Степанова Наталья Ивановна
Степанова Наталья Ивановна (1950 от ыйын 4, Дьокуускай) — П. А. Ойуунускай аатынан Саха академическай театрын артыыһа.
Олоҕун олуктара
- 1950 сыллаахха от ыйын 4 күнүгэр Дьокуускайга төрөөбүт.
- 1974 сыллаахха М. С. Щепкин аатынан Үрдүкү Москватааҕы театральнай училище саха студиятын театр уонна киинэ артыыһын идэтигэр үөрэнэн бүтэрбит.
- 1974—1975 сс. — Ньурба норуодунай тыйаатырын артыыһа.
- 1975 сылтан — П. А. Ойуунускай аатынан Саха академическай тыйаатыр артыыһа.
Айар үлэтэ
Тыйаатырга оонньуур сүрүн оруоллара
- Аксинья («Инньэ үүтүнэн», И. Гоголев)
- Арина Пантелеймоновна («Женитьба», Н. Гоголь)
- Байбарылаах Балбаара («Наара Суох», И. Гоголев)
- Алааппыйа («Куһаҕан тыын» Н. Неустроев)
- Сыкына («Күкүр Уус», Суорун Омоллоон)
- Далбардаах («Лоокуут уонна Ньургуһун», Т. Сметанин)
- Мадам Ортанс («Оркестр», Ж. Ануй)
- Елена («Татыйаас», М. Михайлова)
- Мотуруос («Аммаҕа саас этэ» В. Васильев — Харысхал)
- Жена Макара («Макаар түүлэ», В. Короленко айымньытынан)
Киинэҕэ оонньообут оруоллара
- «Компот», режиссер Д. Ермолаев;
- «Вертолёт», 2021, режиссер М. Лукачевский[1].
Наҕараадалара уонна ытык ааттара
- Саха Өрөспүүбүлүкэтин үтүөлээх артыыһа (2010).
Дьиэ кэргэнэ
- Кэргэнэ — Ефим Николаевич Степанов, Арассыыйа Федерациятын норуодунай артыыһа.