Нуучча тылынанАнал бырайыактар
Тылы уларыт
УРУБИИКИ ТУҺУНАН

Попова Марина Константиновна

УРУБИИКИ иһигэр маннык араспаанньалаах дьон туһунан ыстатыйалар бааллар, көр Попов.

Попова Марина Константиновна — Эдьиий Марыына (1926 сыл кулун тутар 24 күнэ, Холгума нэһилиэгэ — 2014 сыл от ыйын 16 күнэ, Дьокуускай) — саха сэбиэскэй, Арассыыйа опера ырыаһыта, Саха АССР норуодунай артыыһа.

Олоҕун олуктара

1926 сыллаахха кулун тутар 24 күнүгэр Мэҥэ-Хаҥалас улууһун Бастакы Холгума нэһилиэгэр төрөөбүт.

1946 сылтан музыка тыйаатырын-устуудьуйатын хорун ырыаhыта.

1948—1951 сылларга Дьокуускай радиокомитет хорун ырыаһыта.

1956 сыллаахха М. П. Мусоргскай аатынан Ураллааҕы консерватория опернай устуудьуйатын бүтэрбит.

1956 сылтан Саха государственнай музыкальнай-драматическай тыйаатырын, кэлин Суорун Омоллоон аатынан Саха государственнай опера уонна балет театрын артыыһа[1].

2014 сыллаахха от ыйын 16 күнүгэр Дьокуускайга ыалдьан өлбүт[2]. Мэҥэ-Хаҥаласка көмүллүбүт.

Айар үлэтэ

1949 сыллаахха тыйаатыр сыанатыгар П. Чайковскай «Евгений Онегин» оператыгар Ларина, Ольга уонна Няня баартыйаларын толорбут.

Ол сыл, онтон кэлин 1955, 1957, 1977 уонна 1992 сыллардаахха, М. Жирков уонна Г. Литинскай «Ньургун Боотур» оператыгар Кыыс Кыскыйдаан уонна Аан Алахчын хотун баартыйаларын толорбут.

Театрга толорбут атын партиялара

  • Алгыма уонна Чычып-Чаап (Г. Григорян «Лоокуут уонна Ньургуһун»)
  • Сата (Г. Комраков уонна Э. Алексеев «Манчаары туһунан ырыа»)
  • Хара Мотуо (Г. Григорян «Хотугу Сибэкки», оперетта)
  • Ийэ (Л. Вишкарев «Биһигини Кытта Ленин», кантата)
  • Ийэ (Н. Берестов «Умуллубат төлөн», опера)
  • Флора (Дж. Верди «Травиата», опера)
  • Петровна (Н. Римскай-Корсаков «Ыраахтааҕы кийиитэ», опера)
  • Уля Громова (Ю. Мейтус «Эдэр гвардия», опера)
  • Аксинья (Т. Хренников «В бурю»)

Ырыалара

Марыына Попова 1961 сылтан Саха сиригэр уонна таһыгар 500-н тахса концерт биэрбит, репертуара 100-н тахса ырыалаах.

Кини Г. Григорян, Г. Комраков, П. Иванова уонна да атын ааптардар ырыаларын бастакы толорооччу[3].

Наҕараадалара уонна ытык ааттара

  • Саха АССР үтүөлээх артыыһа (1965)
  • Саха АССР норуодунай артыыһа (1972)
  • П. А. Ойуунускай аатынан Саха Өрөспүүбүлүкэтин Государственнай бириэмийэтин лауреата (1998)
  • Мэҥэ-Хаҥалас улууһун ытык киһитэ[4] (1997)
  • Дьокуускай куорат ытык киһитэ (2003)[5] (2002)
  • Саха Өрөспүүбүлүкэтин ытык киһитэ (2012)[6]

Аатын үйэтитии

  • Мэҥэ-Хаҥалас улууһун Холгума нэһилиэгин Бырама сэлиэнньэтин Култуура дьиэтэ М. К. Попова — Эдьиий Марыына аатын сүгэр[7].

Быһаарыылар

  1. ↑ Марина Попова. Кино-Театр.Ру. Сигэнии күнэ: 15 Муус устар 2026.
  2. ↑ Ушла из жизни народная артистка Якутии Марина Попова. Сигэнии күнэ: 15 Муус устар 2026.
  3. ↑ Попова Марина Константиновна | «SakhaNews». Сигэнии күнэ: 15 Муус устар 2026.
  4. ↑ Официальный информационный портал Республики Саха (Якутия): Почетные граждане Мегино-Кангаласского улуса
  5. ↑ Официальный информационный портал Республики Саха (Якутия): Городской округ «Якутск»: Почетные граждане
  6. ↑ Официальный информационный портал Республики Саха (Якутия): Почетные граждане Республики Саха (Якутия)
  7. ↑ МБУК Дом культуры имени М.К. Поповой-Эдьиий Марыына МО Холгуминский Наслег (рус.). yandex.ru. Сигэнии күнэ: 15 Муус устар 2026.

Сигэлэр

Категориялар