Нуучча тылынанАнал бырайыактар
Тылы уларыт
УРУБИИКИ ТУҺУНАН

Сюльскай Семён Семёнович

Сюльскай (Алексеев) Семён Семёнович (1908 сыл балаҕан ыйын 7 күнэ, Сүлэ нэһилиэгэ — 1952 сыл ыам ыйа, Дьокуускай) — Саха Сирин судаарыстыбаннай диэйэтэлэ.

Олоҕун олуктара

1908 сыллаахха балаҕан ыйын 7 күнүгэр Ньурба улууһун Сүлэ нэһилиэгэр төрөөбүт.

1925 сыллаахха Бүлүү оиккис ступеннаах оскуолатыгар киирбит. Ол сыл комсомол кэккэтигэр киирбит. 1928 сыллаахха Бүлүү уокуруктааҕы пионердар бюроларын бэрэстээтэлинэн үлэҕэ киирбит. Ол сыл хомуньуус баартыйаҕа киирэр. 1929-29 үөрэх сылыгар Бүлүү куоратын бастакы ступеннаах оскуолатыгар учууталлаабыт. 1933 сыллаахха Ленинградка Герцен аатынан пединституту бүтэрэр уонна Дьокуускайдааҕы педагогика рабфагын дириэктэринэн анаммыт.

1936—1938 сс. — Дьокуускайдааҕы педтехникум директора уонна үөрэҕирии наркомун эбээһинэһин толорооччу.

1941—1944 сс. — Саха АССР Совнаркомун управлениетын начальнига. Онтон ВКП(б) КК Үрдүкү баартыйа оскуолатыгар үөрэммит, 1946 сыллаахха бүтэрбит.

1946 сыллаахха Саха АССР үөрэҕириитин миниистиринэн анаммыт.

1950 сыллаахха Пединститутка үлэҕэ ыстаарсай преподавателинэн көһөр, ону таһынан обкуомҥа штааты таһынан лиэктэрдиир.

1952 сыл ыам ыйыгар 44 саастааҕар өлөрүллэр. Өлөрөөччүлэр булуллубатахтара.

Дьиэ кэргэнэ, аймахтара

Аатын үйэтитии

  • 2002 сыллаахтан Сюльскай С. С. аатын Ньурба улууһун Сүлэ орто оскуолата сүгэр[2];
  • 2008 сыллаахха бу оскуола иһинэн Сюльскай С. С. аатынан түмэл аһыллыбыта[1];
  • Ньурба улууһун Сүлэ с. Семён Сюльскай аатынан түмэл аһыллыбыт (2008)[1][3];
  • 2023 сыл алтынньы 19 күнүгэр Дьокуускайга Семён Сюльскайга анаан өйдөбүнньүк дуоска арыллыбыта. Өйдөбүнньүк бэлиэ Оҕо ускуустубатын 1-кы нүөмэрдээх оскуолатын эркинигэр туруоруллубута[4].

Наҕараадалара уонна ытык ааттара

  • «Бочуот Бэлиэтэ» уордьан
  • «Аҕа дойду сэриитигэр 1941—1945 сс. килбиэннээх үлэ иһин» мэтээл

Быһаарыылар

  1. ↑ 1 2 3 Федеральный информационный портал «SakhaNews» 06.02.2008:В Якутске увековечили имя Семена Сюльского
  2. ↑ Сведения об образовательной организации (рус.). Сигэнии күнэ: 3 Атырдьах ыйын 2026.
  3. ↑ В Якутске увековечили имя Семена Сюльского. Сигэнии күнэ: 26 Балаҕан ыйын 2021. Архивировано 10 Балаҕан ыйын 2021 года.
  4. ↑ [https://moiyakutsk.ru/syulskij-semen-semenovich/ Сюльский Семен Семенович (07.09.1908-1952)] (рус.). Сигэнии күнэ: 3 Атырдьах ыйын 2026.

Сигэлэр

Категориялар