Нуучча тылынанАнал бырайыактар
Тылы уларыт
УРУБИИКИ ТУҺУНАН

Черноградскай Владимир Николаевич

Владимир Николаевич Черноградскай (төр. 1966 сыл ыам ыйын 9 күнэ, Бороҕон, Саха АССР) — Арассыыйа судаарыстыбаннай диэйэтэлэ. Саха Өрөспүүбүлүкэтин Арктиканы сайыннарыыга уонна Хотугу норуоттар дьыалаларыгар миниистирэ (2019 сылтан)[1][2].

Уус-Алдан улууһун баһылыга (1999—2003). Саха Өрөспүүбүлүкэтин тыатын хаһаайыстыбатын миниистирин бастакы солбуйааччыта (2008—2009).

Олоҕун олуктара

Владимир Черноградскай 1966 сыллаахха ыам ыйын 9 күнүгэр Саха АССР Уус-Алдан оройуонун Бороҕон сэлиэнньэтигэр төрөөбүтэ[1].

1984—1986 сылларга Сэбиэскэй Аармыйа кэккэтигэр сулууспалаабыта.

1990 сыллаахха М. К. Аммосов аатынан Дьокуускайдааҕы судаарыстыбаннай университеты бүтэрэн, инженер-тутааччы идэтин ылбыта. 1995 сыллаахха Арассыыйа Бэрэсидьиэнин иһинэн судаарыстыбаннай сулууспа академиятын (нууч.) (сах. «менеджмент» идэтинэн бүтэрбитэ.

1999 сыллаахха Черноградскай «Формирование социально ориентированной отраслевой структуры экономики крупного региона: На материалах Республики Саха (Якутия)» диэн тиэмэҕэ экэниэмикэ билимин хандьыдаатын учуонай истиэпэнин көмүскээбитэ (08.00.05 «Экономика и управление народным хозяйством» идэтэ)[3].

Үлэтин хронологията

1990 сылтан 1991 сылга диэри Черноградскай М. К. Аммосов аатынан Дьокуускайдааҕы судаарыстыбаннай университекка лаборант уонна инженер быһыытынан үлэлээбитэ.

1991 сылтан 1993 сылга диэри Уус-Алдан ЭПЭКП тутуу-бырайыак бөлөҕүн отделын начальнигын уонна кылаабынай инженерин дуоһунастарыгар үлэлээбитэ.

1993—1994 сылларга Уус-Алдан улууһун дьаһалтатын баһылыгын бастакы солбуйааччыта.

1999 сыллаахха Уус-Алдан улууһун дьаһалтатын баһылыгынан ананан, 2003 сылга диэри үлэлээбитэ.

2003—2008 сылларга Якутуголь ААУо-ҕа генеральнай дириэктэр солбуйааччытынан эрэгийиэннээҕи сибээстэргэ үлэлээбитэ.

2008—2009 сылларга Черноградскай тыа хаһаайыстыбатын миниистирин бастакы солбуйааччытынан үлэлээбитэ. 2009—2011 сылларга Атыы-эргиэн уонна материальнай-техническэй ресурсалар судаарыстыбаннай кэмитиэттэрин бэрэссэдээтэлин бастакы солбуйааччытынан үлэлээбитэ. 2011—2012 сылларга өрөспүүбүлүкэ бэрэсидьиэнин уонна бырабыыталыстыбатын дьаһалтатын олохтоох салайыныы боппуруостарыгар департаменын салайбыта[1].

2012—2014 сылларга сакаастары олохтооһуҥҥа Судаарыстыбаннай кэмитиэт бэрэссэдээтэлин солбуйааччытынан үлэлээбитэ.

2014—2016 сылларга Алмазы Анабара ААУо генеральнай дириэктэрин солбуйааччыта.

2017—2019 сылларга «Арктик капитал» ХЭУо генеральнай дириэктэрин сүбэһитинэн үлэлээбитэ.

2018 сыллаахха VI ыҥырыылаах Ил Түмэн дьокутаатынан Арктическай биир мандааттаах уокуруктан талыллыбыта. 2019 сыллаахха Саха Өрөспүүбүлүкэтин Арктиканы сайыннарыыга уонна Хотугу норуоттар дьыалаларыгар миниистиринэн анаммытын иһин болдьоҕун иннинэ боломуочуйатын хаалларбыта[4][1].

Саха Өрөспүүбүлүкэтин Ил Дарханын 2023 сыл алтынньы 4 күнүнээҕи ыйааҕынан Саха Өрөспүүбүлүкэтин Арктиканы сайыннарыыга уонна Хотугу норуоттар дьыалаларыгар миниистиринэн хат анаммыта[5].

Наҕараадалара уонна ытык ааттара

  • Саха АССР Үрдүкү Сэбиэтин Президиумун Бочуотунай грамотата;
  • Арассыыйа ЫБМ-ын Саха сиринээҕи Кылаабынай управлениетын Бочуотунай грамотата;
  • Арассыыйа Федерациятын Тутууга уонна олорор дьиэ-коммунальнай комплекска Судаарыстыбаннай кэмитиэтин Бочуотунай грамотата;
  • Саха Өрөспүүбүлүкэтин тыатын хаһаайыстыбатын туйгуна;
  • Саха Өрөспүүбүлүкэтин атыытын-эргиэнин Бочуоттаах үлэһитэ[6].

Быһаарыылар

  1. ↑ 1 2 3 4 Министр по развитию Арктики и делам народов Севера Республики Саха (Якутия) - Черноградский Владимир Николаевич. https://prav.sakha.gov.ru. Правительство Республики Саха (Якутия). Сигэнии күнэ: 5 Олунньу 2026.
  2. ↑ В Якутии назначили нового министра по развитию Арктики и делам народов Севера. https://tass.ru. ТАСС (14 Бэс ыйын 2019). Сигэнии күнэ: 5 Олунньу 2026.
  3. ↑ НЭБ - Национальная электронная библиотека. rusneb.ru. Национальная электронная библиотека. Сигэнии күнэ: 5 Олунньу 2026.
  4. ↑ Ил Тумэн досрочно прекратил полномочия Владимира Черноградского. https://ysia.ru. ЯСИА. Сигэнии күнэ: 5 Олунньу 2026.
  5. ↑ Черноградский Владимир Николаевич. https://arktika.sakha.gov.ru. Министерство по развитию Арктики и делам народов Севера Республики Саха (Якутия). Сигэнии күнэ: 5 Олунньу 2026.
  6. ↑ Черноградский Владимир Николаевич. https://er.ru. Единая Россия. Сигэнии күнэ: 5 Олунньу 2026.

Категориялар