Нуучча тылынанАнал бырайыактар
Тылы уларыт
УРУБИИКИ ТУҺУНАН

Аввакумов Петр Денисович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Аввакумов.

Аввакумов Петр Денисович (1934 сыл муус устар 22 күнэ, Горнай улууhа, Саха АССР — 2005 сыл бэс ыйын 29 күнэ, Октябрьскай нэһилиэгэ, Саха сирэ) — суруйааччы, литэрэтиирэни ырытааччы, 1996—2005 сс. «Чолбон» сурунаал сүрүн эрэдээктэрэ.

Олоҕун олуктара

Петр Аввакумов 1934 сыллаахха муус устар 22 күнүгэр Горнай улууһугар Иккис Атамай нэһилиэгэр төрөөбүтэ.

1964 сыллаахха Саха судаарыстыбаннай университетын бүтэрбитэ.

1980 сылга ССРС суруйааччыларын Сойууһун чилиэнэ буолар.

«Эдэр коммунист» хаһыат, сотрудник. Дьокуускайдааҕы кинигэ кыһатыгар эрэдээктэр. 1996 сылтан 2005 сылга диэри «Чолбон» сурунаал сүрүн эрэдээктэрэ.

Петр Аввакумов 2005 сыллаахха бэс ыйын 29 күнүгэр Октябрьскай нэһилиэккэ өлбүтэ[1].

Айар үлэтэ

1959 сылга Петр Аввакумов «Эдэр коммунист» хаһыакка А. Бродников кинигэтигэр рецензия суруйбута.

Бастакы кинигэтэ 1969 сыллаахха күн сирин көрбүтэ. Ол кэнниттэн 10-н тахса кэпсээнээх-сэһэннээх кинигэлэрэ бэчээттэнэн тахсыбыттара. Суруйааччы сорох айымньылара оҕолорго анаммытттар.

Кини М. Горькай, Л. Толстой, А. Пушкин, Ф. Достоевскай кэпсээннэрин, Р. Киплинг остуоруйаларын саха тылыгар тылбаастаабыта. Саха тылыгар хоту омуктар суруйааччыларын айымньыларын тылбаастаабыта: Платон Ламутскай, Андрей Кривошапкин, Г. Кэптукэ, Е. Едукин, Николай Курилов.

Айымньылара

  • «Улуу Сыһыы» (1992)
  • «Өлбүт өтөхтөр» (1995)
  • «Дьылҕа суола» (2000)
  • «Одурууннаах Орто дойдуга» (2003)
  • «Алҕастар»

Библиография

  • Унаар күөх хочоҕо. — Дьокуускай: Кинигэ кыһата, 1969. — 40 с.
  • Кэрчиктэр. — Дьокуускай: Кинигэ кыһата, 1971. — 40 с.
  • Тимка улаатар: Кыра оҕолорго кэпсээннэр. — Дьокуускай: Кинигэ кыһата, 1973. — 32 с.
  • Окко түспүт оҥоһуум: Сэһэн. — Дьокуускай: Кинигэ кыһата, 1975. — 112 с.
  • Сир симэҕэ: Үүнээйилэр тустарынан оҕолорго кэпсээннэр / С. Скрябин, П. Аввакумов, М. Ушницкай. — Дьокуускай: Кинигэ кыһата, 1976. — 71 с.
  • Төрөөбүт буор сылааһа. — Дьокуускай: Кинигэ кыһата, 1978. — 176 с.
  • Ол манных этэ: Сэһэннэр. — Дьокуускай: Кинигэ кыһата, 1980. — 236 с.
  • Балыс. (Кыра саастаах оҕолорго кэпсээннэр). — Дьокуускай: Кинигэ кыһата, 1981. — 20 с.
  • Биһиэхэ барыбытыгар: Кэпсээннэр, очеркалар, ыстатыйалар. — Дьокуускай: Кинигэ кыһата, 1984. — 256 с.
  • Киһи суола: Сэһэннэр. — Дьокуускай: Кинигэ кыһата, 1986. — 208 с.
  • Улахан да кыра да…: Сэһэн, кэпсээннэр. — Дьокуускай: Кинигэ кыһата, 1989. — 176 с.
  • Улуу сыһыы: Роман: Орто уонна улахан саастаах оҕолорго. — Дьокуускай: Кинигэ кыһата, 1992. — 256 с.
  • Алҕастар: Сэһэннэр. — Дьокуускай: «Бичик», 1994. — 176 с.

Наҕараадалара уонна ытык ааттара

  • Саха Өрөспүүбүлүкэтин култууратын үтүөлээх үлэһитэ[2] (1994)
  • Горнай улууһун Ытык олохтооҕо[3]
  • Аатын үйэтитээри биир дойдулаахтара Горнай улууһун бибилэтиэкэтигэр кини аатын иҥэрбиттэрэ.

Быһаарыылар

  1. ↑ Аввакумов Петр Денисович (рус.). https://mr-gornyj.sakha.gov.ru/. Сигэнии күнэ: 29 Алтынньы 2024.
  2. ↑ О присвоении почетного звания «Заслуженный работник культуры Республики Саха (Якутии)» Аввакумову П. Д., Васильеву А. И., Поповой А. А., Сивцеву В. Т.: Указ Президента РС (Я) / / Респ. Саха. — 1994 — 9 нояб.
  3. ↑ Официальный информационный портал Республики Саха (Якутия): Почетные граждане, известные люди Горного улуса

Сигэлэр

Категориялар