Шепелева Надежда Семеновна
Надежда Семёновна Шепелёва (1923 сыл кулун тутар 4 күнэ, Дьокуускай — 2020 сыл тохсунньу 16 күнэ, Дьокуускай) — Саха Өрөспүүбүлүкэтин норуодунай артыыһа (2013)
Олоҕун олуктара
- 1923 сыллаахха кулун тутар 4 күнүгэр Дьокуускайга төрөөбүтэ.
- 1930—1937 сс. — Табаҕа сэттэ кылаастаах оскуолатыгар үөрэммитэ.
- 1937—1941 сс. — Педагогическай рабфакка үөрэммитэ.
- 1941 с. — Саха государственнай педагогическай институтугар тыл уонна литература факультетыгар туттарсан киирэр.
- 1944 с. — радиокомитет хорун ырыаһыта.
- Төрдүс курска үөрэнэ сылдьан, Москваҕа Гнесиннар ааттарынан Музыка училищетыгар туттарса барбыта.
- Училищены бүтэриэҕиттэн, 1950 сылтан Саха музыкальнай драматическай театр ырыаһыта.
- 2020 сыллаахха тохсунньу 16 күнүгэр Дьокуускайга өлбүтэ.
Айар үлэтэ
Операҕа сүрүн баартыйалара:
- Земфира («Алеко» С. В. Рахманинов);
- Татьяна («Евгений Онегин» П. И. Чайковскай);
- Недда («Паяцы» Р. Леонковалло);
- Вера Кошевая («Молодая гвардия» Ю. Мейтус);
- Наталья («В бурю» Т. Хренников);
- Галька («Галька» С. Монюшко);
- Айыы Умсуур («Ньургун Боотур» М. Н. Жирков, Г. И. Литинскэй);
- Кутурҕан Куо («Кыһыл ойуун» Г. И. Литинскэй);
- Нюргуһун («Лоокуут уонна Нюргуһун» Г. А. Григорян)[1].
Дьиэ кэргэнэ уонна аймахтара
- Кэргэнэ — Сивцев Дмитрий Кононович (Суорун Омоллоон) (14.09.1906—25.06.2005), Саха Өрөспүүбүлүкэтин норуодунай суруйааччыта.
- Уола — Сивцев Айсен Дмитриевич (Айсен Дойду)[2], поэт, литератор.
Наҕараадалара уонна ытык ааттара
- Саха АССР үтүөлээх артыыһа (1955)
- РСФСР үтүөлээх артыыһа (1958)
- «Килбиэннээх үлэтин иһин» мэтээл (1970);
- Үлэ бэтэрээнэ
- Тыыл бэтэрээнэ
- Государственнай гражданскай сулууспа бэтэрээнэ
- Саха Өрөспүүбүлүкэтин норуодунай артыыһа[3] (2013)