Иванова Александра Дмитриевна
Александра Дмитриевна Иванова (1927, Дьокуускай — 2004) — сэбиэскэй тыйаатыр артыыһа. Саха АССР норуодунай артыыһа, РСФСР үтүөлээх артыыһа.
Олоҕун олуктара
1927 сыллаахха Дьокуускайга төрөөбүтэ.
1944 сылтан П. А. Ойуунускай аатынан Саха тыйаатырын артыыһынан үлэлээбитэ.
1955 сыллаахха М. С. Щепкин аатынан Тыйаатыр үрдүкү училищетын саха устуудьуйатын бүтэрбитэ. Вера Николаевна Пашенная кууруһугар үөрэммитэ.
2004 сыллаахха өлбүтэ[1].
Айар үлэтэ
Тыйаатыр сыанатыгар 110-тан тахса оруолу оонньообута.
Тыйаатырга сүрүн оруоллара
- Толганай («Материнское поле», Чингиз Айтматов, Федот Потапов туруоруута);
- Танкабике («Ночь лунного затмения», Мустай Карим, Федот Потапов туруоруута)
- Үрүн Чөмчүүк («Кыталыктар кырдаллара», Иван Гоголев, Федот Потапов туруоруута);
- Фекла Ивановна («Женитьба», Н. В. Гоголь, Андрей Борисов туруоруута).
Киинэҕэ үлэтэ
- «Орто дойду» (реж. Алексей Романов, 1993)[2].
Дьиэ кэргэнэ, аймахтара
- Кэргэнэ — Мекюрдянов Лаврентий Иннокентьевич (10.08.1927—23.04.1997), балет артыыһа, Саха АССР норуодунай артыыһа.
- Кыыһа — М. Л. Мекюрдянова (Габышева), балет артыыһа, Дьокуускайдааҕы хореография оскуолатын преподавателэ.
Наҕараадалара уонна ытык ааттара
- Саха АССР норуодунай артыыһа;
- РСФСР үтүөлээх артыыһа.[1].
Быһаарыылар
Сигэлэр
- Александра Дмитриевна Иванова // Арассыыйа уонна нуучча атын дойдуларын тыйаатырдарын архыыптара.
- Александра Иванова (IV) — актриса: биография // Кино-Театр. Ру.