Заровняев Роман Семенович

1915 сыллаахха Дүпсү улууһун Найахы нэһилиэгэр (билиҥҥитэ Уус-Алдан улууһугар төрөөбүтэ. 1923 сыллаахха төрөппүттэрэ Нам улууһугар көспүттэрэ. Намҥа оскуоланы бүтэрбитэ, ол кэннэ рабфакка үөрэммитэ.

1936 сыллаахха Саха национальнай байыаннай оскуолатыгар милиционердар куурустарын бүтэрбитэ, НКВД уорганнарыгар Дьокуускайга, паспорт салаатыгар в милиции Аллаах Үүн учаастагар үлэлээбитэ.

Кыһыл Аармыйа кэккэтигэр 1941 сыллаахха бэс ыйын 26 күнүгэр ыҥырыллыбыта. Сулууспатын Уһук Илиҥҥи аармыйа 97-с дивизиятын 136-с стрелковай полкатыгар отделение хамандыырынан саҕалаабыта.

Фроннааҕы бойобуой суола 164-с стрелковай (Витебскайдааҕы Кыһыл знамялаах) дивизия 531-с стрелковай полкатыгар саҕаламмыта. Кыргыһыы кэмигэр хаста да бааһырбыта.

Снайпер быһыытынан, официальнай дааннайынан, 59 ньиэмэс саллаатын уонна офицерын суох гыммыта.

Кыһыл сулус уордьанынан, Аҕа дойду сэриитин 1 истиэпэннээх уордьанынан, «Бойобуой өҥөлөрүн иһин», «Хорсунун иһин» мэтээллэринэн, «Милиция туйгуна» бэлиэнэн уонна «Эҥкилэ суох сулууспатын иһин» мэтээл бары истиэпэннэринэн наҕараадаламмыта.

Сэрии кэнниттэн Уус-Дьааҥы улууһун Хаһаачыйа орто оскуоатыгар байыаннай дьыаланы үөрэппитэ. Томпо райисполкомугар сэкирэтээрдээбитэ, поссовет бэрэссэдээтэлинэн, Кэбээйи, Эдьигээн оройуоннарыгар милиссиийэ оройуоннааҕы салааларыгар участковай боломуочунайынан үлэлэбитэ (1948—1960 гг.)^[1].

1962 сыллаахха сэриигэ ылбыт бааһырыыттан өлбүтэ. Нам улууһун Хатырыгар көмүллүбүтэ.