгри куоратын бастакы судьуйата), Нерюнгри норуодунай суутун бэрэссэдээтэлэ.
1986—1988 сс. Нерюнгритааҕы дьиэ тутар комбинат кадр салаатын салайааччыта.
1988—1990 сс. Дьокуускай исполкомун юридическай боппуруостарга сэбиэдиссэйэ.
1990—1992 сс. Саха Өрөспүүбүлүкэтин Үрдүкү сэбиэтин сокуон онорор салаатын сэбиэдиссэйэ.
1992—1993 сс. Саха Өрөспүүбүлүкэтин бэрэсидьиэнин сүбэһитэ.
1993—1997 сс. Саха Өрөспүүбүлүкэтин Ил Түмэн бэрэстэбиитэллэрин палаататын бэрэссэдээтэлэ.
1997 сыллаахха ыарахан ыарыыттан өлбутэ[1].
Айар үлэтэ
Үгүс хоһооннор, тылбаастар ааптардара. «Игорь полкатын туhунан кэс тыл» сахалыы тылбаастаабыта.
Наҕараадалара
- Саха Өрөспүүбүлүкэтин үтүөлээх юриһа.