Нуучча тылынанАнал бырайыактар
Тылы уларыт
УРУБИИКИ ТУҺУНАН

Амбросьев Алексей Алексеевич

Алексей Алексеевич Амбросьев — Сиэн Мунду (төр. 1965 сыл олунньу 10 күнэ, Дьокуускай) — сэбиэскэй, Арассыыйа суруналыыһа, тылбаасчыт, суруйааччы, сынарыыс.

Олоҕун олуктара

1965 сыллаахха олунньу 10 күнүгэр Дьокуускай куоракка төрөөбүтэ. Сунтаартан төрүттээх аҕата оҕо дьиэтигэр улааппыт, үөрэҕинэн устуорук. Ийэтэ Уус Алдантан төрүттээх, нуучча тылын уонна литературатын учуутала. Ыал аҕалара араас оскуолаларга дириэктэринэн анаммытын иһин хаста да көспүтэ[1].

Тиксии 1-ы нүөмэрдээх орто оскуолатын бүтэрбитэ[2].

1988 сылга Саха судаарыстыбаннай университетын филология салаатын бүтэрбитэ[3].

1993 сылтан Арассыыйа суруналыыстарын сойууһун (нууч.) (сах. чилиэнэ.

«Саха» НКИХ ханаалыгар, «Эхо столицы», «Наше время», «Ил Тумэн» уонна «Якутия» хаһыаттарга суруналыыһынан, эрэдээктэринэн, эрэдээктэр солбуйааччытынан үлэлии сылдьыбыта[4].

2012 сылтан Саха Өрөспүүбүлүкэтин суруналыыстарын сойууһун чилиэнэ.

Айар үлэтэ

Саха АССР Судаарыстыбаннай араадьыйатын эрэдээктэрэ этэ.

Хас да киинэ сынаарыйын суруйбута[2]. «Лингвист» диэн Семён Новгородов туһунан докумуонунан киинэ сынарыыһа[5].

«ЭПЛ Даймонд» хампаанньа уонна кини салайааччытын туһунан кинигэ ааптара.

Реас Кулаковскай «Бойуот» айымньытын нуучча тылыгар тылбаастаабыта. Сэмэн Тумат айымньыларын тылбаастаабыта.

2022 сыллаахха «Жизнь замечательных людей» сиэрийэҕэ Исидор Барахов туһунан кинигэтэ тахсыбыта[6].

Айымньылара

  • 2012 — ЭПЛ. Секреты бренда: документальное повествование
  • 2016 — Сказки нашего города…: рассказы
  • 2017 — Записки на полях театральной программки…
  • 2019 — Со мною состарившаяся лиственница: рассказ
  • 2022 — Исидор Барахов
  • 2024 — Саллаат аҕата

Дьиэ кэргэнэ

  • Кэргэнэ — Надежда. Дьиэ кэргэн алта оҕолоох.
  • Уола — Амбросьев Алексей Алексеевич - Чох Мунду, киинэ режиссёра, сынарыыһа[2].

Быһаарыылар

  1. ↑ Алексей Амбросьев – правдивый сказочник Якутии. https://exo-ykt.ru. Сигэнии күнэ: 14 Алтынньы 2025.
  2. ↑ 1 2 3 Иван Макаренко. Многогранный талант Алексея Амбросьева. https://yakutia-daily.ru (24 Тохсунньу 2020). Сигэнии күнэ: 14 Алтынньы 2025.
  3. ↑ Журналисты Якутии. https://sakhajour.ru. Сигэнии күнэ: 14 Алтынньы 2025.
  4. ↑ Многогранный талант Алексея Амбросьева (рус.). Сигэнии күнэ: 2 От ыйын 2026.
  5. ↑ "Лингвист": Алексей Амбросьев и Эдуард Новиков презентовали свой фильм в Санкт-Петербурге. https://sakhapress.ru. Сигэнии күнэ: 14 Алтынньы 2025.
  6. ↑ Книги на все времена. https://vv.cbsykt.ru. Сигэнии күнэ: 14 Алтынньы 2025.

Категориялар