Нуучча тылынанАнал бырайыактар
Тылы уларыт
УРУБИИКИ ТУҺУНАН

Алексеев Михаил Фёдорович

УРУБИИКИ иһигэр маннык араспаанньалаах дьон туһунан ыстатыйалар бааллар, көр Алексеев.

Алексеев Михаил Федорович (1928 сыл олунньу 15 күнэ, Өҥөлдьө — 2000 сыл атырдьах ыйын 16 күнэ, Дьокуускай) — «Якутстрой» трест № 3 тутуу-монтаж салалтатын кэлим биригээдэтин биригэдьиирэ, Социалистыы Үлэ Дьоруойа (1966)[1].

Олоҕун олуктара

Михаил Алексеев 1928 сыллаахха олунньу 15 күнүгэр Ньурба улууһун Тэҥкэ сиригэр Өҥөлдьө нэһилиэгэр төрөөбүт[2].

Аҕа дойду Улуу сэриитин кэмигэр Саха сиригэр сут дьыллар үөдүйэн, тулаайах хаалбыт. 1943 сыллаахха нэһилиэк салалтата кинини Дьокуускайга үөрэххэ ыыппыт[3].

1944 сыллаахха Дьокуускайдааҕы фабричнай-заводской училищены бүтэрбит. Кинини кытта биир бөлөххө инникитин Социалистыы Үлэ Дьоруойдара буолбут Федотов Михаил Афанасьевич[4] уонна Сергеев Михаил Семенович[5] үөрэммиттэр. Бу кэмтэн ыла кинилэр өрүү бииргэ үлэлээбиттэр. Ол курдук:

  • 1944 сыллаахха «Якутстрой» трескэ үлэҕэ киирбиттэр;
  • 1949 сыллаахха — Дьокуускайга бастакы 42 миэтэрэ үрдүктээх дьөлөр вышканы тутууга кыттыбыттар[3].

М. Ф. Алексеев 1988 сылга диэри "Якутстрой" трескэ үлэлээбит: 1954-1959 сыларга - болуотунньук, таасчыт; 1966 сылтан - тутуу-монтаж салалтатын биригэдьиирэ[1][6].

ССРС Үрдүкү Сүбэтин Президиумун 1966 сыл атырдьах ыйын 11 күнүнээҕи Ыйааҕынан Михаил Федорович Алексеевка Социалистыы Үлэ Дьоруойун аата иҥэриллибит.

Биэнсийэҕэ тахсан баран Дьокуускайга олорбут, онно 2000 сыллаахха күн сириттэн барбыт[1].

Наҕараадалара уонна ытык ааттара

Аатын үйэтитии

  • Михаил Алексеевка Дьокуускай куорат Ленин проспегын 19 дьиэтигэр өйдөбүнньүк дуоска туруоруллубут (2010)[3];
  • М. Ф. Алексеев аата Ньурба улууһун Хатыҥ Сыһыы сэлиэнньэтин «Кэскил» оҕо уһуйааныгар иҥэриллибит[1][7];
  • Итиэннэ кини аатын Ньурба улууһун Марха нэһилиэгин «Сэргэ» норуот айымньытын Дьиэтэ сүгэр[1][8];
  • «Үбүлүөйдээх» трубкаттан хостоммут 88,17 караттаах алмааска Михаил Алексеев аата иҥэриллибит (2020)[2][6].

Быһаарыылар

  1. ↑ 1 2 3 4 5 6 М. Ф. Алексеев. Сигэнии күнэ: 1 Олунньу 2026. Архивировано 2 Сэтинньи 2019 года.
  2. ↑ 1 2 Үтүө аата алмааска иҥэрилиннэ. Сигэнии күнэ: 1 Олунньу 2026.
  3. ↑ 1 2 3 Как трое мальчишек из глухих якутских деревень стали знатными строителями (рус.) (1 Олунньу 2026).
  4. ↑ М. Ф. Алексеев. Сигэнии күнэ: 1 Олунньу 2026. Архивировано 2 Сэтинньи 2019 года.
  5. ↑ М. С. Сергеев. Сигэнии күнэ: 1 Олунньу 2026. Архивировано 4 Кулун тутар 2016 года.
  6. ↑ 1 2 Энциклопедия Якутии: [в 4 томах] / Владимиров Л. Н.. — Якутск: Академия наук РС(Я), 2024. — Т. 1. — ISBN 978-5-6053278-1-3
  7. ↑ МБДОУ - Детский сад им.М.Ф.Алексеева с.Хатынг-Сысы (рус.). Сигэнии күнэ: 1 Олунньу 2026.
  8. ↑ МБУ "Дом Народного Творчества "Сэргэ" им. Героя социалистического труда М.Ф. Алексеева" (рус.). Сигэнии күнэ: 1 Олунньу 2026.

Литература

Категориялар