Николаева Мария Егоровна
Николаева Мария Егоровна (төр. 1943 сыл олунньу 18 күнэ, Үөһээ Бүлүү улууһа, Саха АССР) — П. А. Ойуунускай аатынан Саха академическай театрын артыыһа, театр уонна киинэ артыыһа.
Олоҕун олуктара
Мария Николаева 1943 сыллаахха олунньу 18 күнүгэр Үөһээ Бүлүү оройуонун Үөһээ Бүлүү с. төрөөбүт.
1966 сыллаахха М. С. Щепкин аатынан Үрдүкү Москватааҕы театральнай училище саха студиятын бүтэрбит.
1966—1972 сс. — Ньурба норуодунай тыйаатырын артыыһа.
1972 сылтан П. А. Ойуунускай аатынан Саха академическай тыйаатыр артыыһа.
Дьиэ кэргэнэ
Аҕата — Егор Николаев, Аҕа дойду Улуу сэриитин кыттыылааҕа. Ильмень кыргыһыытыгар бааһырбыт.
Айар үлэтэ
Тыйаатырга оонньуур сүрүн оруоллара
- Еремеевна («Недоросль», Д. Фонвизин)
- Тыаһааны («Дыгын Дархан», И. Гоголев)
- Сыкына («Күкүр Уус», Суорун Омоллоон)
- Анна Егоровна («Тонем», С. Ермолаев)
- Мать («Оһуордаах ураһа», Сиэн Чолбодук)
- Марыына («Куһаҕан тыын», Н. Неустроев)
- Нанди («Көҥүл итии күнэ», Суорун Омоллоон)
- Пруденсия («Деревья умирают стоя», А. Касон)
- Матайар («Оҕустар забастовкалара» Д. Наумов)
Тыйаатыр туруоруулара
- «Ньургуһун иккистээн тылыннар» (Ф. Буляков)
- «Сайсары күөлгэ түбэлтэ» (Е. Неймохов)
Киинэҕэ оонньообут оруоллара
- «Утро долгого дня» (1968, Рига киностудията)
Наҕараадалара уонна ытык ааттара
- ЫБСЛКС КК Ытык грамотата (1968)
- Саха Өрөспүүбүлүкэтин үтүөлээх артыыһа (1993)
Култуураҕа
Худуоһунньук Афанасий Мунхалов «Друзья» диэр хаартынатыгар Мария Николаева ойууламмыт[1].