Боескоров Гаврил Ксенофонтович
Боескоров Гаврил Ксенофонтович (1915 сыл тохсунньу 15 күнэ [28 күнэ], Сургулуук нэһилиэгэ, Саха уобалаһа — 1983 сыл бэс ыйын 6 күнэ, Дьокуускай) — сэбиэскэй учуонай, тыл билимин хандьыдаата, Саха АССӨ билимин үтүөлээх үлэһитэ, П. А. Ойуунускай аатынан Судаарыстыбаннай бириэмийэ лауреата (1974).
Олоҕун олуктара
1915 сыллаахха тохсунньу 15 күнүгэр Саха уобалаһын Үөһээ Бүлүү улууһун Сургулуук нэһилиэгэр төрөөбүтэ.
1942 сыллаахха Саха судаарыстыбаннай педагогика институтун бүтэрбитэ.
1942—1949 сс. — орто оскуолаҕа дириэктэринэн, нуучча тылын учууталынан, оройуоннааҕы үөрэх салаатын иниспиэктэринэн, Бүлүүтээҕи педагогическай училищеҕа үлэлээбитэ.
1949—1951 сс. — Саха судаарыстыбаннай педагогика институтугар кэтэхтэн үөрэнии дириэктэрин солбуйааччы.
1951—1953 сс. — аспирант.
1953 сылтан — ССӨС БА СС Дьокуускайдааҕы филиалын ТЛИ Институтугар препаратор, билим алын үлэһитэ, билим үрдүкү үлэһитэ.
1954 сыллаахха тыл билимин хандьыдаатыгар «Якутская художественная литература в годы Великой Отечественной войны» тиэмэҕэ диссертациятын ситиһиилээхтик көмүскээбитэ.
1974 сыллаахха өр сылларга үлэлээбит сыралаах үлэтин уонна «Мастерство Н. Е. Мординова» чинчийиитин иһин П. А. Ойуунускай аатынан Судаарыстыбаннай бириэмийэ лауреатын аатын иҥэрбиттэрэ.
1983 сыллаахха бэс ыйын 6 күнүгэр өлбүтэ[1].
Сүрүн үлэлэрэ
- «Якутский народный певец С. А. Зверев» (Якутск, 1956) — монография.
- «Роман о весне якутского народа» (Якутск, 1957) — монография.
- «Творчество Н. Д. Неустроева» (Якутск, 1959) — монография.
- «Якутская художественная литература в годы Великой Отечественной войны» (Якутск, 1960) — монография.
- «Развитие жанров прозы в якутской советской литературе» (Якутск, 1961) — монография.
- «Мастерство Н. Е. Мординова» (Якутск, 1973) — монография.
- «Творчество П. Н. Тобурокова» (Якутск, 1981) — монография[2].