Нуучча тылынанАнал бырайыактар
Тылы уларыт
УРУБИИКИ ТУҺУНАН

Саха Өрөспүүбүлүкэтин куукула тыйаатыра

Саха Өрөспүүбүлүкэтин куукула тыйаатыра (нууч. Театр кукол Республики Саха) — Нерюнгритааҕы куукула тыйаатыра, Саха сирэ. 1985 сыллаахха төрүттэммитэ.

Остуоруйата

1983 сыллаахха Саха АССР Миниистирдэрин Сэбиэтэ РСФСР культураҕа министиэристибэтигэр Нерюнгри куоракка республикатааҕы куукула тыйаатырын арыйыы туһунан этии киллэрбитэ. 1984 сыллаахха «Саха АССР Нерюнгри куоратыгар куукула тыйаатырын арыйыы туһунан» бирикээскэ РСФСР культураҕа миниистирэ Ю. С. Мелентьев илии баттаабыта.

1985 сыллаахха Нерюнгрига СССР норуодунай артыыһа С. В. Образцов мэктиэлээһининэн Москватааҕы куукула тыйаатырыттан Андрей Ярцев кэлэн, Саха АССР культураҕа миниистирин 41-с нүөмэрдээх уурааҕынан кылаабынай режиссёрунан анаммыта.

Тыйаатыр бастакы артыыстарынан Свердловскайдааҕы театральнай училищены бүтэрээччилэр анаммыттара. 1992 сыл ыам ыйын 19 күнүгэр уус-уран салайааччы Игорь Уткин көҕүлээһининэн В.Коростылёв айымньытыгар олоҕуран «О чём рассказали волшебники» диэн испиктээкил турбута.

Бүгүҥҥү күҥҥэ тыйаатырга 46 киһи үлэлиир. Мантан 15-һэ— артыыстар[1]. Театр репертуарыгар, үгэс быһыытынан, кукольнай испиктээкиллэр уонна драматическэй туруоруулар киирэллэр. Бэйэлэрэ бас билэр иистэнэр, бутафорскай, уһанар, тыас-уус, уот-күөс мастарыскыайдаахтар. Бу мастарыскыайдарга худуоһунньуктар, режиссёрдар ураты толкуйдарын олоххо киллэрээри, араас, ыарахан салайыллар куукулалары оҥороллор. Маны сэргэ, тыйаатыр туруорууларыгар, таҥас-сап, декорация, араас мал-сал оҥоһуллар.

Тыйаатыр 35 сыллаах остуоруйатыгар аат 3 төгүл уларыйа сылдьыбыта, ол эрэн 2019 сыллаахха тыйаатыр бастакы аатын төнүннэрбиттэрэ. Төттөрү куукула тыйаатыра диэн аатаммыта.

2014 сыллаахтан тыйаатыр дириэктэрэ Саха Өрөспүүбүлүкэтин искусствотын үтүөлээх деятелэ Пётр Скрябин[2], кылаабынай режиссёр — СӨ культуратын туйгуна Александр Иванов.

Тыйаатырга кыра уонна улахан саалалар бааллар. Көрүдүөргэ театрализованнай экскурсиялар, быыстапкалар ыыттыллаллар.

2023 сыллаахха «Культура» национальнай бырайыагынан хапытаалынай өрөмүөн ыытыллыбыта. Киирэр аан, түннүктэр, кирилиэс, саалаҕа кириэһилэлэр, сыана быыһа, тыас, уот саҥардыллыбыттара[3].

Наҕараадалар

  • 1994 — «Невский Пьеро» бэстибээл лауреата, Санкт-Петербург.
  • 1998 — «Сата — 98» бэстибээл, Дьокуускай. «Сказка о рыбаке и рыбке» испиктээкилгэ «Бастыҥ дьахтар оруола» анал аакка кыайыыны ситиспиттэрэ.
  • 2002 — «Рождественский парад» норуоттар икки ардыларынааҕы бэстибээлгэ Гран-при. Санкт-Петербург. «Откровения от…» испиктээкил бастыҥ ааты ылбыта.
  • 2002 — Псковка VIII бүтүн дойдутаа5ы Пушкинскай театральнай бэстибээл лауреата
  • 2017 — «Рождественский парад 2017 г.» норуоттар икки ардыларынааҕы бэстибээлгэ «Вечер сказок» испиктээкил «Лучший кукольный спектакль» диэн анал ааты ылбыта. Санкт-Петербург[4].

Быһаарыылар

  1. ↑ История. Театр кукол Республики Саха (Якутия) г.Нерюнгри. Сигэнии күнэ: 15 Алтынньы 2025.
  2. ↑ Театр кукол Республики Саха (Якутия). Цифровая культура. Сигэнии күнэ: 15 Алтынньы 2025.
  3. ↑ В Нерюнгри после капремонта откроется республиканский театр кукол. ВГТРК ГТРК «Саха» (16 ноября 2023). Сигэнии күнэ: 15 Алтынньы 2025.
  4. ↑ Награды. teatr-14.ru. Сигэнии күнэ: 15 Алтынньы 2025.

Сигэлэр

Эбии бу тиэмэҕэ

Категориялар