Ефимов Виктор Петрович

Ефимов 1956 сыл тохсунньу 18 күнүгэр Саха АССР Абый улууһун Дружина бөһүөлэгэр элбэх оҕолоох ыалга төрөөбүтэ^[1].

Үлэтин 1973 сыллаахха «Абыйский» совхозка рабочайынан саҕалаабыта. 1980 сыллаахха Саха судаарыстыбаннай үнүбэрсиэт инженернэй-технологическай факультетын бүтэрэн баран, Саха ВЛКСМ обкуомун инструкторынан анаабыттар. Сыл буолан баран, Абый ВЛКСМ райкомун иккис онтон бастакы сэкирэтээрэ буолар^[2].

1991—1997 сылларга Саха Өрөспүүбүлүкэтин хотугу аҕыйах ахсааннаах омуктар дьыалаларын миниистэрин солбуйааччыта уонна «Индигирка» диэн Экономическай сайдыы зонатын исполнительнай дирекциятын генеральнай дириэктэрэ этэ^[2].

1997 сыллаахха Арассыыйа Федерациятын президенын Арассыыйа судаарыстыбыннай сулууспатын академиятын ситиһиилээхтик бүтэрэр уонна Саха Өрөспүүбүлүкэтин экономика Министиэристибэтин инвестиционнай бэлиитикэ Департаменыгар дириэктэр быһыытынан туруоруллар^[2].

1998—2003 сылларга экономика уонна прогнозтааһын миниистэрин солбуйааччыта, бастакы солбуйааччыта быһыытынан үлэлээбитэ, Саха Өрөспүүбүлүкэтин баай дьыалалар миниистэрин бастакы солбуйааччыта быһыытынан үлэлээбитэ. 2004 сыл олунньутугар Саха Өрөспүүбүлүкэтин экономическай сайдыы миниистэрэ буолбута^[2].

2007—2011 сылларга Саха Өрөспүүбүлүкэтин баай дьыалалар миниистэрэ. 2011 сыллаахха СӨ Бырабыытылыстыбатын уонна Президен администрациятын салайааччыта буолар. 2012 сыллаахха ОАО «Республиканская инвестиционная компания» өрөспүүбүлүкэ стратегическай тэрилтэтин салайар^[2].

2013 сыл от ый 2 күнүгэр вертолет саахалыгар өлбүтэ^[3][2].

• Нүөрүҥгүрү улууһун ытык олохтооҕо (2010)^[1];
• Абый улууһун ытык олохтооҕо^[2];
• Саха Өрөспүүбүлүкэтин норуот хаһаайыстыбатын үтүөлээх үлэһитэ^[2].

• 2013 сыллаахха ахсынньы 25 күнүгэр Дьокуускай куорат думатын РЯГД-5-12 ыйааҕынан Дьокуускай куорат 203 микрорайон уулуссата Ефимов Виктор Петрович аатынан ааттаммыта^[3].