Докалова Надежда Петровна
Докалова Надежда Петровна (1957 сыл ахсынньы 16 күнэ, Өлөөн, Саха АССР — 2010 сыл бэс ыйын 2 күнэ) — хотугу норуоттар ырыаларын айааччы уонна ырыаһыт.
Олоҕун олуктара
Надежда Докалова 1957 сыллаахха ахсынньы 16 күнүгэр Өлөөн улууһугар Өлөөн бөһүөлэккэ төрөөбүтэ. 1975 сылга Өлөөн оҕо муусука оскуолатын фортепиано салаатын бүтэрбитэ.
1979 сылга Дьокуускайдааҕы М. Жирков аатынан муусука училищены бүтэрбитэ. 1985 сылга Уһук Илин ускуустуба институтун (Владивосток) бүтэрбитэ[1].
1985 сылтан Хаһаачыйа муусука оскуолатын муусука теориятын учуутала.
1989 сылтан 1991 сылга диэри Өлөөн Оҕо муусука оскуолатын учуутала.
1991 сылга Таатта улууһун РОМЦ методиһа.
1992 сылга «Сахаконцерт» туруорааччыы режиссера.
1994 сылтан «АЛРОСА» АК «Кристалл» ансамбылын солистката.
1998 сылга Иенгра Уус-уран оскуолатын учуутала.
1999 сылга Нүөрүҥгүрү АКБ култуура салаатын методиһа.
2000 сылга Хатыыстыыр орто оскуолатын ырыа учуутала.
2002 сылга Томпо улууһугар «Маранга» ансамбль уус-уран салайааччыта.
2004 сылга Өлөөн улууһун Кирбэй нэһилиэгин «Айылгы» киин уус-уран салайааччыта. 2005 сылтан Өлөөҥҥө хормейстер.
Надежда Докалова 2010 сыл бэс ыйын 2 күнүгэр өлбүтэ.
Айар үлэтэ
Ырыалара
40-н тахса ырыаны айбыт.
- «Орончикан» (Анна Мыреева хоһооно)
- «Сайын» (М. Эверстова-Обутова хоһооно)
- «Детство» (Марфа Наумова хоһооно)
- «Где мой цветок» (Василий Сивцев хоһооно)
- «Моя песня» (Анна Павлова хоһооно)
- «Көһүтүү»[2] (З. Иванова тыллара)