Охлопков Егор Герасимович
Охлопков Егор Герасимович (1897 сыл тохсунньу 5 күнэ, Нам улууһа — 1974) — олоҥхоһут. 1939 сылтан ССРС СС (Суруйааччылар Союзтарын) чилиэнэ.
Олоҕун олуктара
Егор Охлопков 1897 сыллаахха тохсунньу 5 күнүгэр Нам улууһугар төрөөбүт. 1919—21 сс. — Нам улууһун ревкомитет чилиэнэ. 1925—27 сс. — нэһилиэк Сүбэтин тойоно. Үүт-табаар пиэрмэтин салайааччыта, биригэдьиир, уус уонна колхоз тойоно этэ. Аҕа Дойду Улуу сэриитин кэмигэр үлэ фронугар үлэлээбитэ.
Кини «Сир үрдүттэн сидьиҥнэри сиппийиэҕиҥ!» айымньыта 1938 с. тахсыбыта. Киниттэн «Алантай Боотур» уонна «Үрүҥ Уолан бухатыыр» олоҥхолору суруйан ылбыттар.
Егор Охлопков 1939 с. П. А. Ойуунускай мэктиэлээһининэн ССРС Суруйааччыларын союһун чилиэнэ буолбута.
Дьиэ кэргэнэ
- Аҕата — Охлопков Герасим Иванович (1848—1926).
- Ийэтэ — Охлопкова Анисия Яковлевна (1861—1936).
- Бииргэ төрөөбүттэрэ — Спиридон, Иван, Варвара, Матрена Охлопковтар.
- Кэргэнэ — Ядрихинская Ирина Ивановна. Кыыстара Соня оскуоланы бүтэрэн баран эмиэ ыалдьан өлбүтэ. Уоллара Иннокентий Егорович Охлопков — Сунтаар улууһугар бастакы народнай тыйаатыры тэрийбитэ.
- Кэргэнэ — Альбина Охлопкова (Гусева). Оҕолоро — Александр, Ирина, Татьяна[1].
Быһаарыылар
Сигэлэр
- Егоров А. Протодьяконов В., Павлова В. Писатели Якутии: Биобиблиогр. справочник. — Якутск: Кн. изд-во, 1981. — 271 с.
- Кириллин Д. В., Павлова В. Н., Шевков С. Д. Писатели земли Олонхо: Биобиблиогр. справочник. — Якутск: Бичик, 1995. — 304 с.
- Охлопков Е. Г. туһунан Олоҥхо тыйаатырын ситим-сиригэр