Нуучча тылынанАнал бырайыактар
Тылы уларыт
УРУБИИКИ ТУҺУНАН

Колесов Гаврил Гаврильевич

УРУБИИКИ иһигэр маннык араспаанньалаах дьон туһунан ыстатыйалар бааллар, көр Колесов.

Га́врил Гаври́льевич Ко́лесов (1979 сыл балаҕан ыйын 7 күнэ, Одьулуун[d], Саха АССР) — саха дуобатчыта, норуоттар ыккардыларынааҕы кылаастаах гроссмейстер, нуучча уонна Бразилия дуобатыгар Арассыыйа уонна Аан дойду хас да төгүллээх кыайыылааҕа[1].

Олоҕун олуктара

1979 сыллаахха балаҕан ыйын 7 күнүгэр Чурапчы улууһун Одьулуун нэһилиэгэр төрөөбүт.

Дуобатынан 5 сааһыттан дьарыктаммыт. Биирдэ дойдуларыгар ыытыллыбыт дуобат сеансыгар соҕурууттан кэлэ сылдьар маастар Андрей Филины хотон кэбиспит. Итинтэн сиэттэрэн төрөппүттэрэ уолларын Ытык Күөлгэ ыытаннар, Гаврил Колесов аймахтарыгар олорон Кычкин Николай Николаевичка, Куприянов Василий Васильевичка дьарыктаммыт. 1995 сыллаахха Коркин Д. П. аатынан успуорт оскуолатын бүтэрбит.

1996 сыллаахха Аан дойду чемпионунан буолбута уонна сахалартан бастакынан аан дойдутааҕы таһымнаах гроссмейстер аатын ылбыта. 2001 сыллаахха Саха судаарыстыбыннай университетын социальнай педагог идэлээх бүтэрбитэ.

Аан дойду 7 төгүллээх чемпиона (1996, 1997, 2000, 2002, 2004, 2006, 2012). Арассыыйа хас да төгүллээх чемпиона. Тренерэ — гроссмейстер Александр Азаров[1].

Кэргэнэ Колесова Екатериналыын икки кыыс оҕолоохтор.

2025 түмүгүнэн Арассыыйа бастыҥ дуобатчыттарын иһигэр 5 миэстэҕэ сылдьар[2].

Спорка ситиһиилэрэ

Аан дойду үрдүнэн:

  • Кыһыл көмүс, Самарканд 1996, Нуучча дуобата;
  • Кыһыл көмүс, Минскай 1997, Нуучча дуобата (матч);
  • Кыһыл көмүс, Одесса 2000, Нуучча дуобата;
  • Кыһыл көмүс, Сан-Паулу 2002, Бразилия дуобата;
  • Кыһыл көмүс, Сан-Паулу 2002, Бразилия дуобата (блиц);
  • Кыһыл көмүс, Мирнэй 2004, Нуучча дуобата (матч);
  • Кыһыл көмүс, Дьокуускай 2006, Нуучча дуобата(матч);
  • Кыһыл көмүс, Ресифе 2008, Бразилия дуобата (блиц);
  • Кыһыл көмүс, Челябинскай 2009, Нуучча дуобата(блиц);
  • Кыһыл көмүс, Лилль 2012, Бразилия дуобата;
  • Үрүҥ көмүс, Одесса 1998, Нуучча дуобата (блиц);
  • Үрүҥ көмүс, Одесса 2000, Нуучча дуобата (блиц);
  • Үрүҥ көмүс, Симферополь 2003, Нуучча дуобата;
  • Үрүҥ көмүс, Симферополь 2003, Нуучча дуобата (блиц);
  • Үрүҥ көмүс, Санкт-Петербург 2013, Нуучча дуобата;
  • Боруонса, Лилль 2012, Бразилия дуобата (блиц);
  • Боруонса, Санкт-Петербург 2013, Нуучча дуобата (түргэн дуобат);
  • Боруонса, Санкт-Петербург 2013, Нуучча дуобата (блиц);
  • Кыһыл көмүс, Санкт-Петербург 2014, Нуучча дуобата;
  • Кыһыл көмүс, Санкт-Петербург 2017, Нуучча дуобата;

Европа Чемпионаттара:

  • Кыһыл көмүс, Солнечный берег 2010, Нуучча дуобата (блиц);
  • Үрүҥ көмүс, Днепропетровск 2007, Нуучча дуобата;
  • Үрүҥ көмүс, Эстония 2014, Нуучча дуобата;
  • Боруонса, Грузия 2016, Нуучча дуобата[1].

Наҕараадалара

  • Арассыыйа успуордун маастара (1993);
  • Арассыыйа гроссмейстера (1999);
  • Аан дойдутааҕы гроссмейстер (1996);
  • Д. П. Коркин аатынан бириэмийэ лауреата (1994);
  • С. А. Новгородов аатынан бириэмийэ лауреата;
  • «Барҕарыы» Национальнай пуонда стипендиата;
  • Саха сиригэр сыл бастыҥ спортсмена (1992, 1993, 1996, 1997, 2000, 2002, 2003, 2004);
  • СӨ физическэй култуураҕа уонна успуорка үтүөлээх үлэһитэ (2000)[1];
  • Чурапчы улууһун бочуоттаах олохтооҕо (2002)[3].

Быһаарыылар

  1. ↑ 1 2 3 4 Гаврил Колесов. Международный гроссмейстер (шашки) (рус.). Сигэнии күнэ: 4 Тохсунньу 2026.
  2. ↑ Республика Саха возглавила российский рейтинг (рус.). Сигэнии күнэ: 4 Тохсунньу 2026.
  3. ↑ Известные люди. Официальный информационный портал Республики Саха (Якутия) (рус.). web.archive.org. Сигэнии күнэ: 4 Тохсунньу 2026.

Категориялар