Нуучча тылынанАнал бырайыактар
Тылы уларыт
УРУБИИКИ ТУҺУНАН

Самсонов Владимир Парфеньевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Самсонов.

Самсонов Владимир Парфеньевич (1922 сыл тохсунньу 3 күнэ, Ньурба улууһа — 1989 сыл атырдьах ыйын 26 күнэ, Дьокуускай) — сэбиэскэй космофизик, Саха сиригэр дьүкээбил көстүүтүн чинчийбит учуонай, Аҕа дойду Улуу сэриитин кыттыылааҕа.

Олоҕун олуктара

1922 сыллаахха Ньурба улууһун Александровское сэл. учууталлар Парфений Никитич уонна Надежда Евменьевна Самсоновтар дьиэ кэргэннэригэр төрөөбүт.

Дьокуускай 9 №-дээх орто оскуолатын бүтэрэн баран, 1940 сыллаахха Кыһыл Аармыйа кэккэтигэр ыҥырыллыбыт. Забайкалье байыаннай уокуругар суолууспалаабыт. 1942 сыллаахха кууруска үөрэнэн атырдьах ыйыгар младшай лейтенант сыбаанньатын ылбыт уонна Волховскай фроҥҥа ыытыллыбыт. Миномет отделениетын хамаандалаабыт. Ленинград блокадатын устууга кыттыбыт, Новгороды, Наарваны уонна Эстонияны босхолоспут. Хорсун быһыытын иһин Кыһыл Сулус уордьанынан[1] уонна «Ленинград көмүскэлин иһин» мэтээлинэн наҕараадаламмыт[2][3].

Сэрии кэнниттэн СГУ физика-математика факультетын бүтэрбит.

1956 сыллаахтан космоһы чинчийии уонна аэрономия институтугар космос сардаҥаларын лабораториятыгар үлэлээбит. 1971 с. кандидат аатын көмүскээбит. 40-н тахса дьүкээбил уотун уонна магнитосфераны чинчийэр научнай үлэлэрин бэчээттэппит[4].

1989 сыл атырдьах ыйын 26 күнүгэр өлбүт.

Наҕараадалара

  • Аҕа дойду сэриитин I ст. уордьана (06.04.1985)[5];
  • Кыһыл Сулус уордьана (31.01.1944 )[1];
  • «Ленинград көмүскэлин иһин» мэтээл (22.12.1942);
  • «Үлэҕэ уһулуччутун иһин» мэтээл;
  • «Владимир Ильич Ленин төрөөбүтэ 100 сааһын бэлиэтээн» мэтээл;
  • «Үлэ бэтэрээнэ» мэтээл;
  • Бүтүн Сойуустааҕы норуодунай хаһаайыстыба быыстапкатын (ВДНХ) боруонса мэтээлэ[6].

Дьиэ кэргэнэ, аймахтара

Быһаарыылар

  1. ↑ 1 2 Наградные документы в электронном банке документов «Подвиг Народа»
  2. ↑ Самсонов Владимир (Парфентьевич) Парфеньевич. Сигэнии күнэ: 23 Муус устар 2026. Архивировано 16 Балаҕан ыйын 2021 года.
  3. ↑ administr. Самсонов Владимир Парфеньевич - Федеральное государственное бюджетное учреждение науки Федеральный исследовательский центр, Федеральное государственное бюджетное учреждение науки Федеральный исследовательский центр (14 Кулун тутар 2016). Сигэнии күнэ: 23 Муус устар 2026.
  4. ↑ Братья Самсоновы. Сигэнии күнэ: 23 Муус устар 2026. Архивировано 16 Балаҕан ыйын 2021 года.
  5. ↑ Карточка награждённого в электронном банке документов «Подвиг Народа»
  6. ↑ Самсонов Владимир Парфеньевич (23 Тохсунньу 2022). Сигэнии күнэ: 23 Муус устар 2026.
  7. ↑ Ушел из жизни Певец Победы Александр Самсонов (рус.). Сигэнии күнэ: 23 Муус устар 2026.
  8. ↑ Братья Самсоновы. Сигэнии күнэ: 23 Муус устар 2026. Архивировано 16 Балаҕан ыйын 2021 года.
  9. ↑ Владимир Самсонов: от минометного взвода до лаборатории полярных сияний — Yakutia-daily.ru, Yakutia-Daily.ru — свежие новости Якутии и Якутска – все важное и интересное (23 Тохсунньу 2022). Сигэнии күнэ: 23 Муус устар 2026.

Сигэлэр

Категориялар