Нуучча тылынанАнал бырайыактар
Тылы уларыт
УРУБИИКИ ТУҺУНАН

Мичийэ (аат)

Мичийэ — сахалыы кыыс, дьахтар аата.

Суолтата

Багдарыын Сүлбэ быһаарыытынан, «мичил» диэн тылтан тахсыбыт[1], ол аата Киһи сирэйигэр-хараҕыгар көстөр үөрүү, дуоһуйуу бэлиэтэ (нууч. радостная улыбка)[2]. Кини наардааһынынан, бу аат былыргы ааттарга киирсэр уонна сир иччитигэр сыһыаннаах буолуон сөп (сир иччитин биир биллэр аата — Күскэм Мичил диэн).

Аат күнэ-ыйа — от ыйын 3, 4 күннэрэ[1].

Оттон Тэрис быһаарыытынан, аат «мичий» диэн тылтан үөскээбит[3], ол аата Үөрбүт, көнньүөрбүт иэйиигин уостаргынан, хараххынан күлэ быһыытыйан биллэр диэн (нууч. Светиться, сиять тихой улыбкой)[4].

Тарҕаныыта

Саха сиригэр саҥа төрөөбүт кыыс оҕолор ортолоругар Мичийэ диэн аат 2023 сылтан киэҥник тарҕаммыта бэлиэтэммит[5].

Ол курдук, 2023, 2024, 2025 сыллар түмүктэринэн, бу аат сахалыы кыыс ааттарыттан тиһигин быспакка биэс бастыҥ иһигэр киирэр[6][7].

Атын көрүҥнэрэ

Бу аат тэҥ суолталаах атын көрүҥэ — Мичилээнэ. Эр киһиэхэ бэриллэр көрүҥэ — Мичил.

Ону кытта Мичий, Мичик, Мичээр, Мичээрэ диэн ааттар бааллар.

Биллэр дьон

  • Мичийэ Еремеева — ырыаһыт, «Букет бумажных цветов» бөлөх толорооччута, ырыаһыт Василий Еремеев (1979—2023) кыыһа[8];
  • Мичийэ Менкярова — дубляж (нууч.) (сах. артыыската, «Тооку» ойуулукка Мичийэни саҥардар; артыыс Гаврил Менкяров кыыһа[9].

Быһаарыылар

  1. ↑ 1 2 Багдарыын Сүлбэ, 2011
  2. ↑ мичил (рус.). SakhaTyla.Ru - Якутский словарь. Сигэнии күнэ: 1 От ыйын 2026.
  3. ↑ Тэрис, 2012
  4. ↑ мичий (рус.). SakhaTyla.Ru - Якутский словарь. Сигэнии күнэ: 1 От ыйын 2026.
  5. ↑ ЗАГС Якутии назвал популярные и необычные имена для новорожденных в 2023 году | Якутия24(биллибэт). yk24.ru. Сигэнии күнэ: 1 От ыйын 2026.
  6. ↑ YakutiaMedia.ru. Стало известно самое популярное женское имя в Якутии - YakutiaMedia.ru. Сигэнии күнэ: 1 От ыйын 2026.
  7. ↑ Названы популярные и редкие имена новорожденных в Якутии с начала года — ЯСИА, Новости Якутии и Якутска — свежие новости онлайн на сайте ysia.ru — ЯСИА (26 Сэтинньи 2025). Сигэнии күнэ: 1 От ыйын 2026.
  8. ↑ Интервью с дочкой Василия Еремеева (рус.). sakhatime.ru. Сигэнии күнэ: 1 От ыйын 2026.
  9. ↑ Якутский мультфильм «Тооку уонна Чысхаан» выходит на большие экраны — ЯСИА, Новости Якутии и Якутска — свежие новости онлайн на сайте ysia.ru — ЯСИА (4 Ахсынньы 2025). Сигэнии күнэ: 1 От ыйын 2026.

Литература

  • Багдарыын Сүлбэ Аатта тал. — Дьокуускай: Бичик, 2011. — 96 с.
  • Тэрис Тэрис. Сахалыы аат. — Дьокуускай: Якутский край, 2012. — 41 с.

Категориялар

© Правообладателем данного материала является АНО «Интернет-энциклопедия «РУВИКИ».
Использование данного материала на других сайтах возможно только с согласия АНО «Интернет-энциклопедия «РУВИКИ».