Нуучча тылынанАнал бырайыактар
Тылы уларыт
УРУБИИКИ ТУҺУНАН

Улахан Тарыҥ

Улахан Тарыҥ (нууч. Большая Момская наледь)[1] — Арассыыйаҕа уонна аан дойдуга саамай улахан тарыҥ[2]. Саха сирин илин өттүгэр, Индигир өрүс уҥа салаатын Муома үрэх сүнньүгэр 26 км устатыгар тарҕанан сытар. Иэнэ 100 км² тахса, мууһун халыҥа 3-тэн 8 м диэри, уопсай сабардама 0,5 км³ кэриҥэ. Муома улууһун айылҕа пааркатын сиригэр-уотугар киирэр[3] Муома Силээннээх намталыгар сытар[1].

Туризм

Муома айылҕа пааркатыгар тиийэр уустуктардаах буолуон сөп.

Улахан Тарыҥтан ордук Хонуу сэлиэнньэттэн айанныыр табыгастаах, онно паарка дьаһалтатыттан көҥүл ылар булгуччулаах.

Хонууга Дьокуускайтан көтөр аалынан тиийиэхэ сөп. Салгыы Муома өрүһүнэн устар аалынан (катердарынан эбэтэр водометтарынан) айанныыллар. Муома өрүһүнэн устуу сүнньүнэн сайын саҕаланыытыгар (бэс ыйыгар), уу кэлэн турар кэмигэр кыаллар. Сайын ортотугар өрүс чычаас буолан, тарыҥҥа диэри тиийэр уустугурар. Уу таһыма тарыҥ төһө күүскэ уулларыттан тутулуктаах, суукка иһигэр 1-1,5 м диэри уларыйыан сөп. Онон өрүс да, күн-дьыл да туругун үчүгэйдик билэр сирдьиттэрдээх сылдьар булгуччулаах.

Туристар үксүн кытылтан тэйиччи, кураанах сири талан хонуу усулуобуйатыгар (балааккалаах лааҕырга) олохсуйаллар[4].

Быһаарыылар

  1. ↑ 1 2 Лист карты Q-55-XIX,XX. Масштаб: 1 : 200 000. Указать дату выпуска/состояния местности.
  2. ↑ Заторы. Зажоры. Наледи. geographyofrussia.com. Сигэнии күнэ: 15 Ахсынньы 2025. Архивировано 16 Кулун тутар 2022 года.
  3. ↑ Уникальный природный парк в Якутии – «Момский». web.archive.org. Сигэнии күнэ: 19 Ахсынньы 2025.
  4. ↑ Нацпарк Момская Наледь что посмотреть, взять с собой, советы(биллибэт). Туры России. Сигэнии күнэ: 14 От ыйын 2026.

Ссылки

Категориялар