Нуучча тылынанАнал бырайыактар
Тылы уларыт
УРУБИИКИ ТУҺУНАН

Мөкүрдээнэп Лаврентий Иннокентьевич

Лаврентий Иннокентьевич Мөкүрдээнэп (1927 сыл атырдьах ыйын 10 күнэ, Баягантайский наслег[d], Саха АССР — 1997 сыл муус устар 23 күнэ, Дьокуускай) — сэбиэскэй үҥкүүһүт, П. А. Ойуунускай аатынан Саха академическай тыйаатырын солиһа. Саха АССР норуодунай артыыһа (1970).

Олоҕун олуктара

  • 1927 сыл атырдьах ыйын 10 күнүгэр Томпо улууһун III Байаҕантай нэһилиэк Кириэс Халдьаайы сэлиэнньэ аттынааҕы Арыы Толоон учаастакка төрөөбүтэ.
  • 1944 с. — Кириэс Халдьаайы сэттэ кылаастаах оскуолатын бүтэрбитэ.
  • 1944—1948 сс. — Дьокуускайдааҕы тыйаатыр устуудьуйаҕа үөрэнэр уонна үлэлиир (педагог И. А. Каренин).
  • 1948—1971 сс. — Ойуунускай аатынан музыка уонна драма тыйаатырыгар үлэлиир.
  • 1972 сылтан сүрүннүүр методист-хореограф
  • 1997 сыллаахха муус устар 23 күнүгэр өлбүтэ.

Айар үлэтэ

П. А. Ойуунускай аатынан Саха тыйаатырын балет труппатын састаабыгар Чита уобалаһыгар уонна Агинскай Бүрээт уокуругар гастролларга кыттыбыта. 1968 сыллаахха Тываҕа саха литературатын уонна ускуустубатын киэһэлэригэр кыттыбыта. 1971 сыллаахха Магадан уобалаһыгар култуура уонна ускуустуба күннэригэр солист быһыытынан кыттыбыта.

Сыл аайы ыытыллар «Саха сирэ үҥкүүлүүр» өрөспүүбүлүкэтээҕи үҥкүү күрэҕин көҕүлээччилэриттэн уонна тэрийээччилэриттэн биирдэстэрэ этэ (аан бастаан 1982 сыллаахха ыытыллыбыта). 1982 сыллаахха Москубаҕа уонна Башкирияҕа саха литературатын уонна ускуустубатын киэһэлэригэр уус-уран самодеятельность нүөмэрдэрин сүүмэрдээһини ыыппыта. Үҥкүү саҥа маастардарын көрдүүргэ Саха сирин улуустарыгар элбэхтик сылдьыбыта[1][2][3].

Толорбут партиялара

  • Бэргэн («Хонуу сибэккитэ», Жирков уонна Литинскай)
  • Зигфрид («Лебединое озеро», Чайковскай)
  • Чупчуруйдан («Чурумчуку», Батуев)
  • Вожак («Барышня и хулиган»)
  • Ходор («Алый платочек», Литинскай)
  • Сүллүгэс Бөҕө («Күн Куо», Кац)
  • Кырдьаҕас Гриф («Хотойдор хоту көтөллөр», Комраков)

Наҕараадалара уонна ытык ааттара

  • «Килбиэннээх үлэ иһин» мэтээл (1958);
  • Саха АССР үтүөлээх артыыһа (1962);
  • Саха АССР норуодунай артыыһа (1970);
  • «Владимир Ильич Ленин төрөөбүтэ 100 сылын көрсө килибиэннээх үлэ иһин» мэтээл (1970);
  • Саха АССР Үрдүкү Сэбиэтин Президиумун бочуотунай грамотата.

Дьиэ кэргэнэ, аймахтара

  • Кэргэнэ — Иванова Александра Дмитриевна, Саха тыйаатырын биллиилээх артыыһа.
  • Кыыһа — М. Л. Мекюрдянова (Габышева), балет артыыһа, Дьокуускайдааҕы хореография оскуолатын преподавателэ.

Аатын үйэтитии

  • 2000 сыллаахха аата Кириэс Халдьаайытааҕы музыка оскуолатыгар иҥэриллибитэ;
  • 2020 сыллаахха Дьокуускайга уонна Таатта улууһугар Иннокентий Христофоров төрөөбүтэ 100 сылыгар аналлаах ахтыы тэрээһиннэр буолан ааспыттара:
    • СӨ Опера уонна балет судаарыстыбаннай тыйаатыра үҥкүүһүт уонна балетмейстер кэриэһигэр икки балет-испэктээги анаабыта: «Корсар» уонна «Чурумчуку».
    • Саха Өрөспүүбүлүкэтин Национальнай бибилэтиэкэтигэр «Иннокентий Христофоров: Первый классический танцовщик, педагог, балетмейстер» диэн кинигэ сүрэхтэммитэ[4].

Сигэлэр

  1. ↑ Лаврентий Мекюрдянов (рус.). lavmuz.narod.ru. Сигэнии күнэ: 31 От ыйын 2026. Архивировано 2 Балаҕан ыйын 2021 года.
  2. ↑ Первый день республиканского хореографического конкурса «Танцует Якутия» (рус.). rdnt-ykt.ru (26 Кулун тутар 2025). Сигэнии күнэ: 31 От ыйын 2026.
  3. ↑ Мекюрдянов в энциклопедии балета (рус.). ballet-enc.ru. Сигэнии күнэ: 31 От ыйын 2026. Архивировано 2 Балаҕан ыйын 2021 года.
  4. ↑ В Якутии отметили 100-летие первого хореографа республики Иннокентия Христофорова — ЯСИА, Новости Якутии и Якутска — свежие новости онлайн на сайте ysia.ru — ЯСИА (4 Олунньу 2020). Сигэнии күнэ: 1 Балаҕан ыйын 2026.

Категориялар