Нуучча тылынанАнал бырайыактар
Тылы уларыт
УРУБИИКИ ТУҺУНАН

Дьокуускайдааҕы дойдулар ыккардыларынааҕы киинэ бэстибээлэ

Дьокуускайдааҕы дойдулар ыккардыларынааҕы киинэ бэстибээл (нууч. Якутский международный кинофестиваль; ЯМКФ) — 2013 сылтан Дьокуускайга ыытыллар дойдулар ыккардыларынааҕы киинэ бэстибээлэ.

Бэстибээл бырагырааммата

ДьДЫКБ бырагырааматыгар уус-уран киинэлэр норуоттар ыккардыларынааҕы сүрүн күрэстэрэ, норуоттар ыккардыларынааҕы документальнай киинэлэр (нууч.) (сах. күрэстэрэ, күрэһэ суох уонна анал көрдөрүүлэр, ааптардар уонна ыалдьыттар көрөөччүлэри кытта көрсүһүүлэрэ уонна да атын бырагыраамалар киирэллэр.

Бэстибээл бырагыраамматыгар киирэр[1]:

  • Сүрүн күрэс (игровой полнометражнай);
  • Документальнай киинэ күрэһэ (IV, V уонна VI бэстибээллэр);
  • Көрөөччү бириэмийэтигэр саха киинэлэр ыккардыларыгар күрэс (II киинэ бэстибээлигэр баар буолбута);
  • Күрэһэ суох уонна анал көрдүүлэр (игровой, документальнай, анимационнай киинэ);
  • Мастер-кылаастар;
  • Пресс-конференциялар;
  • Төгүрүк остуоллар;
  • Ыалдьыттар уонна ааптардар көрөөччүлэри кытта көрсүһүүлэрэ.

Соруга

ДьДЫКБ аан дойду араас муннуктарыттан киинэ устар дьон айар бииргэ үлэлээһиннэрин уонна опыт атастаһыытын сыалынан ыытыллар.

Тэрийээччилэр

Киинэ бэстибээлин тэрийээччилэринэн Герасимов аатынан Бүтүн Арассыыйатааҕы кинематография судаарыстыбаннай университетын (ВГИК), Арктикатааҕы култуура уонна ускуустуба судаарыстыбаннай институтун, Саха Өрөспүүбүлүкэтин геокультурнай сайдыытын институтун өйөбүллэринэн Саха Өрөспүүбүлүкэтин култуураҕа уонна духуобунай сайдыыга министиэристибэтэ, «Сахафильм» судаарыстыбаннай национальнай киинэ хампаанньата буолаллар[2].

Бэстибээллэр испииһэктэрэ

Дьокуускайдааҕы норуоттар ыккардыларынааҕы киинэ бэстибээлин олохтонуутун «Кино Арктики» бэстибээли (2011) кытта ситимнииллэр[3].

I Дьокуускайдааҕы дойдулар ыккардыларынааҕы киинэ бэстибээлэ

2013 атырдьах ыйын 22-25 күннэригэр Дьокуускайга I-кы норуоттар ыккардыларынааҕы киинэ бэстибээлэ буолан ааспыта[3]. Тэрээһин РФ Култуураҕа министиэристибэтин уонна Арассыыйа кинематографистарын сойууһун өйөбүллэринэн ыытыллыбыта. Бэстибээлгэ СӨ бастакы бэрэсидьиэнэ Михаил Ефимович Николаев баара[4].

II Дьокуускайдааҕы дойдулар ыккардыларынааҕы киинэ бэстибээлэ

Бэстибээл 2014 сыл атырдьах ыйын 20 күнүттэн 24 күнүгэр диэри ааспыта[3].

III Дьокуускайдааҕы дойдулар ыккардыларынааҕы киинэ бэстибээлэ

Тэрээһин 2015 сыл балаҕан ыйын 1 күнүттэн 5 күнүгэр диэри буолбута[3].

IV Дьокуускайдааҕы дойдулар ыккардыларынааҕы киинэ бэстибээлэ

Киинэ бэстибээлэ 2016 сыл атырдьах ыйын 17-21 күннэригэр ыытыллыбыта[3], уопсайа 10 дойдуттан 60 киинэ көрдөрүллүбүтэ, ол иһигэр Франция, Бельгия, Финляндия, Колумбия, Монголия, Соҕуруу Кэриэйэ, Кыргыстаан, Казахстаан уонна Арассыыйа. Документальнай киинэлэр аан бастаан киинэ бэстибээлин куонкурус бырагырааматыгар туспа хайысханан киирбиттэрэ. Сүрүн куонкуруска дьүүллүүр сүбэ бэрэссэдээтэлинэн кэриэй режиссера уонна сценариһа Пэ Чхан Хо буолбута. Бэстибээл бэрэсидьиэнэ «Ленфильм» киинэ устуудьуйа генеральнай дириэктэрэ Эдуард Пичугин этэ[5].

V Дьокуускайдааҕы дойдулар ыккардыларынааҕы киинэ бэстибээлэ

Киинэ бэстибээлэ 2017 сыл балаҕан ыйын 6 күнүттэн 10 күнүгэр диэри ыытыллыбыта, икки куонкурус — сүрүн куонкурус уонна документальнай киинэ куонкуруһа көрдөрүллүбүтэ[6].

VI Дьокуускайдааҕы дойдулар ыккардыларынааҕы киинэ бэстибээлэ

Киинэ бэстибээлэ үс төгүл көһөрүллүбүтэ. Өрөспүүбүлүкэ бүддьүөтүттэн улахан халаан содулун суох оҥорорго үбү-харчыны хаттаан үллэрии түмүгэр, 2018 сыл балаҕан ыйыгар үбүлээһин тиийбэккэ тохтотуллубута[7]. 2019 сыл кулун тутарыгар бэстибээл эмиэ ыытыллыбатаҕа[8]. 2020 сыл кулун тутар 18 күнүттэн 22 күнүгэр диэри Дьокуускайга ыытыллыахтаах киинэ бэстибээлэ COVID-19 коронавирус тарҕаныытын кутталыттан сылтаан ааспатаҕа. Күрэхтэһэр киинэлэри дьүүллүүр сүбэ чилиэннэрэ куйаар-ситим нөҥүө көрбүттэрэ, түмүктэрэ ситим-сиргэ таҕыспыттара[9].

VII Дьокуускайдааҕы дойдулар ыккардыларынааҕы киинэ бэстибээлэ

Киинэ бэстибээлэ 2024 сыл бэс ыйын 28 күнүттэн от ыйын 3 күнүгэр диэри Дьокуускайга «Желанный берег» («Киинэ ускуустубата») Арктическай ускуустуюа пуорумун чэрчитинэн ыытыллыбыта[3]. Сүрүн бырагыраама таһынан устудьуоннар үлэлэрин күрэһэ ыытыллыбыта. Устудьуоннар үлэлэрин күрэстэрин тэрийии уонна ыытыы дистанционнай ньыманан аспыыта. «Устудьуон бастыҥ үлэтэ» номинация Үрүҥ көмүс хаар ачыкытын кытта туспа олохтоммута.

VII Дьокуускайдааҕы дойдулар ыккардыларынааҕы киинэ бэстибээлгэ Ил Дархан Айсен Николаев кэргэнин Людмиланы кытта

VIII Дьокуускайдааҕы дойдулар ыккардыларынааҕы киинэ бэстибээлэ

Киинэ бэстибээлэ 2025 сыл от ый 4 күнүттэн 8 күнүгэр диэри ыытыллыбыта. П. А. Ойуунускай аатынан Саха академическай тыйаатырыгар кыһыл көбүөрдээх үөрүүлээх аһыллыы ааспыта. Сүрүн бириис иһин Арассыыйа, Ираан, Непал, Индонезия, Франция, АХШ, Италия уонна Бразилия уонча киинэлэрэ кыттыбыттара[10]. Бу бэстибээл тиэмэтинэн киһи уонна айылҕа сыһыана буолбута[11].

Бириистэр уонна наҕараадалар

Дьокуускайдааҕы дойдулар ыккардыларынааҕы киинэ бэстибээлин эмблемата уонна сүрүн бирииһэ — хаар ачыкылара (нууч.) (сах. — кыһыл уонна үрүҥ көмүстэн оҥоһуллубут икки ураты оҥоһуктар. Ачыкы оҥоһуллуулара Улахан Араҥас сулустар бөлөхтөрүн формалаах цирконийдар (нууч.) (сах. уонна Хотугу сулуһу бэлиэтиир бриллиан киирэллэр.

Хаар ачыкыта — Дьокуускайдааҕы дойдулар ыккардыларынааҕы киинэ бэстибээлин эмблемата уонна сүрүн бирииһэ

Сүрүн күрэс

Дьүүллүүр сүбэ «Кыһыл көмүс хаар ачыкытын» биэрэр:

  • бастыҥ киинэҕэ;
  • режиссер бастыҥ үлэтигэр.

Дьүүллүүр сүбэ «Үрүҥ көмүс хаар ачыкытын» биэрэр:

  • икки анал дьүүллүүр сүбэ бирииһэ (ааттары дьүүллүүр сүбэ сыл аайы быһаарар).

Документальнай киинэ күрэһэ

Дьүүллүүр сүбэ «Кыһыл көмүс хаар ачыкытын» биэрэр:

  • бастыҥ киинэҕэ;
  • режиссер бастыҥ үлэтигэр.

Дьүүллүүр сүбэ «Үрүҥ көмүс хаар ачыкытын» биэрэр:

  • икки анал дьүүллүүр сүбэ бирииһэ (ааттары дьүүллүүр сүбэ сыл аайы быһаарар).

Көрөөччү бириэмийэтигэр саха киинэлэр ыккардыларыгар күрэс

Дьүүллүүр сүбэ «Кыһыл көмүс хаар ачыкытын» биэрэр:

  • «Бастыҥ саха киинэҕэ».

Дьүүллүүр сүбэ «Үрүҥ көмүс хаар ачыкытын» биэрэр:

  • «Саха киинэтин бастыҥ дьахтар оруола»;
  • «Саха киинэтин бастыҥ эр киһи оруола».

Ааттаах уонна анал бириистэр

  • Саха Өрөспүүбүлүкэтин «Кинематографистар сойуустарын» Салайыыта Иннокентий Аммосов аатынан анал бирииһи туттарар. «Үрүҥ көмүс хаар ачыкыта» оператор бастыҥ үлэтин иһин биэриллэр.
  • ДьДЫКБ-ҕа өссө судаарыстыбаннай, уопсастыбаннай уонна атын тэрилтэлэртэн бириистэри туттараллар.

Лауреаттар наҕараадалааһыннарга бэйэлэрэ кыттыылара күүтүллэр.

Кыайыылаахтар

Сүрүн ыстатыйа: Дьокуускайдааҕы дойдулар ыккардыларынааҕы киинэ бэстибээлин кыайыылаахтара

VIII Дьокуускайдааҕы дойдулар ыккардыларынааҕы киинэ бэстибээлигэр (2025) сүрүн бириэмийэни режиссер Василий Слепцов «Сибэкки биэрээри» диэн саха киинэҕэ туттарбыттара[12].

Бастыҥ артыыстарынан Артур Эш (эр киһи оруола, «Эндж» киинэ, Франция) уонна Молли Белл Райт (дьахтар оруола, «Омаха, АХШ») буолбуттара[12].

Галерея

VII Дьокуускайдааҕы норуоттар ыккардыларынааҕы киинэ бэстибээлигэр Саха тыйаатырыгар Ил Дархан Айсен Николаев этиитэ. 2024, Дьокуускай
VIII Дьокуускайдааҕы норуоттар ыккардыларынааҕы киинэ бэстибээлин постера
VIII Дьокуускайдааҕы норуоттар ыккардыларынааҕы киинэ бэстибээлин кыттааччылара уонна ыалдьыттара Айсен Николаевы кытта

Быһаарыылар

  1. ↑ Регламент VI Якутского международного кинофестиваля 18-22 марта 2020. Якутский международный кинофестиваль. Сигэнии күнэ: 1 Олунньу 2020. Архивировано 4 Олунньу 2020 года.
  2. ↑ В Якутии стартовал Международный кинофестиваль этнического кино. https://minkult.old.sakha.gov.ru. Министерство культуры и духовного развития Республики Саха (Якутия) (28 Бэс ыйын 2024). Сигэнии күнэ: 15 От ыйын 2025.
  3. ↑ 1 2 3 4 5 6 Якутский международный кинофестиваль. https://filmfestykt.ru. Сигэнии күнэ: 11 От ыйын 2025.
  4. ↑ "Кэскил 3. Наследство": Зрители посмотрели премьеру фильма вместе с Президентом республики, поедая горячие оладьи (22 Атырдьах ыйын 2013). Сигэнии күнэ: 15 От ыйын 2025.
  5. ↑ Жюри IV Якутского международного кинофестиваля возглавит кореец Пэ Чхан Хо. https://archive.ysia.ru. ЯСИА (5 Атырдьах ыйын 2016). Сигэнии күнэ: 11 От ыйын 2025.
  6. ↑ Осень начинается с кино: В сентябре стартует Якутский международный кинофестиваль. YSIA.RU (29 Атырдьах ыйын 2017). Сигэнии күнэ: 1 Олунньу 2020. Архивировано 1 Олунньу 2020 года.
  7. ↑ Якутский международный кинофестиваль переносится на март из-за паводка. https://yakutia.info/ (6 Бэс ыйын 2018). Сигэнии күнэ: 15 От ыйын 2025.
  8. ↑ Якутский международный кинофестиваль состоится в марте 2019 года. https://ysia.ru. ЯСИА (15 От ыйын 2018). Сигэнии күнэ: 15 От ыйын 2025.
  9. ↑ Санаайа Иванова. Якутский кинофестиваль определил своих победителей. https://ysia.ru. ЯСИА (13 Муус устар 2020). Сигэнии күнэ: 15 От ыйын 2025.
  10. ↑ Именитый режиссер Иван Соснин выразил желание работать с кинематографистами Якутии. https://ysia.ru. ЯСИА (8 От ыйын 2025). Сигэнии күнэ: 11 От ыйын 2025.
  11. ↑ Фильм "Подари мне цветы" открыл VIII Якутский международный кинофестиваль. https://tass.ru. ТАСС (4 От ыйын 2025). Сигэнии күнэ: 11 От ыйын 2025.
  12. ↑ 1 2 Объявили лауреатов VIII Якутского международного кинофестиваля. https://ysia.ru. ЯСИА (9 От ыйын 2025). Сигэнии күнэ: 11 От ыйын 2025.

Сигэлэр

Эбии бу тиэмэҕэ

Категориялар