Орлов Михаил Павлович
Орлов Михаил Павлович (1928 сыл ахсынньы 21 күнэ, Большой Умыс[d], Средневолжский край[d] — 1994 сыл муус устар 20 күнэ, Большой Умыс[d], Пенза уобалаһа) — тутааччы, «Якуталмаз» трест 2 №-дээх байытар фабрикатын биригэдьиирэ, Социалистыы Үлэ Дьоруойа.
Олоҕун олуктара
1928 сыллаахха ахсынньы 21 күнүгэр Пенза уобалаһыгар бааһынай дьиэ кэргэнигэр төрөөбүт[1].
Сэрии сылларыгар олохтоох холкуоска үлэлээбит[2].
1948 сылтан авиатехническэй училищеҕа үөрэммит, бүтэрэн баран 1950 сылтан 1952 сылга диэри Калининградка самолет механигынан үлэлээбит. 1952 сылтан Ленинград собуотугар слесардар биригэдьиирдэринэн үлэлээбит.
Саха сиригэр ЫБСЛКС КК путевкатынан кэлбит.
Кини тутааччыларын биригээдэтэ Мирнэй куорат бастакы уулуссаларын туппут (Бастакы Московскай уулусса, Бастакы Ленинград проспега). Ону таһынан, кини биригээдэтэ 1 №-дээх байытар фабриканы туппут. Айхал бөһүөлэк тутууларыгар үлэлээбит.
ССРС Үрдүкү Сүбэтин Президиумун 1960 сыл ыам ыйын 28 күнүнээҕи Ыйааҕынан Орлов Михаил Павловичка Социалистыы Үлэ Дьоруойун аата иҥэриллибит, Ленин уордьана уонна «Сиэрпэ уонна Балта» кыһыл сулус туттарыллыбыт.
ССКП XXII съеһин делегата (1961).
1980 сыллаахха дойдутугар Большой Умыска төннөн, «Пензмаш» собуотугар учаастак салайааччытынан пенсияҕа тахсыар диэри үлэлээбит.
1994 сыллаахха муус устар 20 күнүгэр өлбүт[1].
Наҕараадалара уонна ытык ааттара
- Социалистыы Үлэ Дьоруойа (1960);
- Ленин уордьана;
- «Сиэрпэ уонна Балта» кыһыл көмүс мэтээл[1];
- Мирнэй куорат Ытык олохтооҕо[3] (1964)[4].
Аатын үйэтитии
- 2014 сыллаахха Улахан Умыс нэһилиэк орто оскуолатын эркинигэр Орлов М. П. кэриэһигэр өйдөбүнньүк дуоска туруоруллубут;
- Бу нэһилиэк биир уулуссата кини аатын сүгэр[1].
Быһаарыылар
Литература
- Владимир Пестерев. История Якутии в лицах. — Якутск: «Бичик», 2001.