Николаев Владимир Тимофеевич
Николаев Владимир Тимофеевич (1945 сыл кулун тутар 13 күнэ, Ньурба улууһа, Саха АССР — 2008 сыл кулун тутар 31 күнэ) — «Саха Омук» уопсастыба 1990—1993 сс. салайааччыта, Ил Түмэн маҥнайгы ыҥырыытын дьокутаата, аатырбыт хапсаҕайдьыт.
Олоҕун олуктара
Владимир Николаев 1945 сыллаахха кулун тутар 13 күнүгэр Ньурба оройуонун Хорула нэһилиэгэр төрөөбүт. Идэтинэн — инженер-тутааччы, Саха государственнай университетын бүтэрбит.
1973—1974 сс. «Холбос» СМУ тутууга инженера.
1974—1976 сс. «Главякутстрой» холбоһук 6-с нүөмэрдээх СМУ-тун маастара.
1978—1978 сс. «Якутсельстрой» холбоһук 612-с нүөмэрдээх ПМК-тын прораба.
1978—1984 сс. Стройбанк инженера, инженер-ревизора.
1984—1986 сс. Саха АССР Олох-дьаһай хаһаайыстыбатын министиэристибэтин тутууга уонна олорор дьиэ пуондатын тупсарыыга отделын начаалынньыга.
1986—1988 сс. «Якутзолото» холбоһук Дьокуускай куораттааҕы техническай надзордарын отделын начаалынньыга.
1988—1991 сс. 18-с нүөмэрдээх ТПО техническай надзора[1].
I ыҥырыылаах Ил Түмэн дьокутаата. «Саха омук» уопсастыбаннай-политическэй холбоһук вице-президенэ[2].
«Хапсаҕай былыргыта уонна бүгүҥҥүтэ» кинигэ ааптара. 2010 сыллаахха «Өбүгэлэрбит үгэстэрин салҕаан» сиэрийэ иһинэн тахсыбыт кинигэ хапсаҕай бөлөһүөпүйэтин, ис хоһоонун, техникатын уонна тактикатын чинчийэн, үөрэтэн көрүүгэ бастакы холонуу быһыытынан сыаналаныан сөп. Ааптар саха биллиилээх тустууга Абый Бааскалыын тустуу ньымаларын, албастарын көрдөрбүт хаартыскалара кинигэни толорон, ситэрэн биэрэллэр.
2008 сыллаахха, кулун тутар 31 күнүгэр ыалдьан өлбүт.
Успуортка ситиһиилэрэ
- Дуобакка оҕолорго өрөспүүбүлүкэ чөмпүйүөнэ (1960);
- Хапсаҕайдаһан тустууга Саха Сирин спордун маастара;
- Дуобакка спорт маастарыгар кандидат;
- Боксаҕа уонна саахымакка 1-кы разрядтаах;
- Хапсаҕайга 72 киилэҕэ өрөспүүбүлүкэ тыатын сирин спортсменнарын күрэхтэһиитин кыайыылааҕа (1967);
- Бүлүү зонатын абсолютнай чөмпүйүөнэ (1967);
- Баһылай Манчаары бирииһигэр VI Спартакиада чөмпүйүөнэ (1977);
- Боксаҕа 75 киилэҕэ Саха Сирин «Урожай» уопсастыбатын чөмпүйүөнэ.