Рабиндранат Тагор
Рабиндранат Тагор (бенг. রবীন্দ্রনাথ ঠাকুর) (1861 сыл ыам ыйын 7 күнэ, Колката — 1941 сыл атырдьах ыйын 7 күнэ, Колката, Британская Индия[d]) — Бенгали полимата. Бэйиэт, ойуулааччы, драматург, суруйааччы, үөрэҕирии үлэhитэ, социал реформатор, омугумсук, эргиэн салайааччы уонна композитор этэ. Кини үлэлэрэ Бенгали литературатын уонна музыкатын XIX үйэ бүтүүтүгэр уонна XX үйэ саҥатыгар сайыннарбыттара. Азия бастакы Нобель лауреата буолар, 1913 с. Нобель литература бириэмийэтин кыайыылааҕа.
Тагор бастакы поэмаларын аҕыс саастааҕар суруйбута. Уон алта саастааҕар, Bhanushingho («Күн хахайа») диэн псевдоним ылыммыта, бастакы кэпсээннэрин уонна драмаларын 1877 с. суруйбута. Кэлин олоҕор Тагор Британия салалтатын булгуччу утарбыта уонна Индия тутулуга суох буолуу хамсааhынын өйөөбүтэ.
Тагор политика уонна тус олох темаларыгар романнары, кэпсээннэри, ырыалары, үҥкүү драмаларын уонна эсселары суруйбута. Ордук биллиилээх үлэлэринэн буолаллар Gitanjali, Gora уонна Ghare-Baire. Кини хоhоонноро, кэпсээннэрэ уонна романнара ритм лиризмнаахтар, кэпсэтии тыллаахтар, санааҕа ылларбыт натурализмнаахтар уонна философия сорунуулаахтар, аан дойдутааҕы уруйдааhыннаахтар. Тагор онтон ураты Бенгали дьоҕурун классик Индия быhыыларыттан тэйитэн сайыннарбыт култуура реформатора буолар. Кини икки ырыата Баҥладеш уонна Индия ил өрөгөй ырыалара буолбуттара: Amar Shonar Bangla уонна Jana Gana Mana.