Нуучча тылынанАнал бырайыактар
Тылы уларыт
УРУБИИКИ ТУҺУНАН

Donk

Данил «donk» Крышковец (2007 сыл тохсунньу 25 күнэ, Томскай) — Арассыыйа Counter-Strike 2 киберспортсмена, Арассыыйа Team Spirit хамаандатыгар рифлер быһыытынан оонньуур. Perfect World Shanghai Major 2024 чөмпүйүөнэ.

Кини 2024 сыллаахха «Успуорт уонна киберспорт» категорияҕа Арассыыйатааҕы Forbes сылын аайы ыытыллар «30-тан 30-ҥа диэри» рейтинин кыайыылаахтарын ахсааныгар киирбитэ[1]. Кини HLTV порталынан 2024 сыл бастыҥ оонньооччутунан ааттаммыта[2].

Биография

Данил 2007 сыллаахха тохсунньу 25 күнүгэр Томскайга төрөөбүтэ. Counter-Strike оонньууну 5 сааһыттан убайын кытта саҕалаабыта. Икки сылынан оонньуу саҥа барылыгар көспүттэрэ. Эдэр киһи эрчиллиилэргэ олус элбэх бириэмэни аныыра, онтон үөрэҕэ үчүгэй буолан төрөппүттэрэ кини элбэх чаастаах эрчиллиилэригэр мэһэйдээбэттэрэ.

Киберспортивнай карьера

14 сааһыгар Данил Европа FPL-C-ыгар киирбитэ, бу кини сааһыгар олус улахан ситиһии этэ. Маннык ситиһии кэннэ кинини OverDrive диэн киһи таба көрбүтэ. Кини Данилы кытта хас да оонньуу кэнниттэн Team Spirit (нууч.) (сах. академиятыгар сүбэлээбитэ. Ол эрээри, тэрилтэ кинини кытта контракт түһэрсэрин ыксаабатах: саас хааччаҕын иһин Данил улахан турнирдарга сатаан кыттыбат этэ. Ону таһынан, саҥа хамаандатыгар кини оонньуута мөлтөх этэ: сэттэ турнирга 22 картаҕа кини рейтинга ортотунан 0.97 этэ. Ыарахаттары аахсыбакка, икки өттүттэн сөбүлэһэн Данил «драконнар» академиятыгар оонньуур буолбута[3][4].

Team Spirit академиятыгар оонньоон Данил бэйэтин үчүгэйдик көрдөрбүтэ. 2022 сыл түмүгүнэн HLTV портал барылынан 3-с миэстэни ылбыт sh1ro кини талаанын бэлиэтээбитэ уонна кэлэр өттүгэр сыл бастыҥ 20 оонньооччутун ахсааныгар киириэ диэн эппитэ[5]. FPL-га эмиэ кини көрдөрүүлэрин үрдүктүк сыаналаабыттара уонна «15 сааһыгар Данил лига өрүүтэ көрбөтөх саамай бастыҥ рифлер оонньооччулартан биирдэстэрэ» диэн эппиттэрэ[6]. Академическай састаап куруук үүнэн испитэ уонна хас да ыйынан аан дойду бастыҥ 50 хамаандатын ахсааныгар киирбитэ. Тэрилтэ сүрүн састааба, төттөрүтүн, куһаҕан этэ: үс оонньооччу барбыттара, хамаанда саҥа дьону көрдүүргэ тиийбитэ. Оччоҕо академия үс оонньооччутун ыларга быһаарыы ылыныллыбыта, ол ахсааныгар Данил эмиэ баара[4][7].

Хамаанда түргэнник бииргэ оонньоон барбыта уонна бастакы CCT North Europe Series #6 турнирыгар бастакы миэстэни ылбыта. Ол турнирга Данил тус көрдөрүүлэринэн бастыҥ этэ, ону таһынан турнир бары оонньооччуларын ортотугар төрдүс миэстэни ылбыта. Онтон кини кэлэр CCT Online Finals #2 турнирыгар иккис миэстэни ылбыта, оттон donk тус көрдөрүүлэринэн бастакы оонньооччу буолбута. Бастакы LAN-турнирдарыгар Dunav Party турнирыгар эмиэ бастакы миэстэни ылбыттара, оттон donk эмиэ турнир бастыҥ оонньооччутунан буолбута.

Бастакы MVP аатын Данил BetBoom Dacha турнирын кыайыытын иһин ылбыта. Ол турниры кини 1.31 рейтиҥҥэ түмүктээбитэ[8]. Donk 16 сааһыгар уонна 10 ыйыгар устуоруйаҕа иккис саамай эдэр MVP буолбута[9].

2024 сыл

Сыл биир саамай улахан турнирыгар IEM Katowice 2024-ка тиийэн, Данил көдьүүстээхтик оонньообута. Ол турнирга биир да хамаанда Team Spirit-ы кыайбатаҕа. HLTV портал donk оонньуутун улахан турнирдарга устуоруйаҕа саамай бастыҥ дебют диэн билиммитэ. Ону таһынан, эдэр киһи улахан турнирга тус ыстатыыстыкатынан (1.70 рейтинг 2.0) босниец оонньооччу NiKo рекордун хатылаабыта[10]. Ол турнирга Данил MVP-ы ылбыта, ол аата улахан турнирдарга бу наҕарааданы ылбыт саамай эдэр оонньооччу буолбута. Катовицеҕа маннык ситиһиилээх оонньуу кэнниттэн аан дойду бары профессиональнай сцената Данил үрдүк идэлээх оонньуутун бэлиэтээбитэ. Ол турнирга оонньооччуну утарсааччыларын диэки хаһыытыырын иһин кириитикэлээбиттэрэ. Холобур, украинец киберспортсмен уонна тренер B1ad3 donk үчүгэй оонньуутун бэлиэтээбитэ, ол эрээри эдэр киберспортсмен бэйэтин майгытын көннөрүөхтээх диэбитэ[11].

Бастакы мажоругар (нууч.) (сах. «драконнар» плей-офф стадиятыгар 3-0 ахсаанынан киирбиттэрэ (3 кыайыы), ол эрээри турнир финал чааһыгар, элбэхтэр Team Spirit-ы трофей сүрүн претенденнарынан аахпыттарын үрдүнэн, бастакы оонньууга ол кэмҥэ HLTV рейтиҥэр бастакы миэстэни ылар FaZe Clan хамаандатыгар хотторбуттара[12]. Бүтэһик матчка Данил хамаандаттан ыстатыыстыкатынан «плюска» тахсыбыт соҕотох оонньооччу буолбута, оттон турниры кини 1.35 рейтиҥҥэ түмүктээбитэ уонна хамаанда бастыҥ оонньооччутунан буолбута[13][14].

2024 сыл ахсынньы 15 күнүгэр Team Spirit Perfect World Shanghai Major 2024 турнирга кыайбыта, финалга FaZe Clan-ы 2:1 ахсаанынан хоппута[15]. Турнир түмүгүнэн donk Крышковец MVP аатын ылбыта[16].

2025 сыл

2025 сыл тохсунньу 6 күнүгэр Данил «donk» Крышковец Илья «m0NESY» Осиповы кытта ситим-турнир Evelone Duo Cup-ы кыайбыттара, финалга Олег «baz» Кулинич уонна Максим «kyousuke» Лукин дуэттарын хоппуттара[17][18].

2025 сыл тохсунньу 20 күнүгэр donk BLAST Bounty Spring 2025 турнир сабыылаах квалификациятын түмүгүнэн бастыҥ оонньооччу буолбута. Кини рейтинга 1,88, өлөрүү/өлүүн коэфициена (K/D) 1,95, оттон раунд иһигэр ортотунан таһаарар уоттааһын (ADR) 116,9 этэ[19].

2025 сыл тохсунньу 26 күнүгэр хамаанда BLAST Bounty Spring 2025 турнирга кыайбыта, турок хамаандатын Eternal Fire-ы 3:1 ахсаанынан хоппута[20]. Данил «donk» Крышковец HLTV.org портал санаатынан турнир саамай сыаналаах оонньооччутунан (MVP) билиниллибитэ[21].

2025 сыл ыам ыйын 18 күнүгэр Team Spirit састааба PGL Astana 2025 турнирга кыайбыта[22][23], оттон donk турнир саамай сыаналаах оонньооччутунан (MVP) ааттаммыта[24].

2025 сыл атырдьах ыйын 3 күнүгэр коллектив IEM Cologne 2025 турнирга бастакы миэстэни ылбыта, финалга MOUZ коллективын 3:0 ахсаанынан хоппута. Кыайыытын иһин Team Spirit хамаандата 400 тыһ. дуоллары ылбыта[25]. Турнир бастыҥ оонньооччутунан (MVP) donk ааттаммыта[26].

2025 сыл атырдьах ыйын 17 күнүгэр Team Spirit BLAST Bounty Fall 2025 турнир кыайыылааҕа буолбута, финалга The MongolZ-ы 3:0 ахсаанынан хоппута[27]. Данил «donk» Крышковец турнир бастыҥ оонньооччутунан ааттаммыта[28].

Хамаандалар устуоруйалара

Кэм Хамаанда[29] Мачтар Кыайыы/Тэҥнэһии/Кыайтарыы, %
28.12.2021 — 05.07.2023 Team Spirit Academy 11 64/0/36
05.07.2023 — 29.09.2023 Team Spirit 20 70/0/30
29.09.2023 — б.к. Team Spirit 139 78/0/22

Ситиһиилэр уонна наҕараадалар

Кулууп

Counter-Strike 2 (нууч.) (сах. оонньууга хамаанда улахан киберспорт турнирдарыгар ситиһиилэрэ:

Сыл Миэстэ Турнир Хамаанда Ааспыт сирэ Призовой (USD) Наҕараада Источник
2023 2 CCT Online Finals #2 Арассыыйа былааҕа Team Spirit Флаг ЕС Онлайн 40 000 — [30]
1 BetBoom Dacha 2023 ХАЭ былааҕа Дубай 180 000 MVP[31] [32]
2024 1 IEM Katowice 2024 Польша былааҕа Катовице 400 000 MVP[33] [34]
5-с/8-с PGL CS2 Major Copenhagen 2024 Дания былааҕа Копенгаген 45 000 EVP [35]
2 BetBoom Dacha Belgrade 2024 Сербия былааҕа Белград 100 000 MVP[36] [37]
3 IEM Dallas 2024 АХШ былааҕа Даллас 20 000 — [38]
1 BLAST Premier: Spring Final 2024 Улуу Британия былааҕа Лондон 200 000 MVP[39] [40]
5-с/8-с Esports World Cup 2024 Саудовскай Аравия былааҕа Эр-Рияд 40 000 — [41]
1 BetBoom Dacha Belgrade Season 2 Сербия былааҕа Белград 250 000 MVP[42] [43]
2 BLAST Premier World Final 2024 Сингапур былааҕа Сентоса 250 000 EVP [44]
1 Perfect World Shanghai Major 2024 Кытай былааҕа Шанхай 500 000 MVP [16]
2025 1 Evelone Duo Cup Team DM Флаг ЕС Онлайн 200 000 MVP [17]
1 BLAST Bounty Spring 2025 Арассыыйа былааҕа Team Spirit Дания былааҕа Копенгаген 500 000 MVP[21] [20]
2 IEM Katowice 2025 Польша былааҕа Катовице 180 000 — [45]
1 PGL Astana 2025 Казахстаан Астана 200 000 MVP[24] [22][23]
1 IEM Cologne 2025 Германия Кёльн 400 000 [25]
1 BLAST Bounty Fall 2025 Мальта Мальта 287 812 MVP[28] [27]
  • MVP — Most Valuable Player (ааҥыл тылыттан тылбаас — «Саамай сыаналаах оонньооччу»);
  • EVP — Exceptionally Valuable Player (ааҥыл тылыттан тылбаас — «Олус сыаналаах оонньооччу»).

Тус ситиһиилэр

  • 2024 сыллаахха кини «Forbes 30 Under 30» испииһэгэр Арассыыйа Forbes «успуорт уонна киберспорт» категориятыгар киирбитэ[46];
  • HLTV Awards 2024 түмүгүнэн Counter-Strike 2 2024 сыл бастыҥ оонньооччута[2];
  • 2025 сыл олунньутугар, Forbes Sport санаатынан, donk «2025 сыллаахха Арассыыйа 10 саамай үрдүк хамнастаах киберспортсмена» рейтиҥҥэ 3 миэстэни ылбыта[47].

Быһаарыылар

  1. ↑ 30 до 30. «З0 до 30» Forbes. Сигэнии күнэ: 26 Атырдьах ыйын 2025.
  2. ↑ 1 2 Результаты и итоги премии HLTV Awards 2024. cybersport.metaratings.ru (12 Тохсунньу 2025). Сигэнии күнэ: 26 Атырдьах ыйын 2025.
  3. ↑ One for the future: DONK (англ.). HLTV (30 Бэс ыйын 2023). Сигэнии күнэ: 26 Атырдьах ыйын 2025.
  4. ↑ 1 2 Мику, Иван 17-летняя звезда Counter-Strike из России — кто такой donk и почему о нем все говорят (рус.). CQ.ru (12 Олунньу 2024). Сигэнии күнэ: 26 Атырдьах ыйын 2025.
  5. ↑ Top 20 players of 2022: SH1RO (3). HLTV (14 Тохсунньу 2023). Сигэнии күнэ: 26 Атырдьах ыйын 2025.
  6. ↑ 15-year-old from Team Spirit Academy named FPL's best player in 2... csgo.com. Сигэнии күнэ: 26 Атырдьах ыйын 2025.
  7. ↑ Spirit announce new roster with Academy Trio Including DONK (англ.). HLTV (5 От ыйын 2023). Сигэнии күнэ: 26 Атырдьах ыйын 2025.
  8. ↑ BetBoom Dacha 2023 | Stats (англ.). HLTV. Сигэнии күнэ: 26 Атырдьах ыйын 2025.
  9. ↑ Donk named Betboom Dacha MVP (англ.). HLTV (10 Ахсынньы 2023). Сигэнии күнэ: 26 Атырдьах ыйын 2025.
  10. ↑ Donk equals big event record rating to earn iem katowice MVP (англ.). HLTV (2024-2-11). Сигэнии күнэ: 26 Атырдьах ыйын 2025.
  11. ↑ B1AD3: "Donk has a great future, but i think he needs to fix his Behavior" (англ.). HLTV (5 Олунньу 2024). Сигэнии күнэ: 26 Атырдьах ыйын 2025.
  12. ↑ Валентин Васильев. PARI: Team Spirit обыграет FaZe и пройдет в полуфинал PGL Major Copenhagen 2024 по CS2. Ведомости (28 Кулун тутар 2024). Сигэнии күнэ: 26 Атырдьах ыйын 2025.
  13. ↑ Faze outlast spirit in instant classic in Copenhagen (англ.). HLTV (28 Кулун тутар 2024). Сигэнии күнэ: 26 Атырдьах ыйын 2025.
  14. ↑ Мику, Иван Российская Team Spirit вылетела с мэйджора по CS 2 в Дании, отыграв семь матч-пойнтов (рус.). Чемпионат (28 Кулун тутар 2024). Сигэнии күнэ: 26 Атырдьах ыйын 2025.
  15. ↑ Мику, Иван Российская Team Spirit стала чемпионом мира по Counter-Strike 2 (15 Ахсынньы 2024). Сигэнии күнэ: 26 Атырдьах ыйын 2025.
  16. ↑ 1 2 Donk стал MVP мейджора по CS2 в Шанхае. www.cybersport.ru (15 Ахсынньы 2024). Сигэнии күнэ: 26 Атырдьах ыйын 2025.
  17. ↑ 1 2 M0NESY и donk стали чемпионами Evelone Duo Cup. escorenews.com (7 Тохсунньу 2025). Сигэнии күнэ: 26 Атырдьах ыйын 2025.
  18. ↑ Команда donk и m0NESY стала чемпионом Evelone Duo Cup (рус.). cybersport.metaratings.ru (7 Тохсунньу 2025). Сигэнии күнэ: 26 Атырдьах ыйын 2025.
  19. ↑ Результаты квалификации BLAST Bounty Spring 2025: donk стал лучшим игроком. Esports.ru (20 Тохсунньу 2025). Сигэнии күнэ: 26 Атырдьах ыйын 2025.
  20. ↑ 1 2 Котов, Алексей Team Spirit — чемпион турнира BLAST Bounty Spring 2025 по Counter-Strike 2. Сигэнии күнэ: 26 Атырдьах ыйын 2025.
  21. ↑ 1 2 Donk выиграл седьмое звание MVP от HLTV.org на BLAST Bounty Spring 2025. Cybersport.ru (26 Тохсунньу 2025). Сигэнии күнэ: 26 Атырдьах ыйын 2025.
  22. ↑ 1 2 Team Spirit заняла первое место на PGL Astana 2025 | Counter strike 2. dota2.ru (18 Ыам ыйын 2025). Сигэнии күнэ: 26 Атырдьах ыйын 2025.
  23. ↑ 1 2 Мику, Иван Российская Team Spirit — чемпион PGL Astana 2025 по CS 2 (18 Ыам ыйын 2025). Сигэнии күнэ: 26 Атырдьах ыйын 2025.
  24. ↑ 1 2 Donk признан самым ценным игроком PGL Astana 2025. Cybersport.ru (18 Ыам ыйын 2025). Сигэнии күнэ: 26 Атырдьах ыйын 2025.
  25. ↑ 1 2 Team Spirit обыграла MOUZ и стала чемпионом IEM Cologne 2025. Cybersport.ru (3 Атырдьах ыйын 2025). Сигэнии күнэ: 26 Атырдьах ыйын 2025.
  26. ↑ Donk стал лучшим игроком по рейтингу на IEM Cologne 2025 — на втором месте kyousuke. Cybersport.ru (4 Атырдьах ыйын 2025). Сигэнии күнэ: 26 Атырдьах ыйын 2025.
  27. ↑ 1 2 Российская Team Spirit стала чемпионом BLAST Bounty 2025 по Counter-Strike 2. championat.com (17 Атырдьах ыйын 2025). Сигэнии күнэ: 26 Атырдьах ыйын 2025.
  28. ↑ 1 2 Donk стал самым ценным игроком BLAST Bounty Fall 2025. cybersport.ru (17 Атырдьах ыйын 2025). Сигэнии күнэ: 26 Атырдьах ыйын 2025.
  29. ↑ donk из Team Spirit CS2 – профиль игрока, биография, матчи, награды(биллибэт). Cybersport.ru. Сигэнии күнэ: 26 Атырдьах ыйын 2025.
  30. ↑ CCT 2023 Online Finals 2 Overview. HLTV.org. Сигэнии күнэ: 26 Атырдьах ыйын 2025. Архивировано 14 Балаҕан ыйын 2024 года.
  31. ↑ 16-летний Donk стал самым ценным игроком на BetBoom Dacha по версии HLTV.org (рус.). Cybersport.ru (10 Ахсынньы 2023). Сигэнии күнэ: 26 Атырдьах ыйын 2025. Архивировано 17 Олунньу 2024 года.
  32. ↑ BetBoom Dacha 2023 overview. HLTV.org. Сигэнии күнэ: 26 Атырдьах ыйын 2025. Архивировано 5 Атырдьах ыйын 2024 года.
  33. ↑ Donk стал самым ценным игроком IEM Katowice 2024 (рус.). Cybersport.ru (11 Олунньу 2024). Сигэнии күнэ: 26 Атырдьах ыйын 2025. Архивировано 17 Олунньу 2024 года.
  34. ↑ Иван Мику. Российская Team Spirit стала чемпионом IEM Katowice 2024 по CS 2, разгромив FaZe — 3:0. Чемпионат (11 Олунньу 2024). Сигэнии күнэ: 26 Атырдьах ыйын 2025. Архивировано 21 Бэс ыйын 2024 года.
  35. ↑ PGL CS2 Major Copenhagen 2024 overview. HLTV.org. Сигэнии күнэ: 26 Атырдьах ыйын 2025. Архивировано 10 Атырдьах ыйын 2024 года.
  36. ↑ donk named MVP of BetBoom Dacha Belgrade. HLTV (19 Ыам ыйын 2024). Сигэнии күнэ: 26 Атырдьах ыйын 2025. Архивировано 23 Ыам ыйын 2024 года.
  37. ↑ BetBoom Dacha Belgrade 2024 overview. HLTV.org. Сигэнии күнэ: 26 Атырдьах ыйын 2025. Архивировано 2 Бэс ыйын 2024 года.
  38. ↑ IEM Dallas 2024 overview. HLTV.org. Сигэнии күнэ: 26 Атырдьах ыйын 2025. Архивировано 18 Бэс ыйын 2024 года.
  39. ↑ Мику, Иван 17-летний Данил donk Крышковец признан лучшим игроком BLAST Premier по CS 2 (рус.). Чемпионат (16 Бэс ыйын 2024). Сигэнии күнэ: 26 Атырдьах ыйын 2025. Архивировано 16 Бэс ыйын 2024 года.
  40. ↑ Иван Мику. Российская Team Spirit стала чемпионом топ-турнира BLAST Premier по CS 2 в Лондоне. Чемпионат (16 Бэс ыйын 2024). Сигэнии күнэ: 26 Атырдьах ыйын 2025. Архивировано 18 Бэс ыйын 2024 года.
  41. ↑ Esports World Cup 2024 overview. HLTV.org. Сигэнии күнэ: 26 Атырдьах ыйын 2025. Архивировано 30 Атырдьах ыйын 2024 года.
  42. ↑ donk wins his fourth MVP of 2024 at BB Dacha Belgrade S2 (1 Балаҕан ыйын 2024). Сигэнии күнэ: 26 Атырдьах ыйын 2025.
  43. ↑ BetBoom Dacha Belgrade Season 2 overview. HLTV.org. Сигэнии күнэ: 26 Атырдьах ыйын 2025. Архивировано 27 Атырдьах ыйын 2024 года.
  44. ↑ BLAST Premier World Final 2024 overview. HLTV.org. Сигэнии күнэ: 26 Атырдьах ыйын 2025. Архивировано 9 Сэтинньи 2024 года.
  45. ↑ Котов, Алексей Team Vitality заняла первое место на чемпионате IEM Katowice 2025 по Counter-Strike 2 (9 Олунньу 2025). Сигэнии күнэ: 26 Атырдьах ыйын 2025.
  46. ↑ Котов, Алексей Донк из состава Team Spirit по Counter-Strike 2 вошёл в список «30 до 30» от Forbes (рус.). Чемпионат. Сигэнии күнэ: 26 Атырдьах ыйын 2025.
  47. ↑ 10 самых высокооплачиваемых киберспортсменов России — 2025(биллибэт). Forbes.ru. Сигэнии күнэ: 26 Атырдьах ыйын 2025.

Категориялар