Спиридонов Михаил Федорович

1930 сыллаахха ахсынньы 31 күнүгэр Кэбээйи улууһугар Хатырык-Хомоҕо (II Лүүчүн) төрөөбүт.

Сэттэ кылаастаах оскуоланы бүтэрэн баран Хотугу байҕал суолун Саха сиринээҕи Хотугу өрүс пароходствотыгар суол сулууспатын катерыгар мотуруостаабыт, 1946 сыллаахтан — «Пётр Ширшов» пароход мотуруоһа.

Дьокуускайдааҕы өрүс техникумун уонна Благовещенскайдааҕы өрүс училищетын бүтэрбит.

1954 сыллаахха «Генерал Ватутин» теплоход хапытаана буолбут.

Кэлин «Нефтегорск» танкер, «Кавказ» теплоход, "50 лет Якутской АССР" уонна "Советская Якутия" бөдөҥ тоннажнай устар ааллар капитаннара буола сылдьыбыт^[1].

1971—1981 сыларга — «Юпитер» теплоход хапытаана.

ССРС Үрдүкү Сэбиэтин Президиумун 1971 сыл ыам ыйын 4 күнүнээҕи ыйааҕынан, өрүс транспорын сайдыытыгар биэс сыллаах былаан сорудахтарын толоруутугар уһулуччулаах ситиһиилэрин иһин Спиридонов Михаил Федоровичка Ленин уордьана уонна «Сиэрпэ уонна балта» кыһыл көмүс мэтээл туттарыылаах Социалистыы Үлэ Дьоруойун аата иҥэриллибит.

Салгыы Өлүөнэ бассейнын уу суолун салалтатыгар - уһуйааччы хапытаанынан үлэлээбит.

Саха АССР Үрдүкү Сэбиэтин дьокутаатынан иккитэ талылла, ССКП Саха обкомун бюротун чилиэнэ буола сылдьыбыт.

60-ча сыл өрүс флотугар үлэлээбит. Дьокуускай куоракка олорбут.

2018 сыллаахха өлбүт^[2].

• Социалистыы Үлэ Дьоруойа^[3] (1971)
• Ленин Уордьана;
• «Сиэрпэ уонна балта» кыһыл көмүс мэтээл;
• Үлэ Кыһыл Знамятын Уордьана;
• Саха АССР норуотун хаһаайыстыбатын үтүөлээх үлэһитэ
• Арассыыйа Федерациятын транспорын үтүөлээх үлэһитэ.

• Саха Өрөспүүбүлүкэтин «Хотугу сулус» уордьанын кавалера^[2];
• Саха Өрөспүүбүлүкэтин Ытык киһитэ (2007)^[4];
• Кэбээйи улууһун Ытык киһитэ^[2].