Нуучча тылынанПартнёрдар бырайыактараАнал бырайыактар
Тас көрүҥүн уларытТылы уларытИһитиннэрии
УРУБИИКИ ТУҺУНАН

Потапова Елизавета Федотовна

УРУБИИКИ иһигэр маннык араспаанньалаах дьон туһунан ыстатыйалар бааллар, көр Потапова.

Елизавета Федотовна Потапова (1963 ыам ыйын 8, Дьокуускай) — сэбиэскэй уонна Арассыыйатааҕы тыйаатыр, киинэ артыыһа, уус-уран ааҕааччы. П. А. Ойуунускай аатынан Саха академическай тыйаатырыгар үлэлиир. Саха Өрөспүүбүлүкэтин үтүөлээх артыыһа.

Олоҕун олуктара

1963 сыллаахха ыам ыйын 8 күнүгэр Дьокуускай куоракка төрөөбүтэ.

1985 сыллаахха Михаил Семёнович Щепкин аатынан Тыйаатыр үрдүкү училищетын бүтэрбитэ.

1985—1997 сс. — Ньурба норуодунай тыйаатырын артыыһа.

1997 сылтан — П. А. Ойуунускай аатынан Саха академическай театр артыыһа[1].

Айар үлэтэ

2023 сыл ыам ыйын 8 күнүгэр Платон Алексеевич Ойуунускай аатынан Саха академическай тыйаатыр сыанатыгар Чингиз Торекулович Айтматов «Ийэ сир» сэһэнинэн испэктээкил бэстибээл-көрдөрүүтэ буолбута. Туруорууга Толгонай оруолун толорбута[2].

2023 сыл ыам ыйын 26 күнүгэр Саха Өрөспүүбүлүкэтин Национальнай бибилэтиэкэтигэр Бүтүн Арассыыйатааҕы «Бибилэтиэкэ түүнэ — 2023» аахсыйа чэрчитинэн «Ийэ сир» испэктээкил үс быһа тардыытын көрдөрбүтэ[1].

2020 сылга «Саха» Национальнай көрдөрөр-иһитиннэрэр хампаанньа саҥа телевизионнай сезонугар анаан бэлэмнээбит саха телесериалыгар сүрүн оруоллары толорооччулар истэригэр ааттаммыта[3].

Тыйаатырга оонньуур сүрүн оруоллара

  • Кэти («Восемь любящих женщин», Р. Тома)
  • Нургуһун («Лоокуут уонна Нургуһун», Т. Сметанин)
  • Даайыс («Олох дьэбэрэтэ», А. Софронов)
  • Хара Мотуо («Хотугу сибэкки»)
  • Күндү Күлүүк, кривошея Катерина, Байбаралаах Балбаара («Наара суох», И. Гоголев)
  • Надежда («Эргиллиэм хайаан да…», В. Васильев — Харысхал)
  • Толгонай («Материнское поле», Ч. Айтматов)
  • Аан Ахталыйа (олоҥхо «Кыыс Дэбилийэ»)
  • Синьора Монтекки («Однажды в городе», В. Шекспир «Ромео и Джульетта» трагедиятынан)
  • Варвара Никифорова («Бастыҥ хатыыта», В. Васильев — Харысхал)
  • Дуня («Оҕустар забастовкалара», Д. Наумов)
  • Амелия («Иччитэх дьиэ», Ф. Лорка)

Киинэҕэ оонньообут оруоллара

  • Женщина («Перелом», реж. Г. Багынанов, Сахафильм)
  • Сардаана («Биһирэм», И. Левин, Сахафильм)
  • Мария Неймохова («Хара мааска», 2003, реж. Н. Аржаков, Сахафильм)
  • Ирина («Неоплаченный долг», реж. О. Данилов, «Алмазфильм»)
  • «Лыах» (2012)
  • «Муммуттар» (2015)
  • «Эт» (2023)[4]

Уус-уран ааҕыылар

Сахалыы аудио-кинигэлэри устууга кыттар. 2024 сылга Валентина Николаевна Гаврильева «Күһүн таптала» диэн монолог-сэһэнин аахпыта, бу айымньы Саха Өрөспүүбүлүкэтин Национальнай бибилэтиэкэтин Электроннай бибилэтиэкэтигэр тахсыбыта[5].

2024 сылга «Оҕолорго аналлаах Библия» сахалыы тыллаах аудиоверсиятын бэлэмнээһиҥҥэ кыттыыны ылбыта. Устуу Епархиялар икки ардыларынааҕы таҥара үлэһиттэрин бэлэмниир киин устуудьуйатыгар Саха епархиятын тылбаас салаатын уонна Библия тылбааһын Институтун кыттыыларынан барбыта[6].

Наҕараадалара

  • Саха Өрөспүүбүлүкэтин үтүөлээх артыыһа (2006)[7]

Дьиэ кэргэнэ

  • Аҕата — Федот Федотович Потапов (1929—1995), режиссёр, РСФСР уонна Саха АССР үтүөлээх артыыһа. 1965 сыллаахха саха сыанатыгар бастакынан Чингиз Айтматов «Ийэ сир» сэһэнинэн испэктээкили туруорбута[2].

Быһаарыылар

  1. ↑ 1 2 Читаем «Материнское поле» Чингиза Айтматова (рус.). Национальная библиотека Республики Саха (Якутия) (1 Бэс ыйын 2023). Сигэнии күнэ: 31 Атырдьах ыйын 2026.
  2. ↑ 1 2 Наследница: Елизавета Потапова об отце, своём бенефисе и связи прошлого с настоящим (рус.). Якутия Daily (6 Ыам ыйын 2023). Сигэнии күнэ: 31 Атырдьах ыйын 2026.
  3. ↑ Четыре якутских сериала представит НВК «Саха» в новом телевизионном сезоне (рус.). ЯСИА — Якутское-Саха информационное агентство (22 Алтынньы 2020). Сигэнии күнэ: 31 Атырдьах ыйын 2026.
  4. ↑ Елизавета Потапова (II). Кино-Театр.Ру. Сигэнии күнэ: 31 Атырдьах ыйын 2026.
  5. ↑ Гаврильева Валентина Николаевна. Электронная библиотека Национальной библиотеки Республики Саха (Якутия). Сигэнии күнэ: 31 Атырдьах ыйын 2026.
  6. ↑ В Якутии готовится к выходу аудиоверсия Ветхого Завета, Исхода и Библии для детей на якутском языке (рус.). ЯСИА — Якутское-Саха информационное агентство (20 Бэс ыйын 2024). Сигэнии күнэ: 31 Атырдьах ыйын 2026.
  7. ↑ Елизавета Потапова — актриса: биография (рус.). Кино-Театр.Ру. Сигэнии күнэ: 31 Атырдьах ыйын 2026.

Сигэлэр

Категориялар