Посельская Наталья Семёновна

Наталья Посельская 1946 сыллаахха муус устар 12 күнүгэр Москубаҕа төрөөбүт. Саха бастакы балерината Аксения Васильевна Посельская уонна үөрэҕэрии наркома, Саха АССР үөрэҕириитин миниистирэ Семён Семёнович Сюльскай кыыстара.

1965 сыллаахха Новосибирскайдааҕы хореография училищетын бүтэрбитэ уонна Дьокуускайга үлэтин саҕалаабыта. Дьокуускайдааҕы музыкальнай-драматическай тыйаатыр балетын солистката буолбута (1971 сылтан— музыкальнай, 1991 сылтан— опера уонна балет тыйаатыра). Классическай уонна национальнай репертуар испэктээктэригэр бастыҥ уонна сүрүн баартыйалары үҥкүүлээбитэ. 1976—1978 сылларга А. Я. Ваганова аатынан Ленинградтааҕы академическай хореография училищетыгар стажировкаламмыта. Сценаны 1988 сылга хаалларбыта.

1988 сылтан 1991 сылга диэри «Дьэ-буо» ансамбль балетмейстер-педагога. 1990 сылга ГИТИС педагогическай отделениетын бүтэрбитэ. 1991 сылтан 1995 сылга диэри Дьокуускайдааҕы опера уонна балет тыйаатырын педагог-репетитора, тыйаатыр опера испэктээктэригэр үҥкүүлэри туруорбута: Д. Гершвин «Порги и Бесс», З. Степанов «Колыбельная», «Храбрый портняжка».

1992 сылга Наталия Посельская көҕүлээһининэн уонна кини быһаччы кыттыытынан М. Жирков аатынан Дьокуускайдааҕы музыкальнай училищеҕа хореография салаата аһыллыбыта. Бу салаа 1995 сыл сааһыгар «Өрөспүүбүлүкэтээҕи хореография училищета» диэн идэтийбит үөрэх тэрилтэтэ буола уларытыллыбыта. Наталия Семёновна Посельская олоҕун тиһэх күннэригэр диэри, тэриллиэҕиттэн ыла, 2004 сыл ийэтин Аксения Посельская аатын сүкпүт Дьокуускайдааҕы хореография училищетын уларыйбат дириэктэринэн, уус-уран салайааччытынан уонна классическай үҥкүү педагогунан үлэлээбитэ. Кини саха балетын артыыстарын хас да көлүөнэтин иитэн таһаарбыта.

Методическай уонна билим-чинчийэр үлэни ыыппыта, үөрэх босуобуйаларын уонна билим ыстатыйалар ааптардара. Кини салайыытынан «Арассыыйа култуурата 2001—2005 сыллар» федеральнай бырагыраамма чэрчитинэн Дьокуускайга «Особенности физического развития учащихся хореографических училищ Крайнего Севера, Сибири и Дальнего Востока» уонна «Гений Петипа» диэн билим-практическай кэмпириэнсийэлэр ааспыттара.

2010 сылтан Арктикатааҕы судаарыстыбаннай култуура уонна уус-уран институт кини көҕүлээһининэн уонна быһаччы кыттыытынан аһыллыбыт «Балет ускуустубата» кафедратын сэбиэдиссэйэ^[1].

2011 сыл бэс ыйын 8 күнүгэр өр ыалдьан баран олохтон туораабыта. Өрөспүүбүлүкэ уус-уран култууратын биллиилээх диэйэтэлин бүтэһик суолугар атаарыыны тэрийэргэ Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Феодосия Габышева салайааччылаах бырабыыталыстыбаннай хамыыһыйа тэриллибитэ^[2].

• Ийэтэ — Посельская Аксения Васильевна, саха бастакы балерината.
• Аҕата — Сюльский (Алексеев) Семен Семенович (1908—1952) — Саха Сирин биллиилээх политига.
• Кэргэнэ — Тимофей Сметанин.

• «Барышня и хулиган» — Дива
• «Сияние Севера» — Ийэ
• «Золушка» — Злюка, Мачеха
• «Голубой Дунай» — Франциска
• «Кун Куо» — Күн кыыһа
• «Жизель» — Мирта
• «Сотворение мира» — Чертовка
• «Баядерка» — Индусский танец, па де аксьон
• «Камень счастья» — Сир хотуна
• «Орлы летят на Север» — Хотой ийэтэ
• «Священный Ильмень» — Ийэ
• «Чурумчуку» — Нюргуяна
• «Половецкие пляски» — Сүрүн кэрэ кыыс
• «Собор Парижской богоматери» — Гудула

• Арассыыйа Федерациятын култууратын үтүөлээх үлэһитэ;
• Саха Өрөспүүбүлүкэтин култууратын үтүөлээх үлэһитэ;
• П. А. Ойуунускай аатынан судаарыстыбаннай бириэмийэ лауреата.

2011 сыл балаҕан ыйын 9 күнүгэр Саха Өрөспүүбүлүкэтин Бэрэсидьиэн Е. А. Борисов 900 нүөмэрдээх Ыйааҕынан «А. В. Посельская аатынан Дьокуускайдааҕы хореография училищета» аата уларытыллан, «Аксения уонна Наталья Посельскайдар ааттарынан Дьокуускайдааҕы хореография училищета» диэн буолбута.

• Посельская Н. Пособие для хореографических училищ по классическому танцу. 1 класс. — Якутск: ГОУ СПО ЯХУ, 2003.(кыаллыбат сигэ)
• Посельская Н. Пособие для хореографических училищ по классическому танцу. 2 класс. — Якутск: ГОУ СПО ЯХУ, 2003.(кыаллыбат сигэ)
• Посельская Н. Аксения Посельская — балерина. Книга воспоминаний. — Якутск: ГОУ СПО ЯХУ, 2004.(кыаллыбат сигэ)
• Посельская Н. Пособие для хореографических училищ по классическому танцу. 3 класс. — Якутск: ГОУ СПО ЯХУ, 2006.(кыаллыбат сигэ)
• Посельская Н. Пособие для хореографических училищ по классическому танцу. 4 класс. — Якутск: ГОУ СПО ЯХУ, 2007.(кыаллыбат сигэ)
• Посельская Н. «Исполнение желаний». — Якутск: ГОУ СПО ЯХУ, 2007.(кыаллыбат сигэ)
• Посельская Н. Вечера Якутской литературы и искусства. Москва, 1957 год. — Якутск: ГОУ СПО ЯХУ, 2007.(кыаллыбат сигэ)
• Посельская Н. Семён Сюльский. — Якутск: ГОУ СПО ЯХУ, 2008. — (Выдающиеся люди республики).(кыаллыбат сигэ)
• Посельская Н. Зинаида Попова: Балерина, педагог. — Якутск: ГОУ СПО ЯХУ, 2009.(кыаллыбат сигэ)

• Наталья Посельская. Продолжение… (фотоальбом). — Якутск: ГОУ СПО ЯХУ, 2006.(кыаллыбат сигэ)

• Свешников Н. Наталья Посельская. Балет на Дальнем Севере // Балет : журнал. — М., 2004. — № 2.
• Кузьмина Е. Наталья Посельская: «Я везучая женщина» // Новости Якутии : журнал. — Якутск, 2005. — № 19.
• Наталья Посельская сегодня принимает поздравления // SakhaNews : ИА. — Якутск, 2006. — № 12 апреля.
• Птицина Е. Наталья Посельская: «Я очень покорная жена!» // ОНА+ : газета. — Якутск, 2010. — № 1 октября. Архивировано 2 Ыам ыйын 2013 года.
• Ли Л. Юбилей Натальи Посельской // Национальная вещательная компания «Саха» : ТВ. — Якутск, 2011. — № 13 апреля.(кыаллыбат сигэ)
• Ушла из жизни Наталья Посельская // Якутское-Саха информационное агентство : ИА. — Якутск, 2011. — № 10 июля.(кыаллыбат сигэ)