Пааматынньык-таанка- Т-34-85
Пааматынньык-таанка Т-34-85 (нууч. Танк-памятник Т-34-85 в Якутске) — Аҕа дойду Улуу сэриитин саҕана сиэрийэнэн тахсыбыт дьиҥнээх таанка, Дьокуускай куоракка Кыайыы болуоссатыгар туруоруллубут пааматынньык. «Аҕа дойдуу Улуу сэриитигэр сырдык тыыннара быстыбыт биир дойдулаах буойуннарбытыгар Таанка-пааматынньык» официальнай ааттаах эрэгийиэннии суолталаах устуоруйа пааматынньыга.
Устуоруйата
Таанка-пааматынньык Т-34-85 Кыайы болуоссатыгар билигин турар сиригэр 1980 сыллаахха туруоруллубута. Монумент быһыытынан өссө эрдэ, болуоссат атын өттүгэр турбута биллэр[1]. Бу таанка үрдүк постамеҥҥа Аҕа дойду Улуу сэриитин кэмигэр Саха АССР үлэһит-дьоно ССРС оборонатын пуондатыгар анаан мунньан туттарбыт харчытынан тутуллубут «Советская Якутия» диэн таанка колоннатын туһунан өйдөбүнньүк быһыытынан туруоруллубута. «Советская Якутия» таанка колонната 1-кы Украинскай фроҥҥа, бойобуой массыыналар Кыайыыны уһансан, эйэлээх олоҕу төнүннэрэллэрин туһугар бэриллибитэ.
Саха АССР Миниистирдэрин Сэбиэтин «Саха АССР устуоруйатын уонна култууратын пааматынньыктарын туруга уонна ону тупсарыы туһунан» 31.12.1976 сыллааҕы 484 №дээх быһаарыытынан пааматынньык култуура утумун эбийиэктэрин ахсааныгар киирбитэ уонна судаарыстыбанан харыстанар буолбута.
2005 сыллаахха, Кыайыы 60 сылыгар, таанканы кытта биир уопсай постамеҥҥа «Фроҥҥа атаарыы» скульпура композицията туруоруллубута: боруонсаттан кутуллубут үс саллаат уонна оҕолоох дьахтар.
Галерея
Быһаарыылар
Литература
- Постановление Совета Министров ЯАССР «О состоянии и мерах по улучшению охраны памятников истории и культуры Якутской АССР» от 31.12.1976 г. № 484 от 31.12.1976