Нуучча тылынанАнал бырайыактар
Тылы уларыт
УРУБИИКИ ТУҺУНАН

Нарыйаана (аат)

Нарыйаана, Нарыйа (нууч. Нарыяна или Нарияна; Нарыя или Нария) — сахалыы кыыс, дьахтар аата.

Суолтата

Багдарыын Сүлбэ быһаарыытынан, Нарыйа (Нарыйаана) — былыргы ааттан төрүттээх. «Нарын» диэн тылтан үөскээбит, «олус эйэҕэс, сымнаҕас, ис киирбэх» диэн суолталаах. Бу аат «айыы ааттарыгар» киирсэр[1].

Аат күнэ-ыйа: Олунньу 17, 18 күннэрэ, муус устар 1, 2 күннэрэ, ыам ыйын 25, 26 күннэрэ (Нарыйа).

Саха тылын быһаарыылаах улахан тылдьытын VI томугар нарын диэн тыл «Уран, тупсаҕай быһыылаах, оҥоһуулаах, модорооно суох» (нууч. Нежный, красивый, изящный) диэн быһаарыллыбыт. Ону кытта, тыл монгуоллуу нарийн, бүрээттии нарин, тывалыы нарын («нарын, уран, синньигэс») диэн тыллары кытта ситимнээҕэ ыйыллыбыт.

Тарҕаныыта

Гражданскай турук аакталарын суруйуу (нууч.) (сах. Дьаһалтата биллэрбитинэн, 2024 сыл маҥнайгы кыбаарталын түмүгүнэн Нарыйаана диэн аат Саха сиригэр саҥа төрөөбүт кыргыттарга ордук элбэхтик бэриллэр ааттар тиһиктэригэр киирбит (Сандаара, Кэрэли, Айыына, Мичийэ уонна Сайаана диэн ааттары кытта бииргэ)[2].

Атын көрүҥнэрэ

Аат нууччалыы киэбинэн Нарыя, Нария, Нарыяна, Нарияна диэн суруллуон сөп.

Аат атын көрүҥнэрэ: Нарын, Нарынча, Нарынчаана.

Эр киһиэхэ бэриллэр көрүҥэ суох.

Биллэр дьон

  • Нарияна (Нарыйаана) Иванова — Саха сириттэн төрүттээх модель, интернет-ситимигэр «Саха сирин Хаарчаанатын» быһыытынан киэҥник биллибитэ[3];
  • Нарияна Куо (дьиҥнээх аата Татьяна Маркова[4]) — саха эстрадатын ырыаһыта[5].

Култуураҕа

Быһаарыылар

  1. ↑ Багдарыын Сүлбэ, 2011, с. 42
  2. ↑ YakutiaMedia.ru. Стало известно самое популярное женское имя в Якутии - YakutiaMedia.ru. Сигэнии күнэ: 5 Атырдьах ыйын 2026.
  3. ↑ Сказочная девочка из Якутии взорвала соцсети, Sakhaday.ru (18 Муус устар 2017). Сигэнии күнэ: 5 Атырдьах ыйын 2026.
  4. ↑ Итак, она звалась Татьяной: Самые известные Тани Якутии, Sakhapress.ru. Сигэнии күнэ: 5 Атырдьах ыйын 2026.
  5. ↑ Нарияна Куо(биллибэт). Яндекс Музыка. Сигэнии күнэ: 5 Атырдьах ыйын 2026.
  6. ↑ Игорь Егоров - Нарыйаана (рус.). Sakha Music - Сахалыы ырыалар. Сигэнии күнэ: 5 Атырдьах ыйын 2026.
  7. ↑ Дьулустан Чуручанов - Нарыйа (рус.). Sakha Music - Сахалыы ырыалар. Сигэнии күнэ: 5 Атырдьах ыйын 2026.
  8. ↑ Нарыйа кыыс(биллибэт). Яндекс Музыка. Сигэнии күнэ: 5 Атырдьах ыйын 2026.

Литература

  • Багдарыын Сүлбэ Аатта тал. — Дьокуускай: Бичик, 2011. — 96 с.
  • Тэрис Тэрис. Сахалыы аат. — Дьокуускай: Якутский край, 2012. — 41 с.

Категориялар

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».