Нуучча тылынанАнал бырайыактар
Тылы уларыт
УРУБИИКИ ТУҺУНАН

Ноговицын Дьулустан Петрович

Ноговицын Дьулустан Петрович, Дьулустаан Ноговицын (1990 сыл муус устар 11 күнэ, Одуну нэһилиэгэ, Саха АССР) — Арассыыйа спортсмена, мадьыны, мас тардыһыыга, становой тардыыга Арассыыйа спордун маастара, төрүт көрүҥнэргэ Саха Өрөспүүбүлүкэтин спордун маастара. Дыгын Оонньууларын кыайыылааҕа (2024), мас тардыһыытыгар Аан дойду икки төгүллээх кыайыылааҕа[1].

Олоҕун олуктара

1990 сыллаахха муус устар 11 күнүгэр Горнай улууһун Маҕарас нэһилиэгэр төрөөбүт[2].

2012 сыллаахха М. К. Аммосов аатынан Хотугулуу-Илиҥҥи федеральнай университет физическэй култуура уонна спорт институтун «Адаптивная двигательная рекреация» диэн хайысханан бүтэрбит[3].

2012—2013 сс. — Хабаровскай куоракка ГРУ туспа анал соруктаах биригээдэтигэр сулууспалаабыта. Старшай разведчик, бөлөх хамандыыра эбит[2].

2014 сылтан — Дьокуускай куораттааҕы МЧС 1-кы Баһаарынай-быыһыыр чааһын старшай баһаарынайа[2].

Спорт

ХИФУ-ка үөрэнэр кэмнэригэр бастаан Александр Александрович Захаровка уонна Михаил Ильич Борохиҥҥа дьарыктаммыт. Кэлин Иван Прокопьевич Белолюбскайга эрчиллибит[3].

Мас тардыһыы

2017 сыллаахха Арассыыйа чемпионатын боруонса призерэ уонна Аан дойду Кубогын бастакы түһүмэҕин кыайыылааҕа буолбут[4].

2018 сыллаахха Дьокуускайга ыытыллыбыт күрэхтэһиигэ Арассыыйа чемпиона, онтон Аан дойду чөмпүйүөнүн аатын ылбыт[4][1].

2023 сыллаахха Хиваҕа (нууч.) (сах. (Узбекистаан) ыытыллыбыт турнирга Аан дойду икки төгүллээх чөмпүйүөнэ буолбут. Ону тэҥэ Саха Өрөспүүбүлүкэтин үс төгүллээх чөмпүйүөнэ (2018, 2020, 2022)[3].

Саха төрүт көрүҥнэрэ

Дыгын Оонньууларын хас да төгүл кыттыылааҕа. 2017 сыллаахха 115 кг ыйааһыннаах тааһы 250 миэтэрэ ыраахха илдьэн, Дыгын Оонньууларын рекордун туруорбут[3], онтон ыла дьон кинини Таас Боотур диэн сүрэхтээбит[5]. 2021 уонна 2022 сыллардаах Дыгын Ооньууларыгар иккис миэстэ буолбут[3].

Ордук ситиһиилээх кыттыыта — 2024 сыллаахха, онно кини Дыгын Оонньууларын муҥутуур кыайыылааҕа буолбут[1]. Бу сыл саҥа рекорду олохтообут - 131 кг ыйааһыннаах тааһы 150 миэтэрэ ыраах көтөҕөн илдьибит[6].

Наҕараадалара уонна ытык ааттара

  • Мас тардыһыыга Арассыыйа спордун маастара (2020);
  • Экипировката суох становой тардыыга (WPC) Арассыыйа спордун маастара;
  • Төрүт көрүҥнэргэ Саха Өрөспүүбүлүкэтин спордун маастара;
  • Мас тардыһыыга Аан дойду чөмпүйүөнэ (2018, 2023);
  • Мас тардыһыыга Арассыыйа чөмпүйүөнэ (2018);
  • Дыгын Оонньууларын кыайыылааҕа (2024);
  • Төрүт көрүҥнэргэ Чөмпүйүөн Кубогын кыайыылааҕа (2019, 2024)[3];
  • Горнай улууһун ытык олохтооҕо (2025).

Тус олоҕо

Кэргэнэ — Виолетта Ноговицына, С. А. Зверев — Кыыл Уола аатынан үҥкүү тыйаатырын артыыската. Үс оҕолоохтор[7].

Быһаарыылар

  1. ↑ 1 2 3 Дьулустан Ноговицын — победитель Игр Дыгына 2024 (рус.). sportyakutia.ru (23 Бэс ыйын 2024). Сигэнии күнэ: 2 Кулун тутар 2026.
  2. ↑ 1 2 3 Ровесники МЧС. Дьулустан Ноговицын: работа пожарного – непростой и благородный труд (рус.). Официальный портал МЧС России по РС (Я) (11 Муус устар 2020). Сигэнии күнэ: 1 Кулун тутар 2026.
  3. ↑ 1 2 3 4 5 6 Ноговицын Дьулустан Петрович — мас-рестлинг. (рус.). Коротов. Сигэнии күнэ: 2 Кулун тутар 2026.
  4. ↑ 1 2 Ноговицын Дьулустан (рус.). mas-wrestling.ru/. Сигэнии күнэ: 2 Кулун тутар 2026.
  5. ↑ Абсолютным чемпионом «Игр Дыгына-2024» стал «Таас Боотур» Дьулустан Ноговицын | Якутия24(биллибэт). yk24.ru. Сигэнии күнэ: 1 Кулун тутар 2026.
  6. ↑ Дьулустан Ноговицын – победитель «Игр Дыгына - 2024» (рус.). Эхо столицы (25 Бэс ыйын 2017). Сигэнии күнэ: 2 Кулун тутар 2026.
  7. ↑ Любовь, семья и верность: Топ-10 известных супружеских пар Якутии | Якутия24(биллибэт). yk24.ru. Сигэнии күнэ: 2 Кулун тутар 2026.

Категориялар