Владимиров Леонид Николаевич

Леонид Владимиров 1959 сыллаахха ыт ыйын 9 күнүгэр Тулаҕы-Киллэм нэһилиэгэр төрөөбүт.

1977—1979 сс. аармыйаҕа сулууспалаабыт.

1985 с. СГУ тыа хаһаайыстыбатын факультетын бүтэрбит.

1986 сыллаахха К. И. Скрябин аатынан Москубатааҕы ветеринарнай академия физиологияҕа кафедратын стажер-преподавателэ.

1987 сылтан 1990 сылга диэри К. И. Скрябин аатынан Москубатааҕы ветеринарнай академия аспирана.

1992 сылтан 1993 сылга диэри — Дьокуускайдааҕы тыа хаһаайыстыбатын институтун ректорын көмөлөһөөччүтэ.

1993 с. биология билимин хандьыдаата буолбут.

1993 сылтан 1997 сылга диэри Дьокуускайдааҕы судаарыстыбаннай тыа хаһаайыстыбатын академиятын үөрэххэ уонна наукаҕа проректора.

1997 сылтан 2016 сылга диэри Дьокуускайдааҕы судаарыстыбаннай тыа хаһаайыстыбатын академиятын ректора.

2000 сыллаахха докторскай диссертациятын көмүскээбитэ, профессор учуонай званиета бэриллибитэ.

2016 сылтан 2019 сылга диэри Дьокуускайдааҕы судаарыстыбаннай тыа хаһаайыстыбатын академиятын профессор-консультана.

2018 сылтан 2019 сылга диэри «Саха Өрөспүүбүлүкэтин Күндү металларга уонна күндү таастарга кэмитиэтэ» СУТ (ГУП) генеральнай дириэктэрин бастакы солбуйааччыта.

2019 сыл от ыйыттан 2022 сыл от ыйыгар диэри М. Г. Сафронов аатынан Тыа хаһаайыстыбатын научнай-чинчийэр институтун дириэктэрэ.

2020 сыллаахха Саха Өрөспүүбүлүкэтин Наукаларын академиятын дьиҥнээх чилиэнинэн (академигынан) талыллыбыта.

2022 сыл от ыйын 22 күнүттэн — бэрэсидьиэн эбээһинэһин толорооччу, онтон 2022 сыл сэтинньититтэн — Саха Өрөспүүбүлүкэтин Наукаларын академиятын бэрэсидьиэнэ. Дьокуускай куорат мунньаҕын I уонна II ыҥырыылаах дьокутаата.

Саха Өрөспүүбүлүкэтин Судаарыстыбаннай Мунньаҕын (Ил Тумэн) III, IV, V ыҥырыылаах народнай дьокутаата (2018 сылга диэри).

РФ Бэрэсидьиэнин быыбарыгар В. В. Путин эрэллээх киһитэ (2000).

Экологическай физиология, биотехнология, зоотехния уонна ветеринария эйгэтин испэсэлииһэ. 211 билим үлэ ааптара уонна кыттыгас ааптара, ол иһигэр 10 монография уонна 6 патент баар. Л. Н. Владимиров салайааччылаах 6 хандьыдаат диссертация көмүскэммитэ. Сүрүн билим ситиһиилэрэ:

• хотугу таба иһинээҕи уорганнарыттан биологическай актыыпнастаах эмптэри оҥорон таһаарыы технологията оҥоһулунна;
• дьиэ баранын Саха сирин чубукутун холбоон, селекция саҥа көрүҥнэрэ таһаарылыннылар;
• Саха сирин тыйыс усулуобуйатыгар кыыллары иитэр-аһатар технологиялар оҥоһулуннулар уонна тупсарылыннылар;
• дьиэ табатын уонна саха сылгытын иитэр технология тупсарылынна;
• саха сылгытын биэрэстээх учуотун ыытарга аналлаах «Якутская лошадь» диэн информационнай-көрдүүр тиһик оҥоһулунна;
• Саха сирин усулуобуйатыгар аныгы репродуктивнай технологиялары туһанан билим чинчийиилэр ыытыллаллар;
• климат уларыйыыта Хотугу сир үгэс буолбут хаһаайыстыбатыгар дьайыытын үөрэтиигэ билим үлэлэр бараллар.

• Саха Өрөспүүбүлүкэтин Наукаларын академиятын бэрэсидьиэнэ (2022 сыл сэтинньититтэн).
• Саха Өрөспүүбүлүкэтин Наукаларын академиятын дьиҥнээх чилиэнэ (2020 сылтан).
• РФ НА Сибиирдээҕи салаатын президиумун чилиэнэ.
• РФ НА Тыа хаһаайыстыбатын наукалара салаатын чилиэнэ.
• РФ НА Зоотехния уонна ветеринария секциятын чилиэнэ.
• РФ НА Эрэгийиэннээҕи бэлитиитикэҕэ сэбиэтин бюротун чилиэнэ.
• РФ НА Арктиканы уонна Антарктиканы үөрэтиигэ билим сэбиэтин чилиэнэ.
• Саха Өрөспүүбүлүкэтин Ил Дарханын иһинээҕи Билимҥэ, үрдүк үөрэххэ уонна научнай-технологическай бэлитиитикэҕэ сэбиэт чилиэнэ.
• «Физиология» научнай идэтинэн ДМ.220.071.03 холбоһуктаах диссертационнай сэбиэт бэрэссэдээтэлэ (2005—2015).

• Саха Өрөспүүбүлүкэтин билимин үтүөлээх диэйэтэлэ (2000)
• Арассыыйа Федерациятын Бэрэсидьиэнин Махтал суруга (2000, 2015)
• РФ үөрэҕириитин миниистирин Махтал суруга (2001, 2003)
• Арассыыйа Федерациятын үрдүк профессиональнай үөрэхтээһинин бочуоттаах үлэһитэ (2003)
• Саха Өрөспүүбүлүкэтин «Гражданскай килбиэн» бочуоттаах бэлиэтэ (2006)
• Арассыыйа Федерациятын билимин үтүөлээх диэйэтэлэ (2007)
• СОКА Университетын Бочуоттаах Грамотата (Япония) (2007)
• «Арассыыйа агропромышленнай комплексын сайдыытыгар кылаатын иһин» кыһыл көмүс мэтээл (2011)
• Тыа хаһаайыстыбатын наукаларын академиятын Сибиирдээҕи салаатын И. И. Синягин аатынан «Сибиир аграрнай науката сайдыытыгар ураты кылаатын иһин» мэтээлэ (2011)
• РФ тыа хаһаайыстыбатын миниистирин Махтал суруга (2014)
• РФ Судаарыстыбаннай Думатын Федеральнай Мунньаҕын Бочуоттаах Грамотата (2014)
• Саха Өрөспүүбүлүкэтин Ил Дарханын Махтал суруга (2019)
• РФ НА Сибиирдээҕи салаатын «Үрүҥ көмүс сигма» бочуоттаах бэлиэтэ (2020)
• РФ НА Сибиирдээҕи салаатын Дьокуускайдааҕы научнай киинин «Академическай билим сайдыытыгар кылаатын иһин» мэтээлэ (2022)
• Саха Өрөспүүбүлүкэтин Г. И. Чиряев аатынан билим уонна техника эйгэтигэр Судаарыстыбаннай бириэмийэтэ (2023)
• Арассыыйа билим академиятын Бочуоттаах грамотата (2024)
• Доҕордоһуу уордьана (2025 сыл сэтинньи 17 күнэ) — билимҥэ улахан өҥөлөрүн уонна өр сыллаах чиэһинэй үлэтин иһин.